Vi vaski, va adawzlaŋ tərɗa akoffo awaniɓa kevile, vaski ərəh neti wazlaŋ addəv offo, gebbet waŋgənə, uffuyõ net wammbat til va burɗuku, vi azeleninik mahenziŋ na Yawe Məzuɓappak gəm azeleninik əpel na Maŋgəlva Salala na Israyel.
An Yawe Məzuɓappak Maŋgəlva net mə Israyelɗe anah yaŋka: In yakəŋ əki tatwãh aka walaŋgəla-metiŋgiŋ dit walaŋgəleɗe nan pak va nənahə. Vi aɓɓəlanənək kiyti ka adaprəmən əpel naw ɓa.
Kənahgən na: Məprəm əpel na Yawe, milyeŋge na Yuda, gəm mənokum ɗiy na Yerusalem! An Yawe Məzuɓappak Maŋgəlva na Israyel anah yaŋka: In yakəŋ əki tatwãh aka təkiyəŋka, ɗəf dəprəm pak sləman wagəɗ nzeehẽ.
Məssoŋ məskəlkum awra vi Yawe. Məzargən gayã na mokrokum, ɗiy na Yuda dit en na Yerusalem. Vi ədagədəv naw adawgilyen va offo nzilimnzilimi, məza ɗəf namtan tay ɓa, sən zəga naɗɗa nokum na daraw.
Sən nawa nədawpel sən gəm nədawɗi ka miziwe naw dəprəməngən di? Sləmet asukko, aɓapən na əzga sləma ɓa. Əpel na Yawe tay va zəga na əra azeti; annekeŋ dəndən ɓa.
An Yawe apel yaŋka: «Aka əɓoŋ an ɗiy na Yuda aɓoŋ təl hoku gəm aka əɓoŋ poɗo, nəppan na wən an nəziwgin ɓa. Vi azganənək mahenziŋ na Yawe gəm dərmenin əsəɓɗe nan ɓa, tepelkeɗ net məs efiŋgiɗit azban nek ezetinke.
Dəpaŋ in tat əgəm disiŋ də dəlvafuŋ ka miziweɗe akokum: zeŋgile də əmta gəm wəzaɓ də əray nəɗi abokum. Dəɗah muwel zeŋgile, kəssoŋgən madorokum mənokum dit kirtukum,
ya dəpaŋ na nəɗiyik disiŋ də dəlvafuŋ dəkiyaŋ suwəngən wən akokum: Ɓo' way ta' wakəzaŋ də kakara səka dələv kədaggaraŋ ki Yurden kawmõhən ka nokuməŋka, kənziyaŋ na diyɗa adak ɓa: kawzokumi kakãhə.