Yeremiya 6:13 - Bible en Guidar

¹³ Vi təŋ səka muzliya hã gap ɗəf metiŋgini, naway pak tay əkayan ərəh kaka. Təŋ səza məskəleŋ gap aza məsdəlva, naway pak tay uwawəna.

Yeremiya 6:13 ပူးပေါင်းရင်းမြစ်များ

Isaya 28:7

Məsdəlveŋge dit məskəleŋɗe pak tay əttapaŋ sən wən na mbazla tay əzaŋ sən əbay na mbazla, mbazla abeyike, tahəŋ gərəŋgərəŋ sən mbazla, tay əzaŋgə, awlanən an dədaɗɗa ɓa awɓapaŋ wətawwən ɓa vi mbazla abeyike.

Isaya 57:17

Vi heslepe na əsim zəga nani yi nədə gədəva. Addəv ədagədəv nawa nərbəsənəka maw tay aka ulan ɓa aɓɓəlanək kini, agəmək tive məs aŋgələ.

Yeremiya 14:18

An nigilik awra, ɗiy mimtit sən əgay nədawla. An nətoŋguk a walaŋgəla-metiŋgini, ɗiy məzəmtaŋ sən may nədawla. Vi məskəleŋɗe gəm məsdəlveŋge dayday abbalanənək dəlva: dərəhnən gabban ɓa.

Yeremiya 17:11

Va taɓraw məs dəvoŋ aket ɗeŋzle məs awəŋ ɓa vaski məgəɗ arya məs də tiveni ɓa. Aka dadak ənziya nani, arya nan wappani aza əggrak nan na wakkpaŋ mitemin.

Yeremiya 2:26

Va wil adawdanən məhala pay məgbat akani, vas wil adawdenin mə Israyelɗe, ndəɗaŋgə, milyeŋge neti, deyeɗe neti, məsdəlveŋge neti gəm məskəleŋɗe neti.

Yeremiya 2:29

Vimi kədawɓuhun mokum də in di? Yawe aɗiymani. Mənokum baymokum pak kətemeŋgik akawa.

Yeremiya 2:8

Məsdəlveŋge awnahaŋ na: ŋgay Yawe di ɓa? Ɗiy na mahenziŋ dəsənwən ɓa, məzuteɗeŋge net ɗiy atemeŋgik akawa, məskəleŋɗe aɗɗaŋgək kələŋ də iya na ba'al, ammbet zəgeɗ en atəraŋ na wəray ɓa addoŋgu.

Yeremiya 22:17

Ya nok horok də mokrok pak aka ərəh noki, gəm aka əggbo' mbel net ɗiy en də mazlibezlibe na meti, aka əsər met ɗiyi gəm aka əɗɗa darawi yi.

Yeremiya 23:10

Dələv aknahək dit ɗiy məkuwaŋ a gizbe. Vaski dələv tay addəv əhəm aka wən na mefɗeke; təki nawtaɗ a kapta-muyã akəlka, əɗɗum net aka əɗɗa mambrayi gurom net dəslə aza an naɗɗa ɓa.

Yeremiya 23:11

Məskəleŋɗe dit məsdəlveŋge zlaŋ arayaŋka. Ha addəv gəla naw dayday nərahək mambray neti, Yawe aɗiymani.

Yeremiya 27:15

Naw nəslin ɓa Yawe aɗiymani, ya net tahəŋ əɗɗaŋ kəleŋ na uwwa wən də iya nawa, ka nərɓohkumgən kəzaŋgəni, mənokum dit məskəleŋɗe məzəɗɗaŋ sukumən kəleŋgi.

Yeremiya 32:32

aka mambray an mə Israyelɗe gəm mə Yudeɗ aɗɗaŋ nawdan su gədəvwa, ndəɗaŋ, milyeŋge neti, ɗiy gugriɗ neti, məsdəlveŋge neti, məskəleŋɗe net dit ɗiy na Yuda gəm en na Yerusalem.

Yeremiya 42:1

Yas deyeɗe net məzəlpaŋ, Yohanan wətən Kareya, Yezaniya wətən Hosaya gəm ɗiy pak muzliya də ɗəf metiŋ pakə azzoŋ

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Yeremiya 8:10

Vini nədapsit gil net sit ɗiy mbirti guli net sit ɗiy en nawmõhini Vi təŋ səka muzliya hã gap ɗəf metiŋgini, naway pak tay əkayan ərəh kaka; təŋ səza məskəleŋ gap aza məsdəlva, naway pak tay uwawəna.

Əɓuhma 4:13

As pak agəɗ na aka mambray net məskəleŋɗe nani, gəm an məsdəlveŋge nan araygənəni yi, abeyinik ɗiy təstəs addəvni.

Ezekiyel 22:12

Ɗiy tay itipeŋ hara ɗəf də arya anokda vi kawbay ɗəfa, kawrəha; is tat ətaf ərəh toŋ ki va aka dəmən; is tat əppit meggeŋgiɗuk də əsərmeti; ya naw na is kiyu zəgət! Daya Yawe aɗiymani.

Ezekiyel 33:31

Wazzoŋ azok hiɗimhiɗimi, wassoŋ aboko, ndəɗaŋ ɗiy nawa, tahəŋ waprəmən əpel noko ya azbanən na ɓa, vi met aka əzban ənnek neti gəm ərəh an mekret asan akani.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 3:5

An Yawe anah aket məskəleŋɗe məzetin ɗiy nan yaŋka: An zəga tay a bereti, ndəɗaŋ ənahaŋ na zazay tayi, ya ndəɗaŋ əɗɗa əgay də ɗəf an dəgul sit zəga a beret ɓa.

Luka 16:14

Adan Farisaɗe məŋglaŋ deleɗis aprəmən wənəs pakə, amasaŋgək akani.

1Timote 3:3

Adawsan ɗəf məs dəppan ki zən sən mbazla ɓa, adawsan məŋgəl əgay ɓa, dəsan makran zayə, adawsan məkaymama ɓa, awaniɓa məŋgəl deleɗ diyɗa diyɗa ɓa.

2Piyer 2:1

Va məskəleŋɗe məwaŋ tepelke azzoŋ aweleŋgit ɗiy lahəŋka, vaski yi'e mərbaŋ wən na tepelke adazzoŋ a waloŋkum. Wakiyaŋ zəga narba na tepelke məs nawkan a təki nawza, wazelenən Daya məs dəkõhgiti, vi vaski əza warihe.

2Piyer 2:3

Addəv əsim deleɗ neti, wawaŋ sukumən tepelke vi kappətkumənən. Far mətawwən aketi, əza net aliy na ɓa.