Yeremiya 6:10 - Bible en Guidar

¹⁰ Sən nawa nədawpel sən gəm nədawɗi ka miziwe naw dəprəməngən di? Sləmet asukko, aɓapən na əzga sləma ɓa. Əpel na Yawe tay va zəga na əra azeti; annekeŋ dəndən ɓa.

Yeremiya 6:10 ပူးပေါင်းရင်းမြစ်များ

Gəlyaɗe 1:2

ya məzənneken zən addəv mahenziŋ na Yawe gəm ə'oron mahenziŋ nan kapay də dəfəɗ pakə!

Gəlyaɗe 119:16

Zu neki dit mahenziŋɗe noko, nəzgət na ki əpel nok ɓa.

Gəlyaɗe 119:174

Maw aka əkõh noko Yawe, mahenziŋ nok dədanneken zuwa.

Gəlyaɗe 119:24

An kəziwgin zəknan neki azawa, ndəni məzuvay pepete.

Gəlyaɗe 119:35

Adawgu aka tive net əsəɓɗe noko, vi dəndəni zu adanneke.

Gəlyaɗe 119:70

Mekret aleŋgək va səlhã; naw in tat ənneken zu də mahenziŋ noko.

Gəlyaɗe 119:77

Kəta ulasasãh nok dəsan akawa, wanəsaw madarawa, vi mahenziŋ noki yi ənnek nawa.

Gəlyaɗe 40:8

Yaŋ nəmna: «Yaŋ na, nədek də ɗerewel məktəmən məverən aka wən nawa.»

Əgilye 6:12

Yaŋ Moyis apel aba Yawe na: «Yaŋ na, mə Israyelɗe dəprəmnən maw ɓa. Mbari Farawən adaprəm maw də dədək na mawəŋ di?»

Isaya 42:20

Kulaŋgək zəgeɗ diyɗa, kərmenin ɓa hara; sləmokum akolko, kəprəmaŋ ɓa hara.

Isaya 53:1

Naway dətaf alabara nenek məs məprəm di? Naway səmmbam dula gbogboŋ na Yawe di?

Yeremiya 35:13

An Yawe Məzuɓappak na disiŋ Maŋgəlva na Israyel anah yaŋka: «Dok ənahsən ɗəf na Yuda gəm ɗiy na Yerusalem na: kərəhaŋ iyak naprəm əpel naw ɓa sa?» Əɗiyma na Yawe.

Yeremiya 4:4

Məssoŋ məskəlkum awra vi Yawe. Məzargən gayã na mokrokum, ɗiy na Yuda dit en na Yerusalem. Vi ədagədəv naw adawgilyen va offo nzilimnzilimi, məza ɗəf namtan tay ɓa, sən zəga naɗɗa nokum na daraw.

Yeremiya 5:21

Kamə məprəm wənəŋ ɗa, ɗiy məs əɗɗum net gbeslsle məza maɗɗula ɓa, məs hereti, ya awlaŋ ɓa, məs sləmeti, ya aprəmaŋ ɓa.

Yeremiya 7:13

Ya kakaŋ na, Yawe aɗiymani, adan kəɗɗetin wəzeɗes pakə, də nəpel sukum pay pakə zlaŋ na, kəprəmnən ɓa; də nəyukum zlaŋ na, kəzlanən ɓa.

Yeremiya 7:26

Ya dəprəmwən ɓa, dəpakən sləmet ɓa, aɓɓəlanənək kiyti. Aɗɗaŋgək mbərayən day ki an net efiŋgiɗti.

Ezekiyel 3:7

Ya ɗiy na Israyel net aŋgəmaŋ na kaprəmuk ɓa. Vi aŋgəmaŋ na əprəmwən ɓa yi; ɗiy na Israyel pak kiyit ɓəli yi, mekret kərtəhi.

Ezekiyel 33:3

Ɗəf nan an awlak masalam əzzan aka dələv vani; waffon gozloro kassak sit ɗiyi.

Ezekiyel 33:9

Ya an kəssak sənək məsdaraw vi dəmilgin səka ədaw nani, yas dəmil səka ədaw nan van ɓa, wamtə aka mambray nani, nok wakəkõhgən kiyko.

Amos 7:10

Amatsiya, məsdələv na Betel agapgənək alabaraŋ sən Yerobo'am məlĩ na Israyel, də wənah na: «Amos tay əŋgla ərɓohok səka məlĩ na Israyel. Dəlvəŋ aɓəs na əpel na man əmpa ɓa.

Matiye 3:7

Adan awle ɗiy diyɗa səret Farisaɗe dit Sadukiɗe əzzoŋ azan vi kawrəh baptem, aɓsit na: Kirtit barwayɗe nawa dərban sukum ənza səma ədagədəv an dədazzan di?

Luka 11:45

Yaŋ taka net mərbaŋ-mahenziŋ azlani, aɓsən na: Mərbəzəga, məs kədawnahəs na anam kədawra'e.

Luka 20:19

Yaŋ mərbaŋ-mahenziŋ dit deyeɗe net məsdəlveŋge akayaŋgək ərman Yesu daska'e ləŋgə, ya ageslne'eŋgək viyit ɗiyi, asənənka aketi apel wənməkkpaŋgaska.

Yohanna 7:7

Ənziya egge azelkum na ɓa, ya naw wazelwa, vi in tat ərban na, wəzeɗe nan mbəreytiŋ.

Yohanna 9:40

Yaŋ Farisaɗe səret en dəssoŋ dəndən aprəmən wənəska, aɓsənən na: Nam pak daŋgarɗe mənan kan sa?

Wəza net Masləŋɗe 7:51

Mə ɓəɓəl kiyti, makra ɓəɓəl gəm məsuk sləmeti, kəɓoŋgoŋguk daprəm ma Zeŋgile Salala vanet efiŋgiɗkum aɓoŋgoŋ daprəm mani.

Wəza net Masləŋɗe 7:60

Akdukuk takprani, anahək də wəlan dayadaya na: Daya kədaŋɗan sit mambrayəŋ ɓa, səza anah vaska, ndən leŋgi.

Roma 7:22

Vi addəv makraw na, in tat ənan nek də mahenziŋ na Maŋgəlva.

Əmsak aka Mahenziŋ 29:4

Wəzva kaklaw poɗo, in tat əbbalokum a kapta-muyã: lukutɗe nokum dərayaŋ ɓa, hensekɗe naka təlkum dəkkahaŋ ɓa.

Kolosi 1:28

Ndəni kan mədawpel wən nani, mədassak sit ɗiy pakə, mədawyeget ɗit pak də maɗɗula, vi kawziwgin ɗəf pak gərrak addəv Kristu.

2Timote 4:3

Vi pay wade məs aɓapən na ətaf əyak an salala ɓa, sləmet wahhereti. Ya wakkeletin mərbaŋzəga va aza əŋgla na gəɓa ziti.

Ibriɗe 11:7

Ammba ətafi, Maŋgəlva assak sən Nuwe aket zəgeɗ en naɗɗaŋ məza hara ɗəf dule tagay ɓa, yaŋ Nuwe agəm əpel na Maŋgəlva məza də əsmay ɓa, azaɓ bəlay vi kawkõhgən gəla nani. Də əɗɗa vaski atawwən aka dəlva, akkpaŋ məzəmgəla na təstəs nawrəh də ətafa.