Yeremiya 52:8 - Bible en Guidar

⁸ Yaŋ məzəlpaŋ net mə Kaldiyeɗ arɓahanən məlyã, arufnən Sedekiya a təki məwarwar na Yeriko; məzəlpaŋ nan pak atərayaŋgək səmmbani.

Yeremiya 52:8 ပူးပေါင်းရင်းမြစ်များ

Yeremiya 21:7

Səɓɓa as əmpa na, Yawe aɗiymani, wanəppan Sedekiya məlĩ na Yuda, məɗɗaŋ wəza nani, ɗiy en dəppaŋ səddəv walaŋgəla-metiŋginiŋ səma gəbaymərma, masalam gəm səma maya ammba va Nabukodonozor məlĩ na Babilon gəm ammba vet məzuzelɗe net məzəŋglaŋ kawbeytini, Nabukodonozor wabey də masalam, sasãh ɗəf tay adawla ɓa, ɗəf tay adappa ɓa, awəl na sasãh ɓa.

Yeremiya 32:4

Sedekiya məlĩ na Yuda wakõh səmmba vet mə kaldiyeɗ ɓa, əpsa nədepsən ammba va məlĩ na Babilon. Wapeleŋ met də mani, haran wawla.

Yeremiya 34:21

Vaska'e nədappan Sedekiya məlĩ na Yuda dit ɗiy gugriɗ nan ammba vet məzuzelɗe neti, ammba vet məkayanən zəŋgilet kawzani, ammba vet məzəlpaŋ na məlĩ na Babilon məs dəppanən əgay də mənokuməŋka,

Yeremiya 37:17

Yas məlĩ Sedekiya aslən əgəmən, məlĩ attokon man mahaɗama eŋgil ananda, amna: «Əpel tay səza Yawe sa?» Yaŋ Yeremiya, amna: Tay; yaŋ amna: kapsukki ava məlĩ na Babilon.

Yeremiya 37:18

Ndəni Yeremiya anah sən na: Mambray mi nəgəɗ azoko, azet gewleɗ noko gəm azet ɗiyiŋ, hara kəzgawəngən addəv gəla na fərsəna di?

Yeremiya 38:23

Kawketi gil nok beymet dit kirtuk sit mə kaldiyeɗi. Is zəknok pak kəkõh na səvet ɓa. Məlĩ na Babilon warmuko. Walaŋgəla-metiŋginəŋ kawzlani də offo.

Yeremiya 39:5

Yaŋ məzəlpaŋ net mə Kaldiyeɗ azbetini, arufnən Sedekiya a təki məpəlayya na Yeriko; armanəni akanən aza Nabukodonozor məlĩ na Babilon a Ribla, aka dəlev na Hamat, yaŋ atawwən akani.