Yeremiya 52:6 - Bible en Guidar

⁶ Də wəvoŋ vaytak na təla mapoɗoni, may na ngarnya adek a walaŋgəla-metiŋ; zəga nawzəm net ɗiy naka dələv tay ɓa.

Yeremiya 52:6 ပူးပေါင်းရင်းမြစ်များ

2Milyeŋge 25:3

Də əvoŋ vaytak na təla mapoɗoni, may na ngaryã adek a walaŋgəla-metiŋ; way nawzəm net ɗiy tay aka dələv nan ɓa.

Isaya 3:1

Daya, Yawe Məzuɓappak tay ətak zəga nawrəha, əzəma gəm iŋkile pak sə Yerusalem gəm sə Yuda.

Yeremiya 15:2

An anahaŋ sukunuk na: Aŋga mədaddam di na? Kəzlan sitgin na: An Yawe anah yaŋka: An namta sən əmta! An na masalam ama masalam an na mayã sən mayã an nawsimgini, kawsimgini!

Yeremiya 19:9

Wanəzəmgit sluwit kirtit mezeŋgleket dit muguluŋgiti. Ɗiy wampəranən zit addəv əzəmsahã gəm tatwãh məs məzuzelɗe net adawkiyaŋ aketi, gəm en məzukayanən zeŋgileti.

Yeremiya 21:9

Ɗəf dəsan addəv walaŋgəla-metiŋginiŋka wamtə ama masalam, sən mayã awaniɓa sən gəbaymərma diyɗa. Ɗəf dəgil vi kawsap dit mə kaldiyeɗ dəsərŋgəslkuməni, nan wasan madarani, wakkpaŋ zəga nawrəh nama əgaya.

Yeremiya 25:10

Wanəɓətgən geŋgere na ənnek gəm na əbabyak sənetda, gəlya na gawla an dəɓel gəm an nat məɓelta, gəlya nawsəra gəm wanəmtan lalam neti.

Yeremiya 37:21

Yaŋ məlĩ Sedekiya aɗi wən nan dəɗinəngən Yeremiya a daŋgla nawga dəpsənəngən peŋ vurŋgbu'o aza wəsɓəta pak hã an peŋ dəgrak sə walaŋgəla baymani.

Yeremiya 38:9

Daya naw məlyã, an ɗiyiŋ aɗɗaŋ sənən məskəleŋ Yeremiyaŋ pak mbərayni. Azganənək a vovu, wamtə addəvən sən mayã vi peŋ tay a walaŋgəla-metiŋ əmpa ɓa.

Yeremiya 39:2

Aka wəzva makəlaw kiyən taka na Sedekiya. Də wəvoŋ vaytak na təla mopoɗoni, məɓliwi zlava na walaŋgəla-metiŋ nak səzani.

Əɓuhma 1:11

Ɗiy nan pak tay ənɗəsaŋgə, tay əkayaŋ zəga nawzəma. Aziyinik zəgeɗ net en na sləma pak ka zəga nawzəma, vi zilmeyit dəmbəlgəni. Yawe, azi horok awla va nəkkpaŋ zəga narba wili.

Əɓuhma 5:10

Gəba zəm azlək va a movoro sən hoɗhoɗ na mayã.

Ezekiyel 14:13

«Wətən ɗəfa, an ɗiy naka dələv dəɗɗaŋ mambray akawa, aɗɗaŋgək an dəslə ɓa, wanətəl vaw aketi, wanərsla wəzəm səmeti, wanəslən may aketi, wanəzet ɗiy dit zəgeɗ memeyẽɗi.

Ezekiyel 14:21

Vi an Daya Yawe anah yaŋ seseli: Də nəslən tatwãhɗe naw poɗo pak aka Yerusalem: masalam, mayã, zegeɗ derewti gəm gəbaymərma, kawbey ɗiy dit zəgeɗ memeyẽɗ na,

Ezekiyel 31:1

Aka əzva makəlaw kiyən taka səza misimgit ɗiyi, də əvoŋ maddaabəŋ na təla mahokoni, əpel na Yawe ade suwək dawnəh na:

Ezekiyel 5:16

«Pay nədawki may na ŋgaryã aketi, məs nawzan zəga, məs nədawslən nawzokum, wanuwan may akokum, wanərsla əzəm sənokum da.

Ezekiyel 7:15

Masalam appaka, gəbaymərma də may dəŋgili; ɗəf nawra ama masalam adamta, ɗəf na walaŋgəla-metiŋ, may də gəbaymərma wavorgomohnəni.

Məsdəlveŋge 26:26

Pay nədawgəm way sə bokum; may wagəɗə, gil kəlaw wadanən way nokum aka gulo taka; way an adawkiyaŋ sukumən wasan siɗikke, wakəzəmaŋgə ya kəbaŋ na ɓa.

Zakarya 8:19

Vaŋ an Yawe Məzuɓappak anahə, amna: Wəɗɗa meme na təla mapoɗoni, na təla masle'eni, na təla mabuhuloni gəm na təla makəlawan wassoŋ ka pay na hĩyã hĩyã də nanneke gəm wəzləra nannek viyit ɗiy na Yuda. Məŋglu gegesiŋ də zazaya.

Əmsak aka Mahenziŋ 32:24

Pay may adaddeketi, mamal wagime, əza metiŋgin warihe, wanəppet zəgeɗ darewit aket dit zəgeɗ mədawaŋ də gədəvit aka dəlvafuŋ.