Yeremiya 52:13 - Bible en Guidar

¹³ Aɗi sənək offo sən Gəla na Yawe, gəla na məlyã, gəm gəleɗe naddəv walaŋgəla-metiŋ na Yerusalem daysa net ɗiy en tutukprukɗe.

Yeremiya 52:13 ပူးပေါင်းရင်းမြစ်များ

1Milyeŋge 9:8

Kaɓzluni Gəla məɓaynəŋka, ɗiy dədawtoŋgoŋ kəlazan pak waggətaŋgə, waɗɗaŋ fofyoko: “Wanahaŋ na, vimi Yawe aɗɗa dəlvəŋ də Gəlaŋ vaŋ di?”

2Milyeŋge 25:9

Azlak Gəla na Yawe, gəla na məlyã, gəleɗe na Yerusalem pakə, azlek gəleɗe net ɗiy gugriɗ pak də offo.

2Alabaraɗe Də Mabərkiziti 36:19

Yaŋ azlanən gəla na Maŋgəlva, abzlunən zlava na Yerusalem, gəleɗe na məlĩ baymet pak azleninik də offo; zəgeɗ na sləma pak araygitinke.

Gəlyaɗe 79:1

Gəlyanalva na Asaf. Maŋgəlva, ɗiy-ɗar azlalbaynənək təki noko, arga'ãnənək gəla nok salala, gəm aɓzluwənək Yerusalem.

Yeremiya 19:13

Gəleɗe na Yerusalem, gəleɗe net milyeŋge na Yuda wassoŋ mərnokit va Tofet gəm gəleɗe məs azlaŋ tursan sit məzəlpaŋ na disiŋ a təki məs afloŋgun mbazla nawpesl net sit meŋgilveɗ meɓɓet pakə.

Yeremiya 21:10

Vi haraw aka walaŋgəla-metiŋginiŋki nəɗiya, ka moggon nani ɓa, ka tatwãh nani yi Yawe aɗiymani; wasan ammba va məlĩ na Babilon, wazla də offo.

Yeremiya 21:14

Wanətaw wən aka wəza nokum Yawe aɗiymani. Wanəɗi offo sit wəleŋɗe rəɓ nani wazlzlir tutu'u.

Yeremiya 22:14

Məzunah na: Warka gəla vender vender məzarŋgasla, gəleɗe naddəvən sloprok sloproku. Tay əppa təkifoŋgo tay əɗaman zə gəla van diŋgil dit wəleŋɗe moggeti tay əkkəɗ sit sleɗi.

Yeremiya 32:29

Mə Kaldiyeɗ watoŋgoŋ əlpa də walaŋgəla-metiŋginiŋka, waɗisənən offo, wazlətin gəleɗe məggbo'o məs adawzlaŋ tursan aket sən ba'al, aggbo'oŋguk mbazla kawpesl meŋgilveɗ meɓɓet vi kawdan su gədəvwa.

Yeremiya 34:22

wanəɗi sit wən nani, wanəki aka walaŋgəla-metiŋginiŋka, wagayan dəndəni, wamõhuni gəm waɗisənən offo, wanəkkpaŋget walaŋgəleɗe gugriɗ na Yuda va kapta məs ɗəf awsan adak ɓa Yawe aɗiymani.

Yeremiya 38:23

Kawketi gil nok beymet dit kirtuk sit mə kaldiyeɗi. Is zəknok pak kəkõh na səvet ɓa. Məlĩ na Babilon warmuko. Walaŋgəla-metiŋginəŋ kawzlani də offo.

Yeremiya 6:5

Misili, mərɗi səm akan də dəfɗa, mibzliwgin gəleɗe mogget nani.

Yeremiya 7:14

Wanəgəɗ sən gəla məs iya naw adawya akani, məs kəɗiyən əɗɗum nokum akanəŋka, təki məs nəpsukum gəm sit efiŋgiɗkumuŋ va nəgəɗ sən Silo.

Əɓuhma 2:5

Daya asanək va məzuzele, asɗəkək Israyel, asɗikik gəleɗe mogget nani, abzliwik walaŋgəleɗe na korgu nani. Əhəm də əray awanək zən a Yuda.

Əɓuhma 2:6

Va mambara na guli net wəleŋɗe ator zlava nani, abzluwək təki nalma nan də mənamə. Araygənək təki nakkal nani. Yawe aɗɗak ka ɗiy dəzgətaŋgən ki pay na wəzləra gəm pay naffet a Siyon. Addəv ədagədəv nan na, arbəsənək wil sən məlĩ də məsdələv pakə.

Əɓuhma 2:7

Daya azganək gəlamatuya nani. Azelenək təki salala nani. Appanək gəla moggon nan ava məzuzele. Aɗɗaŋgək gugoyo diyɗa addəv gəla na Yawe hã va pay na wəzləra.

Əɓuhma 2:8

Yawe aynanək a makran nabzlu zlava səka Siyon. Apparək helege nawslani dəmndagan van dabzluwən ɓa, hã ndən gərakə. Zlava nakəleŋgil də an nappaka pak, abzlaŋgək sapə.

Ezekiyel 16:41

wazlenin gəleɗe nok də offo, watawnənwən akok a maheret gil ŋgboŋgu; wanətakuk də əku a gizbe; may kipsit na wəya net gəreŋgiɗuk əmpa ɓa.

Ezekiyel 24:21

Apel sit ɗiy na Israyel na: Vaŋ Daya Yawe anahə: In yakəŋ əraygən gəla nawa, məs dəsan əkaɓ na gbogboŋ nokum, ənnek ama horokum, də əŋgla na gəɓa zukumu. Kirtukum mezeŋgleket dit muguluŋgit kəppaŋ dərɓogokuməŋ ama masalam adamtaŋgə.

Amos 2:5

Wanəslən offo aka dələv na Yuda; wazim gəleɗe mogget na Yerusalem əŋki.»

Amos 6:11

Vi Yawe aɗiyək wən nan na, waɓzlu gəla metiŋgini gəm wapɗak gəla an muzliya.

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Zakarya 11:1

Liban akol maddambeɗe noko, offo dəzimgin muguguleɗ noko.

Matiye 24:2

Yaŋ azlani, aɓsit na: Munokum tat ulenin zəgeɗis pak sa? Gesiŋ nədawnah sukum: Sessel, apəl na kuwən aka kuwən məza kaɓzluni ɓa ɓa.