Yeremiya 51:62 - Bible en Guidar

⁶² Kənahgən na: Yawe is dəvok kənah aka wən na təkiyəŋ na: nawzani yi, vi ɗəf adawsan akan ɓa hã gap də zəga mamayã pakə, vi wasan təki məraygən faɗə.

Yeremiya 51:62 ပူးပေါင်းရင်းမြစ်များ

Yeremiya 25:12

An əzva kaklaw buhul aggrakək kan na, wanəsil aka məlĩ na Babilon gəm aket ɗiy nan vi mambray neti, Yawe aɗiymani; wanəsil aka dələv net mə Kaldiyeɗi, wanəkkpaŋgan ka kiməski hã faɗə.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 33:12

An Yawe Məzuɓappak anah yaŋka: Əmpa na, a təkiyəŋ dəray hoŋhoŋ məza ɗiy ɓa hã dit zəgeɗ memeyẽɗiŋka, a walaŋgəleɗe gugriɗ nan pak təki nawtaɗ wasan sit məzuteɗeŋɗe nawvoŋgit gilew net dəfɗa.

Yeremiya 50:12

Wil tay ədətən mokum diyɗa mərbəsəti wil sət akən təwukum: ndəttə dərɓe faɗ sədəmbet ɗiy-ɗarə kpaŋ kapta-muyã, dələv məkuro gəm təki warwarə.

Yeremiya 50:13

Sən ədagədəv na Yawe ɗiy wassoŋ akan ɓa, waray va kiməskiya. Mətoŋgoŋ dəza Babilon pak wakkereŋgi gəm wafyokoŋgu də ula vamvi an dəgəɗ pakə.

Yeremiya 50:3

Vi Vanday net ɗiy tay əzzan akan hã sə kəla disiŋ, nan wabar'ãt dələv nani ɗəf tay nassan akan ɓa. Təŋ səza ɗəf titir hã azet zəgeɗ mamayẽɗ pak anzoŋko, addoŋko.

Yeremiya 51:29

Dələv tay əkkere, tay ɓalwãy-ɓalwãy sən əssa vi əɗɗum na Yawe aka Babilon tay əknaha. Tay əkkpaŋgan dələv na Babilon təki məraygən məza ɗəf akan ɓa.

Yeremiya 51:37

Babilon wakkpaŋ va kiməskiya, təki nassa net wawayɗe, walaŋgəla məraygən nawɗi fofyoko akani gəm məza ɗiy addəvən ɓa.

Yeremiya 51:43

Walaŋgəleɗe gugriɗ nan arayaŋka, dələv mukuro yi akkpaŋgək təki warwarə, dələv məza dəf akan ɓa, məza məzutoŋ dəkan ɓa.

Yeremiya 51:61

Yeremiya anah sən Seraya na, an kəgapək a Babilon kətəlgən ma aka əpeləs pakə.

Ezekiyel 35:9

Wanərayguk hã faɗə, ɗəf tay nawsan a walaŋgəleɗe gugriɗ nok ɓa, wakəsən na, intə Yawe.