Yeremiya 51:57 - Bible en Guidar

⁵⁷ Wanəbey ɗiy gugriɗ dit məs maɗɗuleɗ nani, deyeɗe na bərzləŋna-kivadələv nani, deyeɗe na kivadəlva nani gəm məzəlpaŋ məs mekret nan va əbay na mbazla. Waleŋgeŋ faɗə, afɗahaŋ na ɓa, məlĩ aɗiymani, iya nan na Yawe Məzuɓappakə.

Yeremiya 51:57 ပူးပေါင်းရင်းမြစ်များ

Isaya 37:36

Maslay na Yawe argak dibirgiɗik na Asiri, abeyik ɗiy gabal səkat də kaklaw dodopoɗo kiyit sle'i. Səza addaŋgə, ɗiy asilyoŋ na, təki pak kigəbayit ɗiy mimtiti.

Isaya 44:25

Nəraygənək ula net məskaŋ heligi, Nəkkpaŋganək əɗɗum net məskaŋ helig dərwa, Nəmndegetik məsmaɗɗulet dirɓe, nəkkpaŋganək əsən net dərwa.

Isaya 6:5

Yaŋ nənah na, əray akawa! Nəzəka vi ɗəf məs man məpel daryaw nani, in tat aweleŋgit ɗiy məs met adawpel daryawə. Vi haraw awlak Yawe Məzuɓappakə.

Yeremiya 13:13

Kənah sitgin na: An Yawe anah yaŋka, wanəbet ɗiy naka dəlvəŋ pak də mbazla hã ndən bay əbeyti, milyeŋge məs dəssoŋ aka mazaŋga na məlĩ Davit, məsdəlveŋge, məskəleŋɗe gəm ɗiy na Yerusalem pakə.

Yeremiya 25:27

Ya kənah sitgin na: «An Yawe Məzuɓappak Maŋgəlva net mə Israyelɗe anah yaŋka: Məsə hã kpe'i, hã əpara, hã əskoto gəm məza əɓap əsilye səba masalam məs nədawki akokuməŋ ɓa.»

Yeremiya 46:18

Madaraw nani, məlĩ aɗiymani iya nan na Yawe Məzuɓappak: Va mossorgo Tabor aweleŋgit mossorgoɗe, gəm va mossorgo Karmel aka pehe, tay əzzani.

Yeremiya 48:15

Mo'ab arayka, məderzehi aket walaŋgəleɗe gugriɗ nani tawkenin gewleɗ guromɗe nan a təki nawtaw wəleti. Məlĩ məs iya nan na Yawe Məzuɓappak aɗiymani:

Yeremiya 50:30

Vini gewleɗ nan adaskotoŋ aket tiveɗi, məzəlpaŋ nan pak adamtaŋ dəpaska, Yawe aɗiymani.

Yeremiya 51:39

Aka met tay sirsir aka zəga, dəpaski nəki sit əzəma. Wanəbey va əbay na mbazla, dənnekeŋgini; dəleŋgeŋgin pəwət faɗ məza adafɗahaŋ ɓa Yawe aɗiymani.

Ezekiyel 20:33

Va nəsaw madarawa, Daya Yawe aɗiymani: Sessel də vaw gbogboŋ təlla gəm də əggbo' herɗe naw nədawzəm məlĩ akokum.

Nahum 1:10

Dəssoŋ slakatslakat va gedirgeɗ daydayə gəm addəv əsa neti, kiyit gərəŋgərəŋgə: wazlaŋ dəwənnet va tərɗa məklakani.

Nahum 3:18

Sin tay ədenin məzuteɗeŋɗe noko məlĩ na Asiri! Ɗiy tektek nabok assoŋguk ndərəslə! Ɗiy nok atərayaŋgək aket mossorgoɗe gugriɗe, ɗəf nakkelet tay ɓa!

Malakiya 1:14

Əray dəsan aka ɗəf məgəɗ vurum, dəsan də zəga mizilin a gazlan nani, ndən iynama gəm əzaɓ-Maŋgəlva sən Yawe də zəga mamayã məs heslepe! Ya məlĩ matəŋgu nani, iya naw tay əki əgeslne' a weleŋgit ɗiy-ɗarə, Yawe Məzuɓappak anahə.

Hənhən 18:9

Məlyeŋge naka dəlvafuŋ dəkuhwaŋ a gizbe dəndən gəm dəsapaŋ addəv ərəh nan diyɗaŋ pak wahəmaŋ an awlanənək enene na offo dərəm akani.