Yeremiya 51:5 - Bible en Guidar

⁵ Vi dələv net aknahək də əɗɗa mambray aza Salala na Israyel. Ya Israyel də Yuda na, gil na gəbayəŋ ɓa, Maŋgəlva net dəmtə ɓa Yawe Məzuɓappaki yi.

Yeremiya 51:5 ပူးပေါင်းရင်းမြစ်များ

1Milyeŋge 6:13

Wanəsaw aweleŋgit mə Israyelɗe, nəppet na ɗiy naw mə Israyelɗe ɓa.»

2Milyeŋge 21:16

Ya əmpa na, Manase abeyik ɗiy də mezlibezlibe na met diyɗa sawɓa, mbel net aknəhək walaŋgəla-metiŋ na Yerusalem, mbəksa mambray nan an atoŋgit ɗiy na Yuda wəɗɗa mbərayən a mahara Yawe.

Ezra 9:9

Belemɗe mənani də məsam belemɗe dayday na, Maŋgəlva namə, dəppam ndol ɓa; abet milyeŋge na Persiya, aɗɗumək akam də wəɗɗa moggon nan dəpsəm zeŋgile, apsəmək tive narkan gəla na Maŋgəlva namə nawsilgit en dəɓəzlaŋgə, gəm dəpsəm zlava na dələv a Yuda gəm a Yerusalem.

Gəlyaɗe 94:14

Vi Yawe appet na ɗiy nan ndol ɓa, azgan na an nawray van ɓa:

Isaya 44:21

Aɗɗum aket zəgeɗiski Yakob, dit ɗiy na Israyel, vi gawla naw kənani. Nəɗɗuk na kəsokgən məgəɗ wəza nawi yi. Nəzgət na kiyuk ɓa, Israyel.

Isaya 51:15

Intə Yawe Maŋgəlva noko, Intə nədawsilgin pehe, dəbaygən gəgayə. Iya naw na Yawe Məzuɓappak.

Isaya 62:12

Kawyeti na: «Ɗiy salala», «Məbitit na Yawe»; nok kawyuki na: «Məŋgluni», «Walaŋgəla-metiŋ məs məzgani ɓa».

Yeremiya 14:19

Əzga kəzgan Yuda sa? Siyon akiyək mok sa? Vimi kərgəm hã vamvi məza anzaɗ na ɓa ta' azam di? Məɗɗumuk nawrah zazaya ya zəga tay mərah moggon ɓa. Məɗɗumuk aka pay nanzaɗa geslne dəggbo' akam dərəŋgə.

Yeremiya 14:9

Mbarmbar kədawsok va ɗəf məfayani va gurom nalpa məs aɓap na əkõhgit ɗiy ɓa di? Yawe adan is tat a walaŋgəmə, iya nok tay a mamə kəppam əskot ɓa.

Yeremiya 16:18

Wanəfaɗ sit heslepe net də mambray net təɓələn sula, vi arnokonənək dələv naw də kiygəbayit zəgeɗ daryawɗe neti, aknahənək dələv nawzəmgəla naw də zəgeɗ net mbəreyti.

Yeremiya 19:4

Vi azgawənka, araygənənək təkiyəŋ də əzla tursan sit meŋgilveɗ meɓɓet məs ndəɗaŋ zək net dəsinnin ɓa, efiŋgiɗit ɓa, milyeŋge na Yuda ɓa. Aknahənək təkiyəŋ dit mbel net ɗiy məs də mezlibezlibe na meti.

Yeremiya 23:15

Vi vaski Yawe Məzuɓappak anah vaŋ aket məskəleŋɗe: Wanəzimgit də ndərzla, wanipsit dəsaŋgən iŋkile də muhun areti: Vi səzet məskəleŋɗe na Yerusalem əraygən matuya agili atray aka dələv pakə.

Yeremiya 31:37

An Yawe anah yaŋka: An kawɓapi əsla əɓay na disiŋ awaniɓa əkosoŋ gabba dələv va asani, asna wanəzgan əsap net mə Israyelɗe aka an məs aɗɗaŋ pakə Yawe aɗiymani.

Yeremiya 46:28

Is Yakob, gawla nawa, kəgeslne ɓa; Yawe aɗiymani, vi in tat də isi. Vi wanəggrek ɗiy-ɗar məs nəɓɓahuk adak pakə, nok hara na, nəzok na ɓa, ya wanəzga suk də ətawwəna. Wanəɗiyuk ka ɗəf də mezlibezlibe na man ɓa!»

Yeremiya 50:20

Əvoŋ nan aka pay dəpaska, Yawe aɗiymani: Kawkayani heslepe na Israyel ya kawrahi ɓa, gəm mambray na Yuda, zəga tay mərəhən ɓa. Vi wanəvvuyoŋ sən ɗəf an nədambra pakə.

Yeremiya 51:19

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Ezekiyel 8:17

Yaŋ aɓsu na: «Kulak sa wətən ɗəfa? Zəga naɗɗa daryaw məs mə Yudeɗ aɗɗaŋgəŋ aŋhəŋ na gəsi azet sa? Aknəhənək dələv də gagay neti, yaŋ amsakaŋ ədan su gədəvwa; yeŋ ətəlnən gaslamba na wəlaŋga aza məŋkinti.

Ezekiyel 9:9

Yaŋ aɓsu na: «Heslepe na Israyel də an na Yuda adayək sawɓa, dələv aknahək də əbay gəbaya, walaŋgəla-metiŋ arayka; vi aɓɗaŋ na: Yawe azganək dəlva; tay an Yawe adawla ɓa.

Hose'a 2:1

Əŋɗa net mə Israyelɗe wassoŋ diyɗa va hoyoŋko a məlpa, məs kawɓapi əsla gagdak nan ɓa, may əŋɗan ɓa. Wagap təki mənah sit na: «Ɗiy naw kənanən ɓa», kawnah siti na: «Kirtin Maŋgəlva madarani».

Hose'a 2:3

Mənah sit milmiŋgiɗkum mezeŋgleketi, gəm sit milmiŋgiɗkum muguluŋgit tamə: Ruhama: ɗiy naw məs nəŋgələ.

Hose'a 4:1

Mə Israyelɗe, məprəm əpel na Yawe: Yawe tay də wən nawtaw aket ɗiy dəssoŋ aka dəlva, vi wən gesiŋ tay ɓa, moggon tay ɓa, may əsən Maŋgəlva tay aka dələv ɓa.

Hose'a 4:2

Ɗew sənən mefɗeke, uwawəna, əbay gəbaya, wəhãla, əku a gizbe, əsuk met ɗiyi, əbay kiya akan akani.

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Mika 7:20

Wakərban moggon nok sən Yakob gəm moggon nok sən zəv Abraham va kəsway sit efiŋgiɗəm aka far lahəŋka.

Zakarya 12:6

Pay nan dəpas na, wanəkkpeŋget ɗiy na Yuda va kasli noffo məsɗan addəvit wəleŋɗe ŋgərəɓə, vit va offo mətalən addəvit maŋgavɗe. Wazimnin ɗiy dətərwəslaŋ kiyiti, dəka dəzəŋ gəm dəka zlaɓay pakə. Ɗiy wassoŋ a Yerusalem əmpa a gəlet va lahəŋka.

Zakarya 12:8

Pay nan dəpas Yawe wazeŋ aret ɗiy na Yerusalem: ɗəf məhuyukhuyuk naret dəpas na, wasan va Davit, gəla na Davit tam va Maŋgəlva, va maslay na Yawe abeti.

Zakarya 2:12

Vi an Yawe Məzuɓappak anah yaŋka: aslənu də gagdak azet dəlveŋge məs dəgəmkumən ka ərəh na mawgaya: «Vi ɗəf an dərəŋgukum pak mawyãk haran arəŋgəni.»

1Samiyel 12:22

Yawe azget na ɗiy nan ɓa ammba iya nan metiŋginiŋka, vi Yawe armak a makran ka kəssoŋgən ɗiy nani.