Yeremiya 51:44 - Bible en Guidar

⁴⁴ Yawe amna: Wanəsil aka Bel, maŋgəlva na Babilon; wanəɗɗa dəptekgin zəga na barani, ɗiy azzoŋ na sipsip azan əmpa ɓa. Zlava na Babilon zlaŋ aɓəslka.

Yeremiya 51:44 ပူးပေါင်းရင်းမြစ်များ

2Alabaraɗe Də Mabərkiziti 36:7

Nabukodonozor akək zəgeɗ temtem diyɗa səddəv gəla na Yawe, azi addəv gəla nan a Babilon.

Ɗerewel na Yob 20:15

Yas apar arya məs asɗək naka, Maŋgəlva wagilgin səddəvəni.

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Isaya 21:9

Ɗəf yandak əzzan aka mawta nawgay mətokun ammbet pelseŋge sula. Tay ətəlma, tay ənah na: askotko, Babilon askotko! Zəgeɗkamaŋgəlva net aŋgrofoŋguk afuŋgu!

Isaya 60:5

Asna wakula, wakəwiɗi; wakənneken zuko, mokrok waknah də ənneke. Vi ərəh diyɗa na pehe, tay əzzan suko, arya nanet ɗiy-ɗar da wade suko.

Yeremiya 50:15

Məŋgəsl vaŋvəl akan tərwəslə. Aslanək vani dədəkeɗ nan abzlaŋka, zlavaɗe nan abzlaŋka. Yawe dədampəlkiya, məmpəlgən kiya akani məgəɗ sən va agəɗə.

Yeremiya 50:2

Məpel wənəŋ a weleŋgit ɗiyi, məprəmani, məmpa gabaga narbani, məprəmani, kədawɗamanən ɓa, Mənah na: Məgulni Babilon, wil tay ədanən maŋgəlva Bel, geslne armak maŋgəlva Marduk wil tay ədetin zəgeɗkamaŋgəlva nani meŋgilveɗ nan ageslne'eŋke.

Yeremiya 51:18

Zəgeɗ ɗarəŋgə, wəza nawmas akani yi. As pak wazə pay nedawsilyew aketi.

Yeremiya 51:34

Nabukodonozor məlĩ na Babilon, azəmwəka, asərwəka, akkpaŋgawək va mesteɓe mekeleŋ. Asɗəkwək va zəga darawən adasɗək zəga, aknəh gədəvən dit zəgeɗ na sləma nawa, yas azgawa.

Yeremiya 51:47

Vi vaski, pay yaŋ əzzani wanəsil aket zəgeɗmeŋgilveɗ na Babilon. Wil wada dələv nan pakə. Kiygəbayit ɗiy nan wassoŋ kpororo addəvən.

Yeremiya 51:53

Kəta Babilon dəpeŋ a disiŋ zlaŋ, kəta dəkkpaŋgan əɓay na gbogboŋ nan məs ɗəf awɓap əgap azan ɓa, sə kəlazawa, məzuraygənən wagapaŋ azani, Yawe aɗiymani.

Yeremiya 51:58

Vaŋ Yawe Məzuɓappak anah əmpa: Zlava slosloprok na Babilon əɓzla adaɓzla gərakə, kawɗi siti offo sit metiveɗ nan məɓeytiŋki ɗiy zit ayanən ɗarə, ɗiy ayanənək zit sən offo!

Daniyel 1:2

Yawe appanək Yoyakim məlĩ na Yuda ammba vani gəm andək zəgeɗ naddəv gəla na Maŋgəlva; akek aka dələv na Sine'ar addəv gəla net meŋgilveɗ nani, akek zəgeɗ vet addəv gəla nawɗi zəgeɗ na sləma net meŋgilveɗ nani.

Daniyel 3:29

Ya kakaŋ na nəɗiyək wən nani, vanday awandi pakə, dələv awandi awaniɓa məpel ma maɓɓani, an apelik mbərayən aka Maŋgəlva net may Sadrak, Mesak gəm Abed-Nego, kawbəlani, ya gəla nan tamə kaɓzluni, vi maŋgəlva tay mbərən nawkõhgən ɓa.

Daniyel 4:1

In Nabukodonozor, in tat də maɗɗulaw eŋgil anawda, zu paparpapar addəv gəla na məlyã.

Daniyel 4:22

Karɓuhki sə weleŋgit ɗiyi, wakəsok sap dit zəgeɗ memeyẽɗ nawra; zəga nawzəm nok wasan kevile va net wasliɗe, minɗe waziyaŋ akoko; wakəsok əzva buhul awra, hã an kəsənək na Məsəɗəɗə na, ndəni daya aka məlĩ net ɗiyi, tay əɗi ɗəf məs aŋgəl aka məlyã.

Daniyel 5:19

Vi mẽmẽtiŋ məs apsəni, vandayɗe pakə, dəlveŋge gəm ma awandi pak tahəŋ əkker sən geslne' səni: tay əbay ɗəf va aŋgələ, tay əppan ɗəf madaran va aŋgələ; tay əɓaygən ɗəf an aŋgələ gəm əprikgin ɗəf sə təki məs asan va aŋgələ.

Daniyel 5:26

Aŋki məs aŋgəl kawnahã: Məne, Məŋɗani: Maŋgəlva aŋɗanək ənziya na əzəm məlyã noko yas aziwgini.