Yeremiya 51:18 - Bible en Guidar

¹⁸ Zəgeɗ ɗarəŋgə, wəza nawmas akani yi. As pak wazə pay nedawsilyew aketi.

Yeremiya 51:18 ပူးပေါင်းရင်းမြစ်များ

Əgilye 12:12

Dəfəɗ nan na wanətoŋ dəka dələv na Eziptə. Wanəbay uwa maddaabəŋ na ɗəf titir də an na zəga mamayã naka dələv na Eziptə pakə. Ya in Yawe wanətaw wən aket meŋgilveɗ na Eziptə.

Isaya 19:1

Əpel aka Eziptə. Daya yaŋka tay əzzan a Eziptə, də kakara aka slaybuwna. Meŋgilveɗ na Eziptə tahəŋ əzbəraŋ səbani. Mekret ɗiy na Eziptə aɓohko.

Isaya 2:18

Meŋgilvet en ɗar pak wazaŋgə.

Isaya 46:1

Maŋgəlva Bel adoɗko, Maŋgəlva Nebo aɓeke. Məkrəkti zeŋgilet məzaɓən aket zəgeɗ memeyẽɗi. Zəgeɗ an kəslaŋ teptep ammba zukuməŋ, iyay ɗarə, zəga nawsla gədaki aket zəgeɗ memeyẽɗ məyeti.

Isaya 57:12

Naw wanərban təstəs noko ya wəza nok watəruk ɓa.

Yeremiya 10:11

Vaŋ kədawnah sitini: Meŋgilveɗ məs ndəɗaŋ dəzəməɗən disiŋ gəm dəlvafuŋ ɓeŋki, wazaŋ səka dəlva gəm səmmba disiŋ.

Yeremiya 10:14

Ɗəf titir pak dərwayi əsən tay akan ɓa. Məhəs zəga pak wil ədanni aka wən na zəgakamaŋgəlva, vi zəgeɗkamaŋgəlva zəga məɗɗan də təbəz van uwawəni ɗarə. Əmpəs tay addivit zəgeɗ vet ɓa.

Yeremiya 10:15

Zəgeɗ ɗarəŋgə, wəza nawmas akani yi. As pak wazə pay nedawsilyew aketi.

Yeremiya 10:8

Beymet pak maɗɗula tay aket ɓa mətemtiŋgə, mi adawyaganən səza tuya na wəlaŋga ɗar di?

Yeremiya 18:15

Ya ɗiy naw azgətaŋgək kiwa. Sit zəgeɗ en tektekiŋ ɓa ndəɗaŋ əzlaŋ sitin tursan yaŋ amzlegitin səket tiveɗ net en adazban farə, vi kawmbat də maksaf məza dəka tive təstəs ɓa.

Yeremiya 46:25

Yawe Məzuɓappak Maŋgəlva na Israyel amna: Wanəsil aka Amon zəgakamaŋgəlva na Tebes, aka Farawən, aka Eziptə gəm aket meŋgilveɗ nani, aket milyeŋge nani, aka Farawən gəm aket ɗiy en dəɗiyən əɗɗum net akani.

Yeremiya 48:7

Ha'aw adan kəɗi əɗɗum nok aka wəza nok gəm aka ərəh noko. Is vat zlaŋ, kagulki yi! Kemos maŋgəlva nokum wal aka balam, məsdəlveŋge nani gəm ɗiy gugriɗ nan sapə.

Yeremiya 50:2

Məpel wənəŋ a weleŋgit ɗiyi, məprəmani, məmpa gabaga narbani, məprəmani, kədawɗamanən ɓa, Mənah na: Məgulni Babilon, wil tay ədanən maŋgəlva Bel, geslne armak maŋgəlva Marduk wil tay ədetin zəgeɗkamaŋgəlva nani meŋgilveɗ nan ageslne'eŋke.

Ezekiyel 6:6

Təki kəssoŋ də gəla pak walaŋgəlaɗe gugriɗ nadak wassoŋ ka kiməskiya, kawzeti gəleɗe-nettuyeŋge wassoŋ məɓzluti. Kawzeti təkiɗe nawzaɓ-Maŋgəlva nokum atəraŋ na wəray ɓa, kaŋgrofti zəgeɗmeŋgilveɗ nokum wazaŋgə, kakrepti matuyaɗe nawzla tursan nokum, kawzani wəza nokum temtem pakə.

Yonas 2:8

Aka əmpəs naw adarsla, nəɗɗumokuko Yawe, Əkkam naw agapək hã azok, addəv Gəla salala noko.

Sefanya 2:11

Yawe arbanək zən nawgeslne' sən azeti, azetik meŋgilveɗ naka dəlvafuŋ pakə, wappu'oŋ aban naway pak sə gəlan səka dələv nani.

Wəza net Masləŋɗe 14:15

Aɓɗaŋ na: Ɗiyi, mədəray kədaɗɗaŋ vaŋ di? Nam pak ɗiy mənan va munokum! Nam mədawnah sukum alabara meleketen na, vi kəkkpaŋgən səzet tuyeŋge zəgeɗ ɗariŋki, kətafəngən Maŋgəlva madaran məs dəzəməɗ disiŋ də dəlvafuŋ, pehe dit zəgeɗ naddəvən pakə.