Yeremiya 51:13 - Bible en Guidar

¹³ Is məs kəsok də gəla ama məlpa metiŋ, məs də əzaɓ diyɗa, pay nagrak nok agapka, əsla na ma ərəh noki.

Yeremiya 51:13 ပူးပေါင်းရင်းမြစ်များ

Va'Atəŋ 6:13

Maŋgəlva anah sən Nuwe na: «Naw na, nəzuwginik pay nagrak zəgeɗ pak! Vi gagay aknahək dəlvafuŋ, aka batemit ɗiyi, wanəzet pak də dəlvafuŋ.»

Gəlyaɗe 137:1

A met məlpeŋɗe na Babilon adak, məsam gurom əhəm an məkiyək wən na Siyon.

Isaya 43:14

Aŋki an Yawe anahə, ndən məzukõhgukum, Maŋgəlva Salala na Israyel: Aka batamkum in tat əslən ɗiy əgay a Babilon wanərɓehet beymeti, mə kaldiyeɗ dədannekeŋ aka bəlayəŋki.

Isaya 45:3

Wanəpsuk əzaɓ məndəkni gəm arya məɗamani. Vasna wakəsən na intə Yawe, in Maŋgəlva na Israyel nəyukuk də iya noko.

Isaya 57:17

Vi heslepe na əsim zəga nani yi nədə gədəva. Addəv ədagədəv nawa nərbəsənəka maw tay aka ulan ɓa aɓɓəlanək kini, agəmək tive məs aŋgələ.

Yeremiya 17:11

Va taɓraw məs dəvoŋ aket ɗeŋzle məs awəŋ ɓa vaski məgəɗ arya məs də tiveni ɓa. Aka dadak ənziya nani, arya nan wappani aza əggrak nan na wakkpaŋ mitemin.

Yeremiya 50:27

Məzet məzəlpaŋ guromɗe nani, dəpurkoŋ a təki nawtaw wəla zəga! Əray aketi! Vi pay nasilye aketi yi, əvoŋ net agapka.

Yeremiya 50:31

In yakəŋ əsilyew akoko: «məkkeshara,» Yawe Maŋgəlva Məzuɓappak aɗiymani. Vi pay nok agapka, pay naw, nawsilyew akoki yi.

Yeremiya 50:37

Masalam aket pilseŋge gəm aket mawteɗ net pilseŋge nani, aket ɗiy nan məslahã nananda; dəkkpaŋgaŋ gili! Masalam aka əzaɓ nani; kəta dəmõhnəni!

Yeremiya 51:36

Vi vaski, Yawe anah vaŋka: In yakəŋ əka wən ammboko, wanəslan wən nampəl kiyko, wanəkkpa' pehe nani, wanərsla heret iŋkile nan dayma.

Əɓuhma 4:18

Heret ammba tələm yarra kawtakəm daddam agəlam. Əgrak nam agapka, əvoŋɗe nam aknahaŋka əgrak nam agapka.

Daniyel 5:26

Aŋki məs aŋgəl kawnahã: Məne, Məŋɗani: Maŋgəlva aŋɗanək ənziya na əzəm məlyã noko yas aziwgini.

Amos 8:2

Assoh na: «Miy kədawla di Amos?» Yas nəzlan na: «kekel də uwa net wəleŋɗe na mawala.» Yawe apel suwa kan na: «Əgrak net ɗiy naw na Israyel agapka. Nəzban na ulasasãhit əmpa ɓa.

1Piyer 4:7

Wəgrak na zəga pak go'oy. Vasna, məssoŋ də maɗɗula ɗeŋge vi kəɓapaŋgən əkkama.

2Piyer 2:3

Addəv əsim deleɗ neti, wawaŋ sukumən tepelke vi kappətkumənən. Far mətawwən aketi, əza net aliy na ɓa.

Hənhən 17:1

Yaŋ taka səret maslay buhul dit hiliŋgiɗ buhul avet nek ade azawa, apel su vaŋka: Ade, wanərban suk va mətawwən akat bərviyak matəŋgəta, ana walaŋgəla-metiŋgin mərkan aket peheɗi.

Hənhən 17:15

Maslay nak anah su əmpa na: Iŋkile məs kəwəl neki adak guluk məkuh a gizbe nak təsata, ndəɗaŋgəŋ ɗiyi, vanday net ɗiyi, ɗiy naka dələv temtem gəm ma temtemi.

Hənhən 18:19

Andoloŋguk hologudum aketi əŋzlaŋ vaŋvəl əhəmaŋgə gəm əska morkoyo ənahaŋ na: Əraya! Əraya! Walaŋgəla-metiŋ məs arya nan gədak dəkkpeŋget məŋkoroŋ bəlayɗe aket iŋkile pak məsaryeɗi. Ler taka kaka'ə zəgeɗ naddəvən pak azaŋka.