Yeremiya 51:11 - Bible en Guidar

¹¹ Mətekeɗet herɗe nokum, məgim gulomɗe nokum, Yawe asilgin maɗɗulet milyeŋge na Mediya, vi Yawe man aka əzan Babilon, as van Yawe dədampəlkiya, tay əmpəl ki gəla nani.

Yeremiya 51:11 ပူးပေါင်းရင်းမြစ်များ

1Milyeŋge 11:14

Yawe asilgənək məzuseɓ na Salomoŋ: Mə Edom, adawyaŋ na Hadad, gabba məlĩ na Edom.

1Milyeŋge 11:23

Maŋgəlva asilgənək məzuseɓ na Salomoŋ maɓɓani: Rezon, wətən Elyada. Səna daya nan Hadadezer da, məlĩ na Soba anzani.

1Alabaraɗe Də Mabərkiziti 5:26

Yaŋ Maŋgəlva na Israyel, asilgən maɗɗula Pul, məlĩ na Asiri, də maɗɗula Tilgat-Pilneser, məlĩ na Asiri, andek mə Rubenɗe, mə Gadɗe, də pəɗak na mahəlfa na Manase asimgit a Hala, a Habor, a Hara, gəm a ma məlpa metiŋ na Gozan, hã dəpaŋka.

2Alabaraɗe Də Mabərkiziti 36:22

Aka wəzva maddaabəŋ na Sirus məlĩ na Persiya, vi kaknahan əpel na Yawe sə ma Yeremiya na, Yawe akol sənək ki Sirus məlĩ na Persiya vi kawtəl ma may kawver dəver ənəh na:

Ezra 1:1

Aka wəzva maddaabəŋ na Sirus, məlĩ na Persiya, vi wəpel na Yawe dəgəɗgən va məskəleŋ Yeremiya apeli, Yawe akoluk kiy Sirus, məlĩ na Persiya, vi kawtəl ma aka dələv nan pak, gəm də əver wən nan vi kaprəman na:

Isaya 10:26

Ndəni Daya Məzuɓappak aslan azlawar nan vi karga Asiri, va aɗɗa aket mə Madiyanɗe aka milɓe na Oreb; waslan zleŋge nan aka pehe va aɗɗa aka tive na Eziptə.

Isaya 21:2

Maŋgəlva dərbet su zəgeɗ məgeslnegənən ɗəfa: Məzəm ki ɗəf tay əzəmən, məzan zəga tay əzani! Elam apeŋgi! Medə asərŋgəsla! Wanəɓətgən ənɗəs pakə.

Isaya 21:5

Məkini əzəma məpektiŋ kukurɗe, tay əzəmaŋgə gəm əsaŋgə. Məpeli gurzik dawnah na: misili deyeɗe, məppay mẽl sən baray!

Isaya 41:25

Sə tapaslay pay kəla disiŋ nəsilginik ɗəfa, tay əgapa. Sədəmmba pay nampum, niya də iya nani. Tay əndepet deyeɗe va ndərɓa, awaniɓa, va məzərka adawɗan dəlva.

Isaya 45:1

Aŋki an Yawe anah sən mesiya nani ana Sirus, məs nərma van dəzəŋ, ka kappet ɗiy net dəlveŋge avani, kaggbuk gagdak net milyeŋge, kawkol maddembeɗe net walaŋgəleɗe kol səbani, amsaŋ na ɓa.

Isaya 45:5

Naw intə Yawe, tay mbərən ɓa. Dabərkiyu na, Maŋgəlva tay mbərən ɓa. Nəɗikuk ama wəza məza kəsənu ɓa.

Isaya 46:11

Hã səmmba pay nampum, sə faraɗa nəya ɗəf va gazla; waɗɗa əɗɗum nawa. Ha'aw nəpelke, ha'aw wanəkiya niynanka wanəɗɗa.

Yeremiya 25:25

sit milyeŋge na Zimri pakə, sit milyeŋge na Elam pakə gəm sit milyeŋge na Maday pakə;

Yeremiya 46:3

Məzaɓan baray an muzliya, gəm baray an metiŋgini. Məgil ama əlpa.

Yeremiya 46:4

Məkyek pilseŋge, məpeŋgi məpeŋgeŋ pilseŋge! Məziw dit kulpupɗe na təbəz akokum! Məzeɓet tulhõŋge, məgul lukutɗe na təbza.

Yeremiya 46:9

Mətoŋ əlpa pilseŋge, məzla aket mawteɗ net pilseŋge! Guromɗe mətoŋgu, na Etiyopi gəm na Put məs dəsənan wən net barayɗe, gəm mə Ludɗe dəsənaŋ bəle!

Yeremiya 50:25

Yawe akoluk ma təki net gulomɗe nani; agilgitik gulomɗe na ədagədəv nani. Aski wəza na Daya Yawe Məzuɓappak aka dələv net mə Kaldiyeɗi.

Yeremiya 50:3

Vi Vanday net ɗiy tay əzzan akan hã sə kəla disiŋ, nan wabar'ãt dələv nani ɗəf tay nassan akan ɓa. Təŋ səza ɗəf titir hã azet zəgeɗ mamayẽɗ pak anzoŋko, addoŋko.

Yeremiya 50:45

Vi vaski məprəm an Yawe aziwgin naɗɗa aka Babilon, an aynan nawgəɗ sən dələv net mə Kaldiyeɗi: Sessel, kawketi va adawketin kirtit gilewi Sessel, waraygən gazlaŋ net sən wən neti.

Yeremiya 50:9

Vi in yakəŋ əsilgin vanday net ɗiyi waniki əwak sən Babilon. Ɗiy vet wazzoŋ sə kəla disiŋ wassahaŋ akani siske na kawgulni yi. Herɗe net tahəŋ va məzəlpaŋ məs mekret dəskaŋ wəla, amndoŋ mekeleŋ ɓa.

Yeremiya 51:12

Məslan zəga narba nawgay aka zlava na Babilon. Mənzlərgit məgaɗe, məziwgit məgaɗe Məzi məsekeɗeŋ təkiya. Vi Yawe aɗɗumuk əmpa aɗɗak an məs apel aket ɗiy na Babilon əmpa.

Yeremiya 51:24

Ama horokum, nədawfaɗ sən Babilon dit ɗiy na Kaldiya aka mambray an aɗɗan a Siyon pakə Yawe aɗiymani.

Yeremiya 51:35

Sãhã məs Babilon azəmgəməŋka dəkkpaŋ ka kini ɗiy na Siyon adawnahaŋgə! Mbel naw dəmndoŋ aket mə Kaldiyeɗi Yerusalem adawnaha.

Yeremiya 51:36

Vi vaski, Yawe anah vaŋka: In yakəŋ əka wən ammboko, wanəslan wən nampəl kiyko, wanəkkpa' pehe nani, wanərsla heret iŋkile nan dayma.

Daniyel 5:30

Addəv dəfɗəska'e, məbay Belsazar məlĩ na Babilon.

Məsdəlveŋge 26:25

Wanəsilgin masalam akokum nampəl ki wənmiyna, wakəkkalaŋ addivit walaŋgəleɗe gugriɗ nokum. Wanəslən gəbaymərma a walaŋkum, kappokumi ava məzuzel nokum.

Zakarya 14:12

Zəgeɗ na dərwa dədawrih ɗiy dəɗɗaŋ əgay də Yerusalem yeŋki: Sluw zit waŋgən aka tilit ziwziwi; heret waŋgən addəv gəlani, hərzlumit waŋgən a bereti.

Zakarya 14:2

Wanəkkelet ɗiy naket dəlveŋge meɓɓet pak a Yerusalem vi kawgaya. Kawgəmni walaŋgəla-metiŋ, kakkporti zəgeɗ səŋgili, kawvoŋgiti gil na gagay. Wəɗak net ɗiy kawsimgiti na gagay, en dədappaŋ kawzeti sə walaŋgəla-metiŋ van ɓa.