Yeremiya 50:7 - Bible en Guidar

⁷ Ɗiy en dədawrihinin pak tahəŋ əmpirnini, məzuzelɗe net tahəŋ ənahaŋ na: Məraygən ɓa vi aɗɗaŋ mambray aka Yawe, afən təstəsə, Yawe məs efiŋgiɗit aɗɗiyən əɗɗum net akani yi.

Yeremiya 50:7 ပူးပေါင်းရင်းမြစ်များ

Gəlyaɗe 71:5

Vi zəga nawga naw kənani Yawe Maŋgəlva, akok nəɗi əɗɗum naw far səka sãwãwã.

Gəlyaɗe 79:7

vi azəminik kirtin Yakob, araygənənək təki nani.

Gəlyaɗe 90:1

Wəkkam na Moyis, ɗəf na Maŋgəlva. Daya, va sayit ɗiy asani kəsokuk təki nassa namə.

Gəlyaɗe 91:1

Ɗəf dəsan a təki an Məsəɗəɗə aɗamə, wavoŋ ara zeŋgile na Maŋgəlva Məzuɓappak.

Isaya 47:6

Gədəvu adək aket ɗiy nawa. Nəreygitik ɗiy nawray vawa nəppetik ammba voko. Ya kəwəl sãhã aket ɓa, kəŋgrofuk mazza də zəga nawsla gagdak diyɗa.

Isaya 56:9

Mide, mənokum zəgeɗ nawra gəm zəgeɗ na muyã pakə, kəzəmaŋgəni.

Isaya 9:12

Də as pak ɗiy dəmilyoŋ aza məzuvərit ɓa, dəkayanən Daya Məzuɓappak ɓa.

Yeremiya 10:25

Ake herɗe nok aket ɗiy en ɗar məs dəsənkun ɓa, aket ɗiy en awyanən iya nok ɓa, vi azanənək Yakob azanənka, akkãhnənka, araygənək dələv nani.

Yeremiya 14:8

Is məs Israyel aɗi əɗɗum nan akoko, is məs kəkõhgən aka pay na əzəmsahã, mbarmbar kədawsok va molhoyo aka dələv di? May va malaka məs dəmzla vi kawvoŋ di?

Yeremiya 17:13

Yawe yi məs Israyel aɗi kiyən akani, ɗiy en dəzgokun pak wil areti! En dəzaraŋ səzok wazaŋ va iya məverin aka burɗuku. Vi azgokunko, Yawe is heret iŋkile na zeŋgile.

Yeremiya 2:3

Israyel məwele na Yawe yi va zəga na mabardaw nan dəsəɓ maddaabəŋgi. Ɗəf an dəzəm pak tay də wən akani; tatwãh warəha, Yawe aɗiymani.

Yeremiya 31:23

An Yawe Məzuɓappak Maŋgəlva na Israyel anah yaŋka: Pay nədawzaɓan əssa neti, wapelin əpeləŋ aka dələv na Yuda gəm addivit walaŋgəleɗe gugriɗ nan əmpa na: Kəta Yawe dəzoɓoko, Təki na təstəsə mossorgo metiŋ na salala.

Yeremiya 33:15

Aka pay nani, dəpas na, wanəgilgin zeŋve na təstəs səza Davit, waɗɗa zəga də tiven təstəs aka dəlva.

Yeremiya 33:16

Aka pay nanəska, kawkõhgəni Yuda, Yerusalem wasan fedeŋge. Va adawyanən yaŋka: «Yawe yi təstəs namə.»

Yeremiya 5:17

Ya wazəmnən zəga na mabardaw nok gəm way noko, wazimnin kirtuk mezeŋgleket dit muguluŋgiti, wazimnin wasliɗe dit gilew noko, wazimnin megezlembirkeɗ dit sokoyeɗ noko; wapuwetin walaŋgəleɗe gugriɗ nok na korgu məs kədawlan na zəga tay nawrəhuk sədak ɓaŋ də masalam.

Yeremiya 50:14

Mənokum ɗiy na bəle məssah tərwəsl ki Babilon. Muhẽt herɗe nokum akani, kədappanən dawhẽt herɗe ɓa vi mambray aka Yawe agəɗə.

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Yeremiya 50:33

Vaŋ Yawe Məzuɓappak anahə: Məsərni met mə Israyelɗe dit mə Yudeɗ sapə. Ɗiy en dəkenin aka balamə tay ətekini, əɓoŋgoŋ dappet əmbata.

Ezekiyel 34:5

Atərayaŋgək vi məzutaɗa tay ɓa, akkpaŋgaŋgək ka zəga nawzəm net zəgeɗ nawra.

Ezekiyel 35:12

Wakəsən na, intə Yawe; nəprəmik wəraɗe kəret mossorgoɗe gugriɗ na Israyel dawnəh na: “Məreygiti, səm məpsim ka əzəm namə.”

Daniyel 9:16

Daya, ammba wəza təstəs noko, kamə appan ədagədəv dit herɗe nok səka walaŋgəla-metiŋ na Yerusalem vi mossorgo salala noki. Vi mambray namə gəm heslepe net efiŋgiɗmə, Yerusalem dit ɗiy nok akkpaŋgək zəga nawra net ɗiy en dəssoŋ kiyəm tərwəsl pakə.

Daniyel 9:6

Məɗɗaŋ wəza nok məskəleŋɗe dəpeleŋ də iya nok sit milyeŋge namə, deyeɗe namə, efiŋgiɗmə gəm ɗiy naka dələv nam pakəŋ na, məprəm met ɓa.

Zakarya 1:15

Makraw fiyõh fiyõhĩ aket dəlveŋge məs dərəhən kiyti; vi naw gədəvu siɗikke adə, ya net abbahaŋ sənənək əraya.

Zakarya 11:5

En məs dədelbihnin adawtewin wəlet awlanən na va aɗɗaŋgək mbərayən ɓa; en dədawvilnin tay ənahaŋ na: “Soko sən Yawe, nəkkpaŋgək məsarya” ya en dədawteɗin dayday awlanən sasẽhit ɓa.

1Timote 1:1

Pol maslən na Yesu Kristu də əŋgla na Maŋgəlva məkõhgəmə, gəm Yesu Kristu əga namə.