Yeremiya 50:6 - Bible en Guidar

⁶ Ɗiy naw tahəŋ lahəŋ va gilew məzeti məzuteɗeŋɗe net azetinik aket mossorgoɗe gugriɗe. Tahəŋ əpirkeŋ səka mossorgo gəm əpeŋ aka mbərən azgətaŋgək ki gazlaŋ neti.

Yeremiya 50:6 ပူးပေါင်းရင်းမြစ်များ

Gəlyaɗe 116:7

Naw wanəmbat addəv əffet nawa, vi Yawe agəɗ suwək moggoni.

Gəlyaɗe 119:176

Slorslor nan va time məzani akayan gawla noko, vi nəzgət kiyit mahenziŋɗe nok ɓa.

Gəlyaɗe 23:2

Tay əvoŋgu aka kevile məgdəkani; tay əku go'o a met iŋkile en sanana,

Gəlyaɗe 32:7

Təki nawɗam naw kənani, is tat əgu səma əzəmsahã, də salalay nawbit kətərwəslwa. Əziwe

Gəlyaɗe 90:1

Wəkkam na Moyis, ɗəf na Maŋgəlva. Daya, va sayit ɗiy asani kəsokuk təki nassa namə.

Gəlyaɗe 91:1

Ɗəf dəsan a təki an Məsəɗəɗə aɗamə, wavoŋ ara zeŋgile na Maŋgəlva Məzuɓappak.

Isaya 1:3

Wasli asənək ɗəf dəlbaha, koro tam təki nawzəm məs afən apsənə. Israyel nan dəsən ɓa; ɗiy naw azgan sləma ɓa.

Isaya 30:15

Vi aŋki an Yawe Maŋgəlva salala na Israyel anahə: əɗi marava gəm wəssa ɓatɓati yi wəkõh nokumu. Gbogboŋ nokum na, wəssa ɓatɓati yi gəm əɗi əɗɗum nokum akawa. Ya kəŋgəmaŋ ɓa.

Isaya 32:2

Nawaydi pak səret wasan, va təki nawɗam sən barkataŋ va zlava aba buwən maŋgalaw, va iŋkile mədawaŋ aka təki məklakani va zəŋgile milɓe gagdak aka dələv məs pay adazla sla'sla'.

Isaya 53:6

Mənam pak məzək va gilewi, naway pak agəmək tive nani. Yas Yawe aggbo' heslepe nam pak akani.

Yeremiya 10:21

Vi ɗiy gugriɗ pak mətemtiŋgə, dəkayanən Yawe ɓa, vini, dədaw ammbet ɓa, gibek net atrayək pakə.

Yeremiya 13:16

Məgagdakan Yawe Maŋgəlva nokum tak adawki guzliyo, tak təlkum adaŋgbay azet mossorgoɗe sən guzliyo. Əkeɗeɗe kədawgaŋ kəta, ya akkpaŋganən ka guzli tiɗimi kpaŋgən va guzli na buna.

Yeremiya 2:20

Far kəŋzlu zuk noko, kəpəlik helegeɗ dəynokuni; kəmna: Nəgəɗ na wəza ɓa! Aka təki ɗagarra gəm ammbet wəleŋɗe tindiŋ tindiŋ pak kəweɗik zuk əɗɗa polkoyo.

Yeremiya 2:32

Waŋ goruk tazgət ki zəga na gawla nat sa? Guluk namba zil tazgət ki gendu nat sa? Ya ɗiy naw na maggaŋ azgətaŋ kiyu ɓa.

Yeremiya 23:1

Əray aket məzuteɗeŋɗe məppetin ɗiy naw əzaŋ gəm ətrayaŋgə, Yawe aɗiymani.

Yeremiya 3:23

Gesiŋ, matuyaɗe naket mossorgoɗe, də gogoyo naket mossorgoɗe gugriɗ ambəɗaməka. Gesiŋ aza Yawe Maŋgəlva nam əkõh na Israyel asani.

Yeremiya 3:6

Aka pay na məlĩ Yosiyas, Yawe anah su na: Kulak an Israyel məs man sula sulas agəɗ sa? Ambatək aka mossorgo metiŋ məɓayəŋ awandi pakə, ammba wəlaŋga hirikhirik awandi pak əɗɗa polkoyo nan adaka.

Yeremiya 33:12

An Yawe Məzuɓappak anah yaŋka: Əmpa na, a təkiyəŋ dəray hoŋhoŋ məza ɗiy ɓa hã dit zəgeɗ memeyẽɗiŋka, a walaŋgəleɗe gugriɗ nan pak təki nawtaɗ wasan sit məzuteɗeŋɗe nawvoŋgit gilew net dəfɗa.

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Yeremiya 50:19

Wanəmndagan Israyel a təki nawtaɗ nani. Wataɗ aka Karmel gəm aka Basan; aka mossorgo metiŋ na Efrayim gəm a Galad, wabə.

Ezekiyel 13:10

Adan adawzetin ɗiy naw də wənəh na: Zayə ya zazay tay nak ɓa, ɗiy naw tay ərkaŋ gəla, ya net yeŋ əkkəɗ sənən ɗama.

Ezekiyel 34:14

Aka marbaza moggon nədawteɗti, kevile naket mossorgoɗe gugriɗ məɓeyit naka dələv na Israyel adawzəmaŋgə. A təki na marbaza moggon adavoŋgoŋ adaka, wataɗaŋ aka kevile silip silipi, aket mossorgoɗe gugriɗ na Israyel.

Ezekiyel 34:15

Naw wanətəɗ gilew nawa, naw wanəvoŋgiti. Daya Yawe aɗiymani.

Ezekiyel 34:16

An dəzə, wanəkayani; an dəgohu, wanəmndagani; məs tələn dəŋgəzlə, waniynani; məs gbəgba'a, wanəsɓani. Zəga mamayãn məkərən də an gbusgbus hara na, wanəzani; wanəteɗ va an dəslə.»

Matiye 10:6

Məddoŋ dərəŋ azet mə Israyelɗe timiŋgiɗ məzeti.

Matiye 15:24

Yaŋ Yesu azlani, amna: Məslənwi an azet timeŋgiɗ mizet na Israyeli ɓa ɓa.

Matiye 9:36

Adan awla vanday net ɗiyi, awələk sahã aketi, vi ayaŋka hompok-hompokuŋ va timiŋgiɗ məs tahəŋ də məzutaɗa ɓa.

1Piyer 2:25

Lahəŋka munokum tat va timiŋgiɗ məzeti, ya kakaŋ na kəmilyoŋguk aza məzutaɗa məzuga zeŋgilokum.