Yeremiya 50:4 - Bible en Guidar

⁴ Əvoŋ nan aka pay dəpaska Yawe aɗiymani: Mə Israyelɗe dit mə Yudeɗ wazzoŋ matakə wadawaŋ də əhəma, wakayanən Yawe Maŋgəlva neti.

Yeremiya 50:4 ပူးပေါင်းရင်းမြစ်များ

2Alabaraɗe Də Mabərkiziti 7:14

an ɗiy naw məs adawyaŋ də iya naw avoŋgənək kiyti, tay əkkamaŋgə, tay əkayawəni gəm amilyoŋ səka tive net mbəraynəŋka, naw wanəprəm hã sə disiŋ, wanəvvuyoŋ sit mambray neti, wanəbbur dələv neti.

Gəlyaɗe 105:4

Məkayan Yawe də gbogboŋ nani, məkayan ula haran pay pakə.

Isaya 14:1

Ha'aw Daya wawla sasah Yuda, wamsak əwel Israyel əmpa. Wamndeget ɗiy nan aka dələv neti, molhõyẽɗ wasapaŋ azeti gəm kawsapaŋ azet ɗiy na Yuda.

Isaya 45:19

Nəpel mahaɗama ɓa a təki məs guzli naka dələv ɓa. Nənah sən zev Yakob na dəkayawəngən addəv səmyã ɓa. In Yawe na, an təstəs nədawpele, an sarara nədarba.

Isaya 55:6

Məkayan Yawe pay nawrahən, mətəl mokum azan aka tay gu'o.

Isaya 63:4

Vi an na makraw na əmpəlkiya dəpaŋki; əzva nawkõhgit ɗiy naw agapəka.

Yeremiya 31:31

Pay tay əzzani Yawe aɗiymani, wanəziwgin wənmiyna meleketen dit ɗiy na Israyel gəm dit ɗiy na Yuda.

Yeremiya 33:15

Aka pay nani, dəpas na, wanəgilgin zeŋve na təstəs səza Davit, waɗɗa zəga də tiven təstəs aka dəlva.

Yeremiya 41:6

Yismayel wətən Netaniya vit sə Mispa əddan ələm sit də əhəma. Yas anah sit na: Məde ana Gedaliya wətən Ahikam da.

Ezekiyel 16:61

Wakəɗɗumon ədaw noko, wil wadukun pay kədawtef milmiŋgiɗuk muguluŋgit daya nok dit en sawãɗe noko; wanipsuk ka kirtuk muguluŋgiti, məza ətoŋ addəv wənmiyna naw is ɓa.

Ezekiyel 39:25

Vini yi, an Daya Yawe anah yaŋka: Kakaŋ wanəzaɓan wən na Yakob, wanəwəl sãhã aket mə Israyelɗe baymeti, wanərban kotorok vi iya naw salala.

Hose'a 11:10

Wadawaŋ ammba Yawe. Wahəmaŋ va ɓoolu adawhəma; vi an tay əhəma, kirtin wannekenən zit dazzoŋ səma pehe.

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Hose'a 6:1

«Mide, məmndamsəm aza Yawe, vi ndəni dəbakamə, ya wanzaɗmə, argəməka ya waynan səm huwweɗ namə.

Yo'el 2:12

Yawe aɗiyman na, təŋ səza kakaŋka, məmndoŋ məde azaw də mokrokum paparə də wəɗɗa meme, də wəhəma, də əɓuh mokum.

Zakarya 12:10

Wanəknəh zev Davit gəm ɗiy na Yerusalem də əmpəs moggon gəm nakkama. Wawlaŋ azawa, in ɗəf məs ambokoŋ naka. Waɓuhnən met ammban va adawɓuhoŋ ma ammba wiyən karmalay. Waskaŋ morkoyo ammban va adaskaŋ morkoyo ammba uwa maddaabəŋ.

Yakob 4:9

Məssahan zukum məskə morkoyo, məhəmə vi mambray nokum, wəmas nokum dəkkpaŋ wəhəma, kədannekenən zukum ɓa məssahan zukum.