Yeremiya 5:9 - Bible en Guidar

⁹ Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Yeremiya 5:9 ပူးပေါင်းရင်းမြစ်များ

Wənməkkpaŋga 6:29

Vaski də ɗəf an məmbat azat ga meggeni: ɗəf dərəŋgət pak assan na bartata ɓa.

Isaya 1:24

Vini Daya Yawe Məzuɓappak Məzuɓap na Israyel aɗiyman na: «Haya əraya, wanəmpəlkiya aket məzuseɓɗe nawa wanəfaɗ sit məzuzelɗe nawa.

Isaya 57:6

Kuwneŋge lələkəɗəkɗe aski haran noko, kəpeslik mbazla aketi, mənokum tat əpsit əvəl na zəga nawzəma, viyit zəgeɗis kan na makraw waffet sa?

Yeremiya 23:2

Vini Yawe Maŋgəlva na Israyel apel aka wən net məzuteɗeŋɗe məzuteɗnin ɗiy nan vaŋka: Nokum kəppetinik gilew naw ətrayaŋgə, kəzetinke, kəzgaŋ sləma aket ɓa. Naw in yakəŋ əsilyew akokum sən daraw na wəza nokum, Yawe aɗiymani.

Yeremiya 32:31

Walaŋgəla-metiŋgiski dədan su gədəvu gəm dəsilgin makrawa, təŋ səza pay mərkani hã gap pay dəpaŋka, maw tay aka nulagən ama haraw ɓa,

Yeremiya 44:22

Yawe dəɓap əɓəs daraw na wəza mbərayən nokum məs kəɗɗaŋ ɓa, aba zəga daryaw məs kəɗɗaŋgəŋ ɓa, ndəni dələv nokum akkpaŋ kiməskiya, hoŋhoŋ də mefɗeke məza ɗəf akan ɓa va pay dəpaŋkəŋka.

Yeremiya 5:10

Məzlah kiyit mamberet nani məŋgrof guli net megezlembirkeɗ van məza kakah ɓa mətaw ki veti, Vi na Yawe əŋgə ɓa!

Yeremiya 5:29

Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Yeremiya 6:11

Nəknahək də ədagədəv na Yawe nəyək dawɓəsən. Aggbo aket kirin appaka gəm aka əsap net gewleɗi. Karma ɗəf mizilin va gulku, mazza va mazza an kursuk kursuku.

Yeremiya 6:6

Vi vaŋ Yawe Məzuɓappak anahə: Mibil wəleŋɗe, məkkpot dələv ki Yerusalem tərwəslə, ndən walaŋgəla-metiŋgin məs məzga' səni. Əsərma tay addəvni.

Yeremiya 9:8

Aka zəv zəga naɗɗa vasna nətaw na wən aket ɓa sa? Yawe aɗiymani. Nəmpəl na kiya aka zeŋvit ɗiy es vas ɓa sa?

Yeremiya 9:9

Wanəhəmə, wanənɗəs aka wən net mossorgoɗe; wanəɓuh maw ammba təki nawtaɗ na kapta-muyã, vi məɗi siti offo. Ɗəf tay dədawtoŋ kəla dak ɓa. Əhəm na wasli tay dədaprəm adak ɓa. Təŋ səzet biŋgeɗ na disiŋ hã gap azet zəgeɗ nawra anzoŋko, addoŋko.

Əɓuhma 3:42

Nam na, məɓoŋko məɓɓəlanək kiymə, ya nok kəvvuyon səm ɓa.

Əɓuhma 4:22

Waŋ na Siyon, heslepe nok agraka, kazbani əkuk aka balam əmpa ɓa. Ya nok na waŋ Edom, atawək wən aka mambray noko. Wappasan ɗarɗar noko.

Ezekiyel 7:9

Nuluk na sãh ɓa, ɗəf tay nədappa ɓa; wanəfaɗ suk va aza ədaw noko, zəga naɗɗa daryaw nok wasan addəvko. Vasna wakəsənnən na, intə Yawe məzərgukumu.

Hose'a 2:13

Wanəɓətgən ənnek nat pakə, wəzləra nata, təlaper də pay naffet nata, gəm dit wəkkalɗe na wawya nata.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Məsdəlveŋge 18:25

Ədaw net akkpaŋganək dələv net də heslepe, vini nətaw wən aka mambray nani; yas dələv van eptek ɗiy veti.

Məsdəlveŋge 26:25

Wanəsilgin masalam akokum nampəl ki wənmiyna, wakəkkalaŋ addivit walaŋgəleɗe gugriɗ nokum. Wanəslən gəbaymərma a walaŋkum, kappokumi ava məzuzel nokum.

Nahum 1:2

Maŋgəlva məskotoroki, Yawe ampəl kini. Yawe ampəl kini; ədagədəv nan gədaki yi. Yawe tay əmpəl kiyən aket məzuseɓɗe nani; herɗe nan addəɗ səket məzuzelɗe nani.

Əmsak aka Mahenziŋ 32:35

Intə məmpəlkiya, məfaɗ an ɗəf adawrah ammba vani pay ataŋgbanyaŋgə, pay nawray net van gu'oy, an məzaɓən ammbet aliy na dawgap ɓa.»

Əmsak aka Mahenziŋ 32:43

Məɗi kiyit ɗiy na Daya, Vi wampəl kiyit mbel net gewleɗ nani, wanəmpəlkiya aket məzuseɓɗe nani; wavvuyon mambray net ɗiy nani.