Yeremiya 5:5 - Bible en Guidar

⁵ Dəɗah naw nəmmbat azet ɗiy gugriɗe, əpel dənɗaŋgə: vi net asənnənək tive na Yawe, asənənək ətawwən na Maŋgəlva neti. Mbaraka net pak: Aŋzluwənək zuk na ma wəleti aɓuhunək helege an diyneti.

Yeremiya 5:5 ပူးပေါင်းရင်းမြစ်များ

2Alabaraɗe Də Mabərkiziti 36:14

Vaska'e deyeɗe net məsdəlveŋge dit ɗiy pak asokənən zit əraygən mahenziŋ, va zəga daryaw net ɗiy-ɗar neki, arnokonənək gəla na Yawe məs awel a Yerusalem naka.

Əgilye 32:25

Moyis awlak na, Aron appetik ɗiy əɗɗa an aŋglaŋgə, kpaŋgit ɗiy ka zəga nawmas net məzuseɓɗe neti.

Isaya 1:23

Ɗiy gugriɗ nok mitemtiŋgə, met təp dit məhelɗeŋgeŋ, naway pak tay əŋgla zəga na mekeleŋ, tahəŋ əzban zəga naɗɗa soko, aɗɗaŋ təstəs sən mitiwe ɓa, wən nat gagəbay awgepit ɓa.

Yeremiya 2:20

Far kəŋzlu zuk noko, kəpəlik helegeɗ dəynokuni; kəmna: Nəgəɗ na wəza ɓa! Aka təki ɗagarra gəm ammbet wəleŋɗe tindiŋ tindiŋ pak kəweɗik zuk əɗɗa polkoyo.

Yeremiya 2:31

Mənokum ɗiy en kakaŋka, məprəm əpel na Yawe! Nəkkpaŋgək va kapta-muyã aza Israyel sa? Awaniɓa va dələv ara guzli sa? Vimi ɗiy naw anahaŋ na: «Na kiyəm mənani məmil na azok əmpa ɓa di?»

Yeremiya 30:14

Ɗiy en dəŋglukun pak azgətaŋgək kiyko, tay dədaɗɗum akok ɓa; vi nəvərkuk va kəɓəs na məzuzeluk nani, nərgukuk gədakə vi heslepe nok metiŋgini mambray nok adayka.

Yeremiya 6:13

Vi təŋ səka muzliya hã gap ɗəf metiŋgini, naway pak tay əkayan ərəh kaka. Təŋ səza məskəleŋ gap aza məsdəlva, naway pak tay uwawəna.

Yeremiya 8:7

Hemsemse a disiŋ dayday asənək pay nesme nani; mukuɗuŋguleɗi, sagereɗi gəm toligeɗi asənən pay nawmilye neti. Ya ɗiy nawa, dəsənən an Yawe aɗi wən nan aziwgin ɓa.

Yeremiya 9:3

Naway pak dəsla zən səza baynani! Kəɗiyən əɗɗum nokum aka məlmukum ɓa, vi məlma pak wambəɗokum; baynokum zlaŋ wazəm kikum.

Ezekiyel 11:2

Yaŋ aɓsu na: «Wətən ɗəfa, ɗiyiŋki məzuzaɓanən zit nawbay gəbayəŋgə, məzəɗɗumoŋ əɗɗum mbərayən a walaŋgəla metiginəŋkəŋ.

Amos 4:1

Məprəm əpeləŋka, met wasliɗe na Basan dəssoŋ aka mossorgo metiŋ na Samari. Mənokum məzimgitin sahã net ɗiy məddekti, məsərən met məzurayɗe may məzunah sitin deyeɗe nokum na: «Akiya, məsegənəŋki!»

Amos 6:1

Əray aket ɗiy dədanziyaŋ kiyit foŋgo a Siyon, gəm en dəɗiyən əɗɗum net aka mossorgo metiŋ na Samari! Petmekel an daabəŋ net mahəlfaɗe. Mə Israyelɗe tay əddoŋ akokum!

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Malakiya 2:7

Gesiŋ nan na, əsən tay a ma məsdəlva, wəzga' an təstəs tay a barani vi ndəni maslən na Yawe Məzuɓappakə.

Luka 18:24

Yesu awlak vaska, amna: Tuwãhi məsaryeɗ dətoŋgoŋgən məlĩ na Maŋgəlva.

Luka 19:14

Ya ɗiy nan azelnənka, aslənaŋgək maslənɗe dərɓagan dawnəh na: Məŋgəm na ɗəfəs dəzəmgən məlĩ akam ɓa.