Yeremiya 5:31 - Bible en Guidar

³¹ Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Yeremiya 5:31 ပူးပေါင်းရင်းမြစ်များ

1Milyeŋge 22:6

Məlĩ na Israyel akkelet məskəleŋɗe waɗɗaŋ səkat poɗo, aɓsit na: «Nəmbat əgay də Ramot na Galad sa, awaniɓa nəbewi?» Aɓɗaŋ na: «Doko! Yawe wapsuk avoko məlyã.»

Wənməkkpaŋga 17:4

Məgəɗ mambray dədazga sləma aka əpel mbərayən; məwə wən dədawpak sləman ammba əpel nawraygən təkiya.

Isaya 10:3

Mə kədaɗɗaŋ pay wəzəmsahã adazzan daga sə təki faraɗa di? Aza nawa kədanzoŋ əɗam kawrəh əbbah di? Nga kədaddoŋ əzaɓan arya nokum di?

Isaya 20:6

Pay dəpaska, ɗiy en dəssoŋ a ma məlpa dəŋ wanahaŋ na: «Vaŋki əɗɗum nawga zəga namə! Azam na məɗamək sədaka vi kawkay ɗəf nawkõhgəm səba məlĩ na Asiri. Mbarmbar mədawkõh kandi?»

Isaya 33:14

A Siyon məs mambrayɗe ageslne'eŋke, məɗɗaŋ ɗarɗar akkereŋke. Naway səmmbam nawɓap əssan gu'o də offo mətarna təki di? Naway səmmbam nawɓap əssan addəv movoro offo məzlə pay pakəŋ di?

Isaya 43:27

Afuk agəɗək mambraya; maslənɗe nok atemeŋgik akawa.

Isaya 47:7

Kəɗɗumuk na, wakəsok məlĩ hã faɗə, kəɗi zəgeɗ vet a mokrok ɓa, kəɗɗum aka va adaggrakaŋ ɓa.

Yeremiya 12:4

Pay gbəŋgbar dələv adawsan addəv əhəm na gəlabaya di? Pay gbəŋgbar geslembet sura adassoŋ akawɓət di? Zəgeɗ memeyẽɗ dit biŋgeɗ pak tahəŋ əmtaŋ vi mambray net ɗiy məs dəssoŋ aka dəlvəŋka, tay ənahaŋ na: Awla na ənziya nam nabe ɓa.

Yeremiya 14:14

Yawe azlan suwək na: Məskəleŋɗe wən adawaŋ də iya nawa. Nəslin ɓa, wən tay məs nəɗi sit naɗɗa ɓa. Nəpel sit ɓa. Wən ɗar adawlaŋgə, əpel mekeleŋgi, mekret dədawmbəɗet nawgəɗ sukum kəleŋ!

Yeremiya 26:7

Məsdəlveŋge, məskəleŋɗe dit ɗiy pak aprəmənək va Yeremiya apel əpeləs addəv gəla na Yawe.

Əɓuhma 1:9

Ərnok tay aza gabba lukut nani aɗɗumon an nazzan abe ɓa. Əzbər nan agəɗək va na sekene, məzəbbah sən tay ɓa. Yawe awla əzəmsahã nawa; awla va məzuzel naw adawɓaya.

Əɓuhma 2:14

Məskəleŋɗe nok tepelke awlaŋ sukuni gəm wən ɗar loloh lolohu. Dəppasanən heslepe nok kawzaɓan wən nok ɓa. An awlaŋ sukun na, tepelke atawaŋgə, gəm əraka.

Əɓuhma 4:13

As pak agəɗ na aka mambray net məskəleŋɗe nani, gəm an məsdəlveŋge nan araygənəni yi, abeyinik ɗiy təstəs addəvni.

Əɓuhma 4:18

Heret ammba tələm yarra kawtakəm daddam agəlam. Əgrak nam agapka, əvoŋɗe nam aknahaŋka əgrak nam agapka.

Ezekiyel 13:10

Adan adawzetin ɗiy naw də wənəh na: Zayə ya zazay tay nak ɓa, ɗiy naw tay ərkaŋ gəla, ya net yeŋ əkkəɗ sənən ɗama.

Ezekiyel 13:6

Awlaŋgək hĩyãw ɗarə, helik nawawən ɗarə. Məzunahaŋ na: Yawe dəpeli, məza Yawe dəslin ɓa, tay əganən dəɗɗagən va əpel neti.

Ezekiyel 22:14

Mokrok tay nawziw abaw sa? Vok wasan ɓəl pay nədawsil suk sa? In Yawe nədawpele, wanəɗɗa.

Hose'a 4:9

Əray məstaka dədawrih ɗiy də məsdələv pakə. Wanəzga'sit aka wən na ədaw neti, wanəmndagan sit aza wəza neti.

Hose'a 6:10

Nəwələk zəga na dərwa a Israyel: Adaki Efrayim agəɗ polkoyo, ndəni arnokon Israyel.

Hose'a 9:5

Miy kədaɗɗaŋ pay na wawya, gəm pay na wəzləra na Yawe di?

Mika 2:11

An ɗəf azbanək səmyã armak uwawəna, anahək na wanəgəɗ suk kəleŋ ka mbazla gəm ka zəga nawsa məhəsən! Wasan ka məgəɗ kəleŋ net ɗiyiŋki.

Mika 2:6

Ɗiy tay əklopoŋ suwən na, appan zev əklopəska, ɗəf adaklop vas ɓa; aka wənəs na əra agrak ɓa.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Sefanya 3:4

Məskəleŋɗe nan məɗiyaŋ kizitiŋ, məs vurumɗeŋgə; məsdəlveŋge nan araygənənək zəga na matuya, aggaraŋgək ki mahenziŋ.

Əmsak aka Mahenziŋ 32:20

Yaŋ amna: «Wanəktuh gəɓaw siti, nulagən va adassoŋgu. Gebbet ɗiy məreygitiŋgə! Ɗəf aɗi na əɗɗum nan aket ɓa.

Əmsak aka Mahenziŋ 32:29

Va də maɗɗuletiŋ na, waprəmənən gabbani, wawelenən an nabet kəta: