Yeremiya 5:27 - Bible en Guidar

²⁷ Va bəbəta dəknah dit biŋgeɗi, vaski gəleɗe net aknahaŋ dit zəgeɗ na vərumu. Vini aɓayaŋgə, assoŋ məs aryeɗi,

Yeremiya 5:27 ပူးပေါင်းရင်းမြစ်များ

Ɗerewel na Yob 12:6

Gizlirkeɗe net masapeɗ tahəŋ addəv zazaya, məzədanən gədəv Maŋgəlva tahəŋ zayə, tahəŋ ula zit va armanənən Maŋgəlva aveti.

Isaya 3:14

Yawe atoŋguk ətawwən aket ɗiy misɓet net ɗiy nani gəm deyeɗe: mənokumtə kəzletin megezlembirkeɗi; gəleɗe nokum tahəŋ mbe'mbe' də zəga an kəhalaŋ səvet məssehẽŋɗe.

Yeremiya 12:1

Yawe təstəs kənan gərak ka nəgəɗgən wən də isi. Də as pak wanəpel suk aka wən nawtawwəna: Vimi tive net məsdarawɗe adahhar ammbet di? Vimi məzəmaŋ kiya assoŋ kiyit foŋgo di?

Yeremiya 8:5

Vimi ɗiy na Yerusalem əŋ aɓoŋgoŋ dawsənwən aziweŋ ɓəlɓəl addəv uwawəna, ɓoŋgoŋ damilye azaw di?

Yeremiya 9:6

Vini kana, aŋki an Yawe Məzuɓappak anahə: Wanəhĩs akoffo, kawlan an təstəsəŋgə. An vaski ɓa na mbar nədawgəɗ sit ɗiy naw əmpa di?

Hose'a 12:9

Efrayim amna: «Sessel nəbək arya, nərahək arya sən kiywa, addəv wəza naw pak kawrəhi heslepe nawnəh na mambrayi ɓa.»

Mika 1:12

Ɗiy na Marot tatɗaŋ kpo'kpo' ammba ənziya neneke. Vi tatwãh aprikik səza Yawe a maddamba Yerusalem.

Sefanya 1:9

Dəpas na, wanətaw wən aket məveŋgeŋ ki maddamba, məzəknəhnən gəla na daya net dit zəgeɗ mumohĩt na gagay gəm də vurum.

Hənhən 18:2

Aŋgəslək vaŋvəl dayadaya na: Aɓəslka, aɓəslka, Babilon walaŋgəla-metiŋ naka. Akkpaŋgək təki nassa net tuyeŋɗe, təki nassa net əmpəsɗe mbəreyti, təki nassa net biŋgeɗ mbəreyit dit en nawmə' pakə.