Yeremiya 5:21 - Bible en Guidar

²¹ Kamə məprəm wənəŋ ɗa, ɗiy məs əɗɗum net gbeslsle məza maɗɗula ɓa, məs hereti, ya awlaŋ ɓa, məs sləmeti, ya aprəmaŋ ɓa.

Yeremiya 5:21 ပူးပေါင်းရင်းမြစ်များ

Gəlyaɗe 94:8

Məsəna, məmsan kiyit naret ɗiyi; dərweŋge, dewe kədawrəhaŋ əsən di?

Wənməkkpaŋga 17:16

Miyi ətərwəray net koɓeɗ ava dərwa di? Kalbəh maɗɗula sa, ya kiyən tay ɓa!

Isaya 27:11

An kivet wəleŋɗe aŋkəlaŋka, kaŋzluti, gil wandenin kasɗa offo. Vi maɗɗula tay aket ɗiy vet ɓa. Ndəni məs dəɗɗe dəwəl sãhã aket ɓa, məs dəzəmiɗ tay də mbəlembəle aket ɓa.

Isaya 43:8

Migilgit ɗiy deŋgerɗe, də heret asan zlaŋgə, gəm goryomɗe də sləmet asan zlaŋgə.

Isaya 44:18

Zəga tay asənaŋ ɓa, gabba zəga tay adaprəmaŋ ɓa. Vi mətipni hereti adawlaŋ ɓa, mətipni mekreti adawsənaŋ zəga ɓa.

Yeremiya 10:8

Beymet pak maɗɗula tay aket ɓa mətemtiŋgə, mi adawyaganən səza tuya na wəlaŋga ɗar di?

Yeremiya 4:22

Ɗiy naw kiyit tay ɓa, dəsənwən ɓa. Kirin məs aɗɗumoŋ kpum ɓaŋgə, əsən tay aket ɓa. Maɗulet na naɗɗa zəga mbərayni; naɗɗa moggon na, dəsənnən ɓa.

Yeremiya 5:20

Məpel wənəs sit kirtin Yakob, məprəman a Yuda də wənah na:

Yeremiya 5:4

Naw nəmnah: net məmeɗeŋɗeŋgə; mətemtiŋgə, vi dəsənnən tive na Yawe ɓa, dəsənnən ətawwən na Maŋgəlva net ɓa.

Yeremiya 6:10

Sən nawa nədawpel sən gəm nədawɗi ka miziwe naw dəprəməngən di? Sləmet asukko, aɓapən na əzga sləma ɓa. Əpel na Yawe tay va zəga na əra azeti; annekeŋ dəndən ɓa.

Yeremiya 7:13

Ya kakaŋ na, Yawe aɗiymani, adan kəɗɗetin wəzeɗes pakə, də nəpel sukum pay pakə zlaŋ na, kəprəmnən ɓa; də nəyukum zlaŋ na, kəzlanən ɓa.

Yeremiya 8:7

Hemsemse a disiŋ dayday asənək pay nesme nani; mukuɗuŋguleɗi, sagereɗi gəm toligeɗi asənən pay nawmilye neti. Ya ɗiy nawa, dəsənən an Yawe aɗi wən nan aziwgin ɓa.

Ezekiyel 12:2

«Wətən ɗəfa, a weleŋgit ɗiy məɓoŋgit kəsoko; heret nawla tay, ya awlaŋ ɓa, sləmet naprəm tay, ya aprəmaŋ ɓa, vi məɓoŋtiŋgə.

Hose'a 7:11

Efrayim tay va bəŋga na wandala tiɓiɓɓe maɗɗulan tay ɓa: Eziptə ayaŋgə, yaŋ addoŋ aza Asiri.

Zakarya 7:11

Ya aɓoŋgoŋko, dəzgaŋ sləma ɓa; ndəɗaŋ kiyvet zloŋgoŋgu, sləmet dəsldəsl vi adaprəmnən ɓa.

Markus 4:12

Vi vaski, Wawlaŋ də hereti, ya asənən na ɓa. Waprəmaŋ də sləmeti, ya aprəmnən na ɓa. Vi adawmilyoŋ əɗi marava ka mambray net dəvvugən ɓa.

Markus 8:18

Munokum tat də horokum ya kawlaŋ ɓa sa? Munokum tat də sləmokum ya kaprəmaŋ ɓa sa? Kaɗɗumonən wən,

Yohanna 12:40

Maŋgəlva atipik hereti, aɓɓəlanək makreti, vi adawlaŋ də heret ɓa, makret adawsən zəga ɓa, vi adawmilyoŋ azaw in kawmbəlgit ɓa.

Wəza net Masləŋɗe 28:26

Dawnəh na: Dok ənah sit ɗiyəŋ na: Əprəm kədaprəməni ya sessel kəprəmən na gabban ɓa. Ula kədawlanəni, ya sessel kəsənnən na ɓa.

Roma 1:20

Vi zəgeɗ məs ɗəf awle səzan ɓa təŋ səza əzəməɗ na dəlva va əɓap nan məza meŋge ɓa gəm əssa nan asan Maŋgəlva tay ərbaŋ addivit zəgeɗ en agəɗə an əsən agohonko. Vini təki narma vet asan na ɓa.

Roma 11:8

Va məverin na: Maŋgəlva apsitik əmpəs nawleŋge. Heret məza awəl na ɓa gəm sləmet məza aprəm na ɓa ha gap pay dəpaŋka.

Əmsak aka Mahenziŋ 29:3

Hã gap dəpaŋka, Yawe dəpsukum mokrokum nawsən ɓa, horokum nawla ɓa, may sləmokum naprəm ɓa.

Əmsak aka Mahenziŋ 29:4

Wəzva kaklaw poɗo, in tat əbbalokum a kapta-muyã: lukutɗe nokum dərayaŋ ɓa, hensekɗe naka təlkum dəkkahaŋ ɓa.

Əmsak aka Mahenziŋ 32:6

Sən Yawe kədaɗɗaŋ vas sa, ɗiy mətemit məza maɗɗulet ɓa? Ndəni afukum məs dəzəməɗkum ɓa sa? Ndəni dəɗikum ka ɗiy nan ɓa sa?