Yeremiya 5:17 - Bible en Guidar

¹⁷ Ya wazəmnən zəga na mabardaw nok gəm way noko, wazimnin kirtuk mezeŋgleket dit muguluŋgiti, wazimnin wasliɗe dit gilew noko, wazimnin megezlembirkeɗ dit sokoyeɗ noko; wapuwetin walaŋgəleɗe gugriɗ nok na korgu məs kədawlan na zəga tay nawrəhuk sədak ɓaŋ də masalam.

Yeremiya 5:17 ပူးပေါင်းရင်းမြစ်များ

Isaya 62:8

Də dəzəŋ nani, də va gbəgboŋ nani Yawe aswayək na: Nipsit na haykəmari nok ka zəga nawzəm net məzuzelɗe nok əmpa ɓa; molhõyeɗ asaŋ na mbazla na meketepe nok məs kəyə vinəŋ ɓa.

Isaya 62:9

Vi ɗiy məs dəkkalanən haykəmari dədawzəmənəni, waɗinən ki Yawe; en dədakkalanən megezlembirke wasanən mbazla nan a daŋgla na gəla nawa.

Isaya 65:22

Arkaŋ na gəla vi ɗəf mbərən dətoŋgən addəvən ɓa, ampaŋ na megezlembirkeɗ asna ɗəf mbərən dəzəmgən uwa net ɓa. Vi va əzva net wəleŋɗe əzva net ɗiy naw adazzeke, məweleɗe naw wanneken də ərəh na wəza na veti.

Yeremiya 1:15

Yawe aɗiymani, vi inyakən kawye mahəlfaɗe dit milyeŋge na kəla disiŋ pakə. Asna wazzoŋgu naway pak waɗi mazaŋga na məlĩ nan a maddamba na Yerusalem go'o. Wassoŋ ki zlava nan tərwəslə, warmaŋ mama aza Yuda.

Yeremiya 25:37

Gazlaŋɗe net tahəŋ semsemi, azaŋka, sən vakvak na ədagədəv na Yawe.

Yeremiya 4:26

Nula dələv məs dəsan va guli net wəleŋɗe nak na, kapta-muyã yi, walaŋgəleɗe gugriɗ nan pak abzlaŋka. Sən wən na Yawe, sən offo na ədagədəv nani.

Yeremiya 4:7

Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 5:18

Aka pay as daydayə, Yawe aɗiyman na, nəzokum na kaka' ɓa.

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Yeremiya 50:7

Ɗiy en dədawrihinin pak tahəŋ əmpirnini, məzuzelɗe net tahəŋ ənahaŋ na: Məraygən ɓa vi aɗɗaŋ mambray aka Yawe, afən təstəsə, Yawe məs efiŋgiɗit aɗɗiyən əɗɗum net akani yi.

Yeremiya 8:13

Əza nədawzeti Yawe aɗiymani vi uwa tay aka megezlembirke van ɓa, uwa tay aka sokoyo van ɓa, gaslamban aɓətka. Nəppetik sit ɗiy nawndepetini.

Yeremiya 8:16

Hã sə Dan mədaprəm əhəm net pilseŋge na məzuzel namə. Sən ɓaɓəlma əhəm net pilseŋge dələv tay əɓla. Azzoŋko, azanənək dələv də an naddəvən pakə. Gəm walaŋgəla-metiŋ dit ɗiy nan pakə.

Əɓuhma 2:12

Tay ənah sitin may met na: «Ngay way may mbazla di?» Dəka tay əɓirzliweŋ va ɗiy dərəhaŋ vaŋvi a walaŋgəla-metiŋ, ndəɗaŋ əmtaŋ avet may meti.

Əɓuhma 2:2

Bəbəh Daya abbəh təki nawtaɗ na Yakob, səɗək asɗək bayman məza ula səsãhən ɓa. Azetik walaŋgəleɗe na korgu na Yuda addəv ədagədəv nani, azlambrakanək afuŋgu. Araygənək dələv dit milyeŋge nani.

Ezekiyel 36:4

Vini yi, mossorgoɗe gugriɗ na Israyel, məprəm əpel na Daya Yawe: An Daya Yawe anah yaŋ sit mossorgoɗe gugriɗ gəm sit mossorgeɗe dit lolohõɗi, sit walaŋɗe dit kiyməskiyɗe hoŋhoŋgu gəm walaŋgəleɗe gugriɗ məppet məs dəkkpaŋgaŋ ka zəga nawmõhẽt də əmas aket azet ɗiy-ɗar meɓɓet məs dəkaraŋ kiyti.

Hose'a 2:12

Kakaŋ wanərban ərba wil nat a maheret gəreŋgiɗta, ya ɗəf tay nawtərət səvaw ɓa.

Hose'a 8:14

Israyel azgətək ki an dəzəməɗa, arkək gəla na məlĩ sən kini. Yuda tam awetik walaŋgəleɗe net korguɗe. Ya wanəslən offo addəvit walaŋgəleɗe nani, offo wapalket gəleɗe mogget neti.

Yo'el 2:3

Offo tay əzəm təki abani, dərɓagani, offo tay əzla nzilim nzilimi. Va guli na Eden dələv asan abani, dərɓagan tam, kapta-muyã məraygəni. Zəga tay dəkõh səman ɓa.

Məsdəlveŋge 26:16

asna an nədawgəɗ sukum yaŋka: Wanəgeslne' gukum də ətara gəm gamba naddakan horokum may navviren zeŋgilokum. Wakəslgannən guli nokum sam mekeleŋ məzuzelɗe nokum dədawzəmnəni.

Sefanya 3:6

Nəzetik dəlveŋge, nəɓzluwik zlavaɗe net məɓeyti; nəreygitik tiveɗ neti: məzutoŋgoŋ tahəŋ ɓa; məreygiti walaŋgəleɗe gugriɗ neti: ɗəf taka tay ɓa, ɗiy tahəŋ də gəla addəvən ɓa.

Malakiya 1:4

Edom anah na: «Məɓzlumi, ya wamisilgin wəɓzla namə,» an Yawe Məzuɓappak anah yaŋka, net dərkanəni! Ya nawa wanəɓzluwa. Kayeti na dələv na daraw gəm ɗiy en Yawe adawda gədəv aket faɗə.

Əmsak aka Mahenziŋ 28:33

Zəgeɗ na mabardaw nok də iya nok pak ɗiy meɓɓet məs kəsin ɓa dədawzimini, ɗiy wazəmgukun sahã də wəsər mok pay pakə.