Yeremiya 5:13 - Bible en Guidar

¹³ Məskəleŋɗe wakkpaŋgaŋ səmyã ɗarə, əpel na Maŋgəlva tay azet ɓa dəgəɗ aket vaska.

Yeremiya 5:13 ပူးပေါင်းရင်းမြစ်များ

2Alabaraɗe Də Mabərkiziti 36:16

Yaŋ adasmaygitin maslənɗe na Maŋgəlva neki, adawzelenən əpel nani, adawmasaŋ aket maslənɗe nan neki, hã herɗe na Yawe prik aket ɗiy nani, kpaŋ mihã net tay ɓa.

Ɗerewel na Yob 6:26

Aka əpel dəgil kədawpeleŋ sa? As əpel ammba səmyã yi, na ɗəf məs tay də əɗɗum nawrəh zəga ɓa yi.

Ɗerewel na Yob 8:2

Dehe kedappan gabba əpel zəgeɗis də əpel sə mok gbogboŋ va vẽŋvilis di?

Wənməkkpaŋga 25:14

Slaybuwən də səmyã məza buwən əzi ɓa! Vaski ɗəf məzuɗi zən ka məzuvəl də man uwawən ɗarə.

Isaya 41:29

Beymeti, məɗɗaŋ mbəraynəŋ, wəza neti, zəga ɗari yi. Zəgakamaŋgəlva neti, səmyã mekeleŋgi yi!

Yeremiya 14:13

Yaŋ nəzlan na: Aw! Daya Yawe nawa, məskəleŋɗe yeŋ ənah sitin na: Masalam ane'kum na ɓa, may ɓa, Maŋgəlva wapsukum zazay an gegesiŋ a təkiyəŋka.

Yeremiya 14:15

Vini kan Yawe anah vaŋka: Dəwəl sit məskəleŋɗe məs dəɗɗaŋ kəleŋ də iya nawa, ya in nislin ɓa, dənahaŋ na: aka dəlvəŋ na, masalam asan na ɓa, may ɓa. Ya də masalam gəm may yi məskəleŋɗes adawzaŋ gərakə.

Yeremiya 18:18

Aɓɗaŋ na: Mide mətuvur səm wən aka Yeremiya, mahenziŋ azəna vi məsdəlveŋge tahəŋ ɓa ɓa, əzga' vi məsmaɗɗula tay ɓa ɓa, əpel na Maŋgəlva vi məskəleŋɗe tahəŋ ɓa ɓa. Məndam sa akani, məraygən səm iya nani, əpel nan tay mədazga sləma akan ɓa.

Yeremiya 22:22

Səmyã watreyet məzuteɗeŋɗe noko: vaski, gəreŋgiɗuk waddoŋ aka balamə. Asna wil wadukuni gəm wakərbə wili sən mambray an kəgəɗ pakə.

Yeremiya 28:3

Əvoŋ dəŋɗedəŋɗe əzva sula aŋ na, wanəmndeget zəgeɗ naddəv gəla na Yawe məs Nabukodonozor məlĩ na Babilon andə sə təkiyəŋ ake a Babilon a gəlet aŋka.

Yeremiya 43:2

yaŋ Azariya wətən Hosaya, Yohanan wətən Kareya gəm ɗiy məɓaygənən kiyit pak anahaŋ sən Yeremiya na, wən kədawa, Yawe Maŋgəlva nam dəslənuk dawnəh na kədaddoŋ a Eziptə kadasso adak ɓa ɓa.

Hose'a 9:7

Pay nawzəm sahã agapka, pay nampəlkiya agapka: Israyel dəsəna! Məskəleŋ akkpaŋgək mətemni, ɗəf məs əmpəs gərəŋgərəŋgə, vi heslepe nok dədayə gəm ərma mama nok adayka.