Yeremiya 5:10 - Bible en Guidar

¹⁰ Məzlah kiyit mamberet nani məŋgrof guli net megezlembirkeɗ van məza kakah ɓa mətaw ki veti, Vi na Yawe əŋgə ɓa!

Yeremiya 5:10 ပူးပေါင်းရင်းမြစ်များ

2Alabaraɗe Də Mabərkiziti 12:4

Yaŋ azəm walaŋgəleɗe gugriɗ na korgu na Yuda, ade hã a Yerusalem.

2Alabaraɗe Də Mabərkiziti 36:17

Gəm əmpa aɗɗa ka məlĩ net mə kaldiyeɗ ambat əgay dənɗaŋ, abey ɗiy en gewleɗ net də masalam addəv gəla salala neti, dula səsãh wiyəŋ gawla ɓa, waŋ goruk ɓa, mazza may dəf məsɓan ɓa: mipsini yi pak ammba vani.

Yeremiya 2:21

Intə nəmpuk va megezlembirke məwelin, va wəlaŋga an moggon diyɗa. Mbarmbar kəkkpaŋ va megezlembirke an ɗar di?

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 30:11

In tat də is vi kawkõhguko Yawe aɗiymani; pay nədawki əza aket dəlveŋge en nətraygukum adak pak na, istə kaka' məs nəzok na ɓa. Wanəzga suk va an dəslə nuluk na va ɗəf məs də mezlibezlibe na man ɓa!

Yeremiya 39:8

Mə Kaldiyeɗ aɗi sənənək offo sən gəla na məlyã gəm sit gəleɗe net ɗiyi; yas aɓzluwən zlava naka walaŋgəla na Yerusalem.

Yeremiya 4:27

Vi vaŋki Yawe anahə: Dələv dəwən nan pak wakkpaŋ va kapta ya nəzan na kakãh ɓa.

Yeremiya 46:28

Is Yakob, gawla nawa, kəgeslne ɓa; Yawe aɗiymani, vi in tat də isi. Vi wanəggrek ɗiy-ɗar məs nəɓɓahuk adak pakə, nok hara na, nəzok na ɓa, ya wanəzga suk də ətawwəna. Wanəɗiyuk ka ɗəf də mezlibezlibe na man ɓa!»

Yeremiya 5:11

Ɗiy na Israyel va en na Yuda azəmənək kiwa, Yawe aɗiymani.

Yeremiya 5:18

Aka pay as daydayə, Yawe aɗiyman na, nəzokum na kaka' ɓa.

Yeremiya 5:9

Nəhãy na aka wən net zəgeɗis ɓa sa? Yawe aɗiymani, gəm nəmpəl na kiya aket ɗiy məɗɗaŋ zev as ɓa sa?

Ezekiyel 12:16

Wanəpəl ɗiy siɗikke məs dəkõhoŋ səret səma masalam, səma mayã gəm səma gəbaymərma, vi dəbotetingin zəgeɗ daryawɗe net pak aret ɗiy-ɗar a təki adoddoŋ adaka; vasna wasənnən na, intə Yawe.»

Ezekiyel 14:17

Awaniɓa, an nəkiyək masalam aka dəlvəska, an nənahək na masalam dətoŋ addəv dəlva, wanəbey ɗiy dit zəgeɗ memeyẽɗ səkani.

Hose'a 1:9

Yaŋ amna: «Alvan na Lo-Ammi, va wənəh na: ɗiy nawəŋ ɓa, vi ɗiy naw kənanən ɓa, naw pak nəsaw na sukum ɓa.»

Amos 9:8

Awle, hara Yawe Maŋgəlva tay aka dələv net milyeŋge en dəraygənəni. «Wanəzan səka dəlvafuŋgu, də as pak na, nəzan na gəla na Yakob ɓa, Yawe aɗiymani.

Matiye 22:7

Gədəv məlĩ adəka, aslənik məzəlpaŋ nani azet məbayaŋ gəbay neki, azla walaŋgəla-metiŋ neti.