Yeremiya 49:7 - Bible en Guidar

⁷ Aka wən na Edom. Vaŋ Yawe Məzuɓappak anahə: Məsmaɗɗula tay aret mə Temanɗe əmpa ɓa sa? Əsən azək səweleŋgit məs kiyit sa? Maɗɗulet arayək sa?

Yeremiya 49:7 ပူးပေါင်းရင်းမြစ်များ

Va'Atəŋ 25:30

yaŋ Esaw anah sən Yakob na: «Kamə appaw nəhoɓ mige pepreŋɗeŋ ɗa, vi nəyək diyɗa sawɓa.» Vini miyan na Edom, va wənəh na liwliwi.

Va'Atəŋ 27:41

Esaw aɗiyək Yakob ka məzuzel nan aka wən na əzaɓ məs afən azaɓanənka. Tay ənah də makran na: «Pay na gəlabay əbba tay əgapa, wanəbay Yakob daska.»

Va'Atəŋ 32:3

Səza Yakob awle, yaŋ amna: «Dibirgidik na Maŋgəlva yi», ayak təki van na Mahanayim.

Va'Atəŋ 36:11

Kirtin Elifaz na, Teman, Omar, Sefo, Ga'etam gəm Kenaz.

Va'Atəŋ 36:15

Milyeŋge net kirtin Esaw yeŋki: kirtin Elifaz, Tiz na Esaw: məlĩ Teman, məlĩ Omar, məlĩ Sefo, gəm məlĩ Kenaz,

Va'Atəŋ 36:34

Yobab zamə, Husam, naka dələv net mə Temanɗe dəzəm məlĩ a gəlani.

Va'Atəŋ 36:8

Esaw asanək a walaŋ gərəm na Se'ir: Esaw na, ndəni Edom.

1Alabaraɗe Də Mabərkiziti 1:53

məlĩ Kenaz, məlĩ Teman, məlĩ Mibsar,

Ɗerewel na Yob 2:11

Beyneŋgiɗ Yob hoku aprəmənək tatwãh an dərah pakə. Azzoŋguk naway di pak səka dələv nani, Elifaz sə Teman, Bildad sə Suwa gəm Sofar sə Na'ama. Aslerinik met vi kaddo əhəmgən gəm kawɓəɗgəni.

Ɗerewel na Yob 4:1

Elifaz ɗəf na Teman agəmək əpel amna:

Gəlyaɗe 137:7

Aɗɗumon wən net mə Edomɗe Yawe, məzunahaŋ aka pay məwaksən Yerusalem na: «Məɓzluwa, məɓzlu hã səza gabbani!»

Isaya 21:11

Əpel aka Duma. Məyəwi daga sə Se'ir na: Məga, mbar dəfəɗ atoŋ di? Məga, mbar dəfəɗ atoŋ di?

Isaya 29:14

Vini kana, wanəzban əɗɗe sekeneɗ naggət aket sit ɗiyiŋki sekene aka sekene. Vi maɗɗula net məsmaɗɗulet dəzəgəni, əsən net məs əsən aket dəɗamgəni.

Yeremiya 12:14

Aŋki an Yawe anah aket meggeŋgiɗu mbəreyit pakə, en məzurəŋgənən zəganawzəmgəla naw məs nipsit ɗiy naw ka neti: sən Israyel. In yakəŋ əptiwit səka dələv neti, wanəptiw ɗiy na Yuda səweleŋti.

Yeremiya 18:18

Aɓɗaŋ na: Mide mətuvur səm wən aka Yeremiya, mahenziŋ azəna vi məsdəlveŋge tahəŋ ɓa ɓa, əzga' vi məsmaɗɗula tay ɓa ɓa, əpel na Maŋgəlva vi məskəleŋɗe tahəŋ ɓa ɓa. Məndam sa akani, məraygən səm iya nani, əpel nan tay mədazga sləma akan ɓa.

Yeremiya 25:21

Sit mə Edomɗe, sit mə Mo'abɗe gəm sit mə Ammonɗe.

Yeremiya 25:23

sən Dedan, Tema, Buz gəm sit məfaɗ tapasleyit pakə.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 49:20

Vi vaski məprəm an Yawe aziwgin nawgəɗ sən Edom, an aynan naɗɗa aka wən net ɗiy na Teman: Sessel, kawketi va adawketin kirtit gilewi Sessel, waraygən gazlaŋ net sən wən neti.

Yeremiya 8:9

Məsmaɗɗulet arbaŋgək wili; tahəŋ əkkereŋ sən geslne, mərmetiŋgə. Vi azeleninik əpel na Yawe, maɗɗula net mi atər sit di?

Əɓuhma 4:21

Ya anneki, asok zuk babyak babyakə, waŋ na Edom, is məs kəsok də gəla aka dələv na Us! Haran nok wade nawtaw wən akoko! Wabayuk va mbazla, wakəkgbuk zuk mekeleŋ!

Ezekiyel 32:29

Edom dit milyeŋge nani dit deyeɗe nan pakə tahəŋ adaka. Də makra net pak məɗiti aret məzəlpaŋ məbeyit də masalam, məndəkti dit ganyẽɗi gəm dit en məzəpurkoŋ a vovu.

Daniyel 11:41

Watoŋ aka dələv lelewe, wabay ɗiy diyɗa, ya dələv na Edom, Mo'ab gəm en dəmbraŋ səmmbet mə Ammonɗe na, net wakõhõŋ səvani.

Habakuk 3:3

Maŋgəlva tay əzzan sə Teman, Salala səka mossorgo metiŋ na Paran. Məlĩ nan aknəhək disiŋ, əɗi kiya nan tay əknəh dəlvafuŋ.

Əmsak aka Mahenziŋ 23:7

Kədazga sləma aka ərah əzaɓ net gəm ərəh əssa nek net ɓa, hã faɗə.