Yeremiya 49:2 - Bible en Guidar

² Vini pay yaŋ əzzani Yawe aɗiymani: anəsilgin vaŋvəl nalpa a Rabba net mə Ammonɗe. Wakkpaŋ təki ɗigitte məraygəni, offo wazim meggeŋgiɗin. Asna Israyel wamõh dələv nani səvet en dəmõhnən səvani Yawe anahə.

Yeremiya 49:2 ပူးပေါင်းရင်းမြစ်များ

2Samiyel 11:1

Dukki nan də mənziya, pay milyeŋge adawmbataŋ əlpa, Davit aslənək Yo'ab dit gewleɗ nan dəndəni, dit mə Israyelɗe baymeti. Abeyninik mə Ammonɗe, ndəɗaŋ Rabba sərŋgəslə. Davit sən kiyən asanək a Yerusalem.

Gəlyaɗe 48:11

Va iya noko Maŋgəlva, vaski əɗi kiyuk atəh dələv baymani; Vok dəzəŋ aknahək də təstəsə.

Gəlyaɗe 97:8

Siyon aprəməka, annekke; walaŋgəleɗe gugriɗ na Yuda tahəŋ əpepɗekəŋ aka ətawwən nok temtemi Yawe!

Isaya 11:14

Wazlahaŋ a ma wəlet mə Filistiɗe nammba pay na moskoyo wappohetin ɗiy nammba pay nampum matakə. Edom gəm Mo'ab wassoŋ zəga nammba veti, mə Ammonɗe wassoŋ belemɗe neti.

Isaya 17:1

Wən mətawən aka Damas. Awle Damas aŋgəɗ na aweleŋgit walaŋgəleɗe gugriɗe əmpa ɓa wasan dagərgiya net gəleɗe miɓzliwti.

Yeremiya 4:19

Gədəvwa, gədəvwa! In tat ɓalwãy-ɓalwãy sən əssa, makraw tay baɗbaɗ va dəɓohu. Makraw tay birbiri! Nəɓap na əɓətaw ɓa: Vi nəprəmək gozloro uffo gəm vaŋvəl na wəgaya.

Yeremiya 49:1

Aka wən net mə Ammonɗe na, vaŋ Yawe anahə: Zeŋvin Israyel tay ɓa sa? Məzəm gəla nan tay ɓa sa? Vimi məlĩ net mə Ammon amõh Gad may ɗiy nan assoŋ də gəla a walaŋgəleɗe gugriɗ nan di?

Ezekiyel 21:20

Vi kawzlahgən mekret ɗiyi, kawwet zəgeɗ nargisl azet a maddamba net pakə, nəvoŋgitik məs masalam aŋgroɓu. Məkkãhən na vi dəwiɗgəni, Mətakaɗan vi kaŋgroɓ ɗiyi.

Ezekiyel 21:25

Kəntargən tive nazza na masalam aka Rabba net kirtin Ammon gəm aka Yuda addəv Yerusalem mərka kini.

Amos 1:14

Wanəsɗa offo sən zlava na Rabba; dəzlegin gəleɗe nawzəm məlĩ nani, addəv vaŋvəl nawgay pay nalpa, addəv buwən də səmyã pay na barkataŋ.

Obadya 1:19

Ɗiy na Yuda wamõhnən Negev, mossorgo metiŋ na Esaw də Bagərma net mə Filistiɗe. Wamõhnən dələv na Efrayim gəm dələv na Samari. Kirtin Benyamin wamõhən Galad.

Əŋɗa 10:9

Pay sən aka dələv nokum kəddoŋ ama əgay də mosokum məzəttopokum na, kəssakaŋgən dit moheŋɗeski də uffet nawgaya, vasna kaɗɗumokumi yi aba Yawe Maŋgəlva nokum, kawkõhgukumi yi səvet mesəŋgiɗkum.

Əŋɗa 21:25

Israyel amõhik walaŋgəleɗe gugriɗ pakə; asanək a walaŋgəleɗe net mə Amorɗe beymeti, a Hesbon də təki an dədawzlan aman pakə.

Əmsak aka Mahenziŋ 13:16

kəbəletingin ɗiy na walaŋgəla-metiŋ vanəs dəbəl də masalam beymeti, kəzangən də zəga naddəvən pakə sap dit zəgeɗ memeyẽɗ nan də masalam.

Əmsak aka Mahenziŋ 3:11

Vi Og məlĩ na Basani kaka' dəpəl səmmbet mə Rafayɗe; zəga nawvoŋ nan na təbzi, anani yi adawlaŋ a Rabba, walaŋgəla net mə Ammonɗe ɓa sa? Zezek nan wagəɗ metər poɗo də mani, slosloprok nan tam gap metər sula.

Yosuwa 17:11

Aka dələv na Isakar gəm na Aser na, Manase arəhək Bet-Se'an dit walaŋgəleɗe nani, gəm ɗiy na Yible'am dit walaŋgəleɗe nani, gəm ɗiy na Dor dit walaŋgəleɗe nani, gəm ɗiy na En-Dor dit walaŋgəleɗe nani, ɗiy na Ta'anak dit walaŋgəleɗe nani, ɗiy na Megiddo dit walaŋgəleɗe nani, aɗɗaŋgək kivadələv gugriɗe hoku.

Yosuwa 17:16

Kirtin Yosef aɓɗaŋ na: «Ki mossorgo atafəm na ɓa, əmpa na, mə Kana'anɗe beymet məs dəssoŋ də gəla a təki məpəlayya nan tahəŋ dit mawteŋɗe net pilseŋge nawgay na təbza: ndəɗaŋ yes may ɗiy na Bet-Se'an dit walaŋgəleɗe məzuzlanən a meti gəm en na təki məpəlayya na Yizrel pakə.»