Yeremiya 49:1 - Bible en Guidar

¹ Aka wən net mə Ammonɗe na, vaŋ Yawe anahə: Zeŋvin Israyel tay ɓa sa? Məzəm gəla nan tay ɓa sa? Vimi məlĩ net mə Ammon amõh Gad may ɗiy nan assoŋ də gəla a walaŋgəleɗe gugriɗ nan di?

Yeremiya 49:1 ပူးပေါင်းရင်းမြစ်များ

Va'Atəŋ 19:38

Akən sawã tam bok wiyna'e, təlvan na, Ben-Ammi; afit mə Ammonɗe dəpaŋka.

2Milyeŋge 10:33

Təŋ səma Yurden, səmmba pay nampum, dələv na Galad dəwənnani, dəlveŋge na Gad, na zev Ruben də an na zev Manase. Sə Arower nakat lolohõk na Arnon hã gap Galad də Basan.

2Milyeŋge 24:2

Yawe aslin ngaɓeɗ net mə Kaldiyeɗi, net mə Aramɗe, net mə Mo'abɗe, net mə Ammonɗe, ake aka Yuda vi kawzan va əpel na Yawe anah də met məɗɗaŋ wəza nan məskəleŋɗe.

2Alabaraɗe Də Mabərkiziti 20:1

Siske na, mə Mo'abɗe dit mə Ammonɗe gəm mə Ma'onɗe azet sap azzoŋguk əgay də Yosafat.

2Alabaraɗe Də Mabərkiziti 20:23

Mə Ammonɗe dit mə Mo'abɗe asilyoŋguk əwak sit ɗiy naka mossorgo metiŋ na Se'ir, abeynin kəkahə. Səza abayən man dit ɗiy na Se'ir na, ndəɗaŋ toŋ aza əbayan ziti.

Nehemi 2:19

Adan may Sanballat mə Horon, də Tobiya mə Ammon ɗəf naka wəza gəm mə Arab adawyaŋ Gesem aprəmən na, yaŋ amasaŋ akamə; adawlaŋ azam də əzelemə, yaŋ aɓɗaŋ na: «Mə zəga miy aŋ kədaɗɗaŋgəŋ di? Aka məlĩ kədawɓoŋgoŋ sa?»

Nehemi 4:7

Yaŋ kan nəso' təki afuŋ dəɓɓa zlava appaka, nəziwgit ɗiy adak aza məlma na zit dit masalamɗe neti, tulhoŋge may bəleɗe neti.

Gəlyaɗe 83:7

Ɗiy na Edom dit mə Ismayelɗe, en na Mo'ab dit kirtət Hagar,

Gəlyaɗe 9:6

Kəheyẽtik ɗiy-ɗarə, kəzanək məs mambraya, kəvvuyonək iya nan faɗ hã sləɗə.

Yeremiya 12:14

Aŋki an Yawe anah aket meggeŋgiɗu mbəreyit pakə, en məzurəŋgənən zəganawzəmgəla naw məs nipsit ɗiy naw ka neti: sən Israyel. In yakəŋ əptiwit səka dələv neti, wanəptiw ɗiy na Yuda səweleŋti.

Yeremiya 25:21

Sit mə Edomɗe, sit mə Mo'abɗe gəm sit mə Ammonɗe.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 27:3

Asna kəslingin sən məlĩ na Edom, məlĩ na Mo'ab, məlĩ net mə Ammonɗe, məlĩ na Tir gəm məlĩ na Sidon də vet maslənɗe məs dəzzoŋ a Yerusalem aza Sedekiya məlĩ na Yuda.

Yeremiya 48:1

Vaŋ Yawe Məzuɓappak Maŋgəlva na Israyel apel aka wən na Mo'ab: Əray aka Nebo: Vi arayka! Wil ara Kiryatayim məgulni! Wil ara walaŋgəla na korgu, addəv geslne yi.

Yeremiya 49:23

Dəwəl sən Damas na, wil tay ədenin may Hamat də Arpat, vi aprəmaŋgək wən mbərayən, geslne armeke va pehe məbay gagay məs aɓap na əɓəta ɓa.

Yeremiya 49:28

Aka wən na Kedar gəm milyeŋge na Hasor məs Nabukodonozor məlĩ na Babilon adəmsiti, vaŋ Yawe anahə: Məsil məddoŋ aka Kedar! Məzet kirtin Kedem.

Yeremiya 49:7

Aka wən na Edom. Vaŋ Yawe Məzuɓappak anahə: Məsmaɗɗula tay aret mə Temanɗe əmpa ɓa sa? Əsən azək səweleŋgit məs kiyit sa? Maɗɗulet arayək sa?

Ezekiyel 21:25

Kəntargən tive nazza na masalam aka Rabba net kirtin Ammon gəm aka Yuda addəv Yerusalem mərka kini.

Ezekiyel 25:1

Əpel na Yawe ade suwək dawnəh na:

Sefanya 1:5

gəm məzəppu'oŋ aka təgbalka abet məzəlpaŋ na disiŋ, gəm məzəppu'oŋ aba Yawe ndəɗaŋ əswayaŋ də iya na maŋgəlva net Melek.

Əŋɗa 1:24

Net kirtin Gad: An məgəmi iya net məs wəzva kaklaw sula ədda abe, məs nawɓapaŋ əlpa, ɗerewel narban va awanən kiyit aza mahəlfa neti gəm aza məlma na zit

Əmsak aka Mahenziŋ 2:19

Kəgapgən dakadaka də dələv net mə Ammonɗe, kədawrəŋgit ɓa, kədawgay dənɗaŋ ɓa; vi zəga tay nədapsuk səka dələv net kirtin Ammon ɓa, vi sit kirtin Lot nəpsit ka neti.»

Əmsak aka Mahenziŋ 23:3

Tive tay sulom dətoŋgən addəv əsap net ɗiy na Yawe ɓa'a: hã gap sayit kirtin kəlaw, atoŋgoŋ na addəv əsap net ɗiy na Yawe ɓa.

Əmsak aka Mahenziŋ 23:4

Mə Ammonɗe dit mə Mo'abɗe atoŋgoŋ na addəv əsap net ɗiy na Yawe kpak ɓa; sayit kirtit ma kəlawan zlaŋ atoŋ addəv əsap net ɗiy na Yawe ɓa hã faɗə.