Yeremiya 48:26 - Bible en Guidar

²⁶ Məzlər sən mbazla adan aɓaygənək kiyzən day ki Yawe. Mo'ab Dəkəɗəŋgəl aka əpar nani dəkkpaŋgən zəga nawmas akani.

Yeremiya 48:26 ပူးပေါင်းရင်းမြစ်များ

Ɗerewel na Yob 15:25

Vi aslanək van aka Maŋgəlva, aɓoŋguk aka Məzuɓappakə.

Ɗerewel na Yob 9:4

Məs maɗɗulani, zlimrim zlimrim gboŋgboŋgu, nawa dəɓoŋ sən ɗah ndən ɗew zay di?

Gəlyaɗe 2:4

Məs dəsan a disiŋ wamasə; Yawe wamas aketi.

Gəlyaɗe 59:8

Wən tatrãh tay əgilyen sə meti, metteɓ met tay əgilgən əpel va masalam. «Ya naway naprəmən di?»

Gəlyaɗe 60:3

Aw Maŋgəlva əzga kəzgam sa? Əgoh kəgohom sa? Gədəv kədə akam sa? Akkalamə!

Gəlyaɗe 75:8

Vi Maŋgəlva yi mətawwəna: waprikgin gagdak na ɗəfa, waɓaygən an na ɗəf maɓɓani.

Əgilye 5:2

Farawən amna: «Naway Yawe hara nəprəmgən man kappet mə Israyelɗe dəmbataŋgən di? Nəsən Yawe ɓa, ya lah na, nəppet na mə Israyelɗe dəmbataŋgən ɓa.»

Əgilye 9:17

Noko, əssa nok mbərayni azet ɗiy nawa, Kəppet əmbat ɓa.

Isaya 10:15

Zlimbe waɓaygən kiyzən aka ɗəf məbəl zəga dəndən sa? Slohõ nantar wəleŋɗe wawla zən dayki ɗəf məzərman sa? Tay va tandaŋ məzuslan ɗəf məzərga zəga dəndəni! Awaniɓa va zleŋge adawslan ɗəf məzəɗɗa wəza dəndəni!

Isaya 19:14

Daya akiyək əmpəs nawza aweleŋti: Tay əzanən Eziptə addəv an adaɗɗa pakə. Va məs mbazla abay adawkəɗəŋgəl aka əpar nani.

Isaya 28:8

Kiyit tabəlɗe pak də əpari aket va pəlwa təki tay dəpəl ɓa.

Isaya 29:9

Məzgətə, məggətə, mətip harokum, məssoŋ vaska, Tahəŋ gərəŋgərəŋ, məza sən mbazla na megezlembirke ɓa, tahəŋ turok-turoku, məza zəga tay asaŋ ɓa.

Isaya 51:17

Afɗahə, afɗahə asili Yerusalem. Kəɓəsək tatwãh məs Yawe addəv ədagədəv nan aki akok hã gərakə, hã kiyuk dəwələwələ.

Isaya 63:6

Addəv ədagədəv nawa nəndepetik ɗiyi, nərbəsitik wil addəv gagay nawa, nəggbo'ik mbel net afuŋgu.

Yeremiya 48:39

Ndəni kan dəskot sa? Məɓuh mokum. Ndəni kan sa? Mo'ab akkpaŋgan doŋgbolən sit wili. Mo'ab akkpaŋ ka zəga nawmas akan gəm zəga naggət akan azet ɗiy dəkaraŋ kiyən pakə.

Yeremiya 48:42

Kawzani Mo'ab, ɗiy nan wazaŋgə vi aɓaygənək kiyzən aka Yawe.

Yeremiya 50:29

Məkkelet məsənaŋ wən na bəle, Məslin aka Babilon. Dəmpanən dibirgidik net kiyən tərwəslə adappaŋ sənən təki nadder dirɓe ɓa! Məgəɗ sən va aza wəza nani, Məgəɗ sən va agəɗə! Vi akkesik hara Yawe ana Salala na Israyel.

Yeremiya 51:39

Aka met tay sirsir aka zəga, dəpaski nəki sit əzəma. Wanəbey va əbay na mbazla, dənnekeŋgini; dəleŋgeŋgin pəwət faɗ məza adafɗahaŋ ɓa Yawe aɗiymani.

Yeremiya 51:57

Wanəbey ɗiy gugriɗ dit məs maɗɗuleɗ nani, deyeɗe na bərzləŋna-kivadələv nani, deyeɗe na kivadəlva nani gəm məzəlpaŋ məs mekret nan va əbay na mbazla. Waleŋgeŋ faɗə, afɗahaŋ na ɓa, məlĩ aɗiymani, iya nan na Yawe Məzuɓappakə.

Yeremiya 51:7

Babilon, hĩlĩw na meleŋge yi ammba va Yawe. Tay əbay dələv pak va əbay na mbazla, ɗiy asaŋgək mbazla nani vini kiyit ɗiy agrəŋgə.

Əɓuhma 1:21

Aprəm wənək əŋɗəsa: Ɗəf tay nawɓətgu ɓa. Məzuzelɗe naw pak aprəmənək əzəmsahã nawa. Annekeninək ziti vi istə kəɗɗa. Kəgapgənək pay məs kəɗi ka dəssoŋgən va ina.

Əɓuhma 3:15

Abawək dit zəgeɗ nassan makrawa azlər suwək ndərzl.

Əɓuhma 4:21

Ya anneki, asok zuk babyak babyakə, waŋ na Edom, is məs kəsok də gəla aka dələv na Us! Haran nok wade nawtaw wən akoko! Wabayuk va mbazla, wakəkgbuk zuk mekeleŋ!

Daniyel 11:36

Məlĩ wagəɗ va makran aŋgələ. Wagagdakan zəni gəm wawla zən va adayək ki zəga adawyaŋ maŋgəlva pakə. Wapel na əku aka Maŋgəlva net meŋgilveɗi, warah gagdak hã gap pay Maŋgəlva adarban ədagədəv nani, vi an aziwgin pak wagəɗə.

Daniyel 5:23

Kərgak mokrok də Daya na disiŋ, yas kigilgit hiliŋgiɗ na meleŋge səddəv gəla na Maŋgəlva. Isi, məɗɗaŋ wəza noko, gəreŋgiɗko gəm gil məɗɗaŋ wəza nok kəsaŋ mbazla dənɗaŋ. Yas kəgagdeket məŋgilveɗ na təbəz babara, na meleŋge, na təbəz pepreŋge, na təbəz titire, na wəlaŋga gəm na gərma, də aɓapaŋ na ula ɓa, əprəm ɓa, əɗɗum ɓaŋ pakə. Kəgagdakan Maŋgəlva məs əmpəs nok gəm tiveɗ nok pak assoŋ avan ɓa.

Daniyel 8:10

Təɓayək gap azet məzəlpaŋ na disiŋ; təslaŋgək mbirit səmmbet məzəlpaŋ vani gəm mbirit səmmbet ŋgirzleɗ afuŋgu yas təndepeti.

Nahum 3:11

Nok pak mbazla dəɓlan kiyuk tamə, aɗamə! Is kəpəl nawkay təki nawɗam səba məzuzele.

Habakuk 2:16

Dit wili yi kəbə day ki də gagdaka! Asə tam ɗa, kəppangən gaŋyã nok appaka: məɗawak na va dəzəŋ na Yawe watəkkpaŋ akok gəm ərba wil aka gagdak noko!

2Tesaloniki 2:4

ana məzuzele gəm məzuɓaygən ki zən aka zəga məs adawyaŋ maŋgəlva pakə, məs adawgagdakanəni, hã ndən tek ɗew addəv Gəla na Maŋgəlva, əɗi zən na Maŋgəlva yi.

Hənhən 16:19

Walaŋ gəla-metiŋ aŋgarək təɓələn hoku, walaŋgəleɗe-gugriɗ net ɗiy-ɗar azaŋka. Maŋgəlva aɗɗumonək walaŋgəla-metiŋgin Babilon, vi kapsən huloŋguk məs mbazla na ədagədəv nan adawgəbəɗ addəvta.