Yeremiya 43:4 - Bible en Guidar

⁴ Ndəni Yohanan wətən Kareya, deyeɗe net məzəlpaŋ gəm ɗiy pak dəprəmən ma Yawe nassa a Yuda ɓa.

Yeremiya 43:4 ပူးပေါင်းရင်းမြစ်များ

2Milyeŋge 25:26

Yaŋ ɗiy dəwənnet memeɗeŋge dit ɗiy gugriɗe gəm ɗiy gugriɗ net məzəlpaŋ pak ambataŋ a Eziptə, vi geslne armek sit mə Kaldiyeɗi.

2Alabaraɗe Də Mabərkiziti 25:16

Aka tay əpel sən vas naka, Amatsiya aɓsən na: «Məɗikuk ka məzəsəɓ sən məlĩ sa? Ampan moko, kəŋgəl dəbaykungən sa?» Məskəleŋ ɓatə, yaŋ amsak ənəh na: «Nəsənək na, Maŋgəlva aynanək nawzoko, vi kəɗɗa vas məza əprəm maw ɓa.»

Gəlyaɗe 37:3

Aɗi əɗɗum nok aka Yawe, agəɗ moggoni, kəsokgən aka dəlva, kəssokgən zayə;

Məsmaɗula 9:16

Ndəni nənah na, maɗɗula adayək ki makra, ya maɗɗula na məssahã məzeleni, ɗiy aprəmən əpel nan ɓa.

Yeremiya 41:16

Yas Yohanan wətən Kareya gəm deyeɗe net məzəlpaŋ nazan pak agimin madembirgit ɗiy en akiyaŋ sə Mispa səza Yismayel wətən Netaniya abay Gedaliya wətən Ahikam, gambereɗi, məzəlpaŋgə, gili, kirni gəm mətawaŋkoyom məs amilgit sə Gabawən.

Yeremiya 42:21

Dəpas vani nənah sukum, ya kəprəmnən ma Yawe Maŋgəlva nokum aka an aslənu azokum pak ɓa.

Yeremiya 42:8

Yas aya Yohanan wətən Kareya dit deyeɗe nalpa ammbani gəm ɗiy pakə, muzliya də metiŋgini.

Yeremiya 44:5

Ya dəprəmaŋ ɓa, dəpakən sləmet ka kappan əɗɗa zəga mbərayən net ɓa, ka kappan gabba əzla tursan sit meŋgilveɗ meɓɓet ɓa.