Yeremiya 42:5 - Bible en Guidar

⁵ Yas net anah sənən Yeremiya na: Kəta Yawe dəsan miziwe nam an də gegesiŋ, an məɗɗa va əpel an Yawe Maŋgəlva nok adawslən suk səm ɓa!

Yeremiya 42:5 ပူးပေါင်းရင်းမြစ်များ

Va'Atəŋ 31:50

An kəzəmgitik sahã net kirtuwa, may an kəkayək gil meɓɓet aketi, asən na, ɗəf tay də mənam ɓa dayday na, Maŋgəlva yi məziwe aka walaŋgəm də isi.»

Əgilye 20:19

Anahaŋ sənən Moyis: «Dəɗah apel səm dəvoko, nam na, waməprəmko; Maŋgəlva adawpel səm ɓa, vi mədamta ɓa!»

Əgilye 20:7

Kədawya iya na Yawe, Maŋgəlva nok vi kawa wən ɓa, vi Yawe awla na məwəwən də iya nan ka ɗəf məs man bartata ɓa.

Yeremiya 42:20

Ha'aw! Hara ɗəf kədawtipeŋgi, vi kəslənwənək aza Yawe Maŋgəlva nokum dawnəh na: Akkaman Yawe Maŋgəlva nam ammbamə, ya va Yawe Maŋgəlva nam anah pakə, anah səmə waməɗɗa vaska.

Yeremiya 43:2

yaŋ Azariya wətən Hosaya, Yohanan wətən Kareya gəm ɗiy məɓaygənən kiyit pak anahaŋ sən Yeremiya na, wən kədawa, Yawe Maŋgəlva nam dəslənuk dawnəh na kədaddoŋ a Eziptə kadasso adak ɓa ɓa.

Yeremiya 43:4

Ndəni Yohanan wətən Kareya, deyeɗe net məzəlpaŋ gəm ɗiy pak dəprəmən ma Yawe nassa a Yuda ɓa.

Yeremiya 5:2

Də adawnahaŋ dayday na: «Yawe madarani na» na uwawən na ndəɗaŋ əswayaŋgə.

Mika 1:2

Mənokum ɗiy pakə, məprəma; dələv də an dəknahuk pak agəɗ maɗɗula! Yawe Maŋgəlva miziwe narban an kəɗɗaŋ hã səddəv gəla nan salala.

Malakiya 2:14

Mənokum ənahaŋ na: vi miyi vas di? Vi Yawe asanək miziwe awalaŋguk dət guluk na gawloko, yaŋ kərbə sət wili. Məzəbbah noktə kəta, guluk na wənmiyna noktə!

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Roma 1:9

Vi Maŋgəlva yi miziwe nawa, məs nadawɗi kiyən addəv əɗɗum naw də əpel alabara nenek na Wətəni, in tat əɗɗum akokum pay pakə.

Hənhən 1:5

gəm səza Yesu Kristu, miziwe an gesiŋ, məs dəgil daabəŋ səret ɗiy mimtiti, gəm məlĩ net məlyeŋge naka dəlvafuŋ pakə. Aŋgluməka, agilgəmək səddəv mambray nam də əmta nani.

Hənhən 3:14

Aver sən maslay na gəla na Maŋgəlva na Lawdikiya: Aŋki an Amen adawpele, ndən Miziwe an təstəsə gəm an gərrakə, ndəni slalwãy zəga məs Maŋgəlva azəməɗə:

Mətawaŋwəna 11:10

Ɗiy məsɓet na Galad aɓsənən Yefte na: «Yawe dəsan məziwe a walaŋmə, an məɗɗa va əpel nokəs ɓa.»

1Samiyel 12:5

Aɓsit na: «Miziwe naw abokum na, Yawe yi gəm mesiya nan dəpaŋka, vi zəga tay kərahaŋ avaw ɓa.» Aɓɗaŋ na: «Dəsan miziwe.»

1Samiyel 20:42

Yonatan aɓsən Davit na: «Dok zayə! Adan wənmiyna də iya na Yawe tay a walaŋgəm sulagəm dawnəh na: Kəta Yawe dəsan faɗ a walaŋgu də isi gəm a waleŋgit kirtuk naddəvuk dit kirtu naddəvwa.»