Yeremiya 42:3 - Bible en Guidar

³ Yawe Maŋgəlva nok dərban səm tive an mədazba gəm zəga an mədaɗɗa.

Yeremiya 42:3 ပူးပေါင်းရင်းမြစ်များ

1Milyeŋge 8:36

nok, kəprəm sitgən sə disiŋ, kəvvuyon sitgin mambray net belemɗe noko gəm net ɗiy nok mə Israyelɗe, kərban sitgin tive moggon an adazbaŋgə, kəziygən buwən aka dələv nok məs kəpsit ɗiy nok ka neti.

Ezra 8:21

Ama məlpa na Ahawa na, nəpelik wən naɗɗa meme kawvoŋgən kiyəm aba Maŋgəlva namə, vi dəkol səmgən tive nawmbat məza zluŋgbu' zluŋgbu' ɓa, mənam dit kirtəmə, gəm zəgeɗ namə.

Gəlyaɗe 27:11

Yawe arban su tive noko, adawgu aka tive sarra viyit ɗiy məzusekeɗwəni.

Gəlyaɗe 86:11

Yawe, arban su tive noko, nədawgən va gesiŋ noko. Avay makra moggoni vi dəgeslne' səngən iya noko.

Wənməkkpaŋga 3:6

Tive an kəgəm pak, asən na tay, nan wakkpeŋget tiveɗ nok sarara.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Yeremiya 6:16

An Yawe anah yaŋka: məziw sosokko aka tive mula gəm məttok aka tive an lahəŋka. As tive an moggoni sa? Məzbani asna wakəssoŋ zayə. Yas anahaŋ na: Məzban na ɓa.

Mika 4:2

Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Əmsak aka Mahenziŋ 5:26

Agəɗək ɗah aza ɗəf dəprəmgən wəla Maŋgəlva madaran əpel addəv offo ndən ɗew madaran sa?

Əmsak aka Mahenziŋ 5:29

An sə mekreti yi agil nawgeslne' suwa gəm narma əpel na ənziya ɗayɗay pak vi moggon dəsangən viyti gəm kirtit ka faɗə!”