Yeremiya 42:2 - Bible en Guidar

² anah sənən Yeremiya məskəleŋ na: Kamə, aprəm əkkam namə, akkaman Yawe Maŋgəlva nok ammbamə, ammbet ɗiy en dəndəwəɗaŋ pakə, vi siɗikke məpəl səza va məsam gbaŋ naka va horok adawləməŋka.

Yeremiya 42:2 ပူးပေါင်းရင်းမြစ်များ

1Milyeŋge 13:6

Yaŋ məlĩ nak azlani anah sən ɗəf na Maŋgəlva amna: «Kamə azzayan makra Yawe Maŋgəlva noko, akkam ambawa, vawəŋ dəktəmgən azawa.» Ɗəf na Maŋgəlva azzayanək makra Yawe, va məlĩ nak aktəmək azani; akkpaŋgək va asan lahəŋka.

Gəlyaɗe 119:170

Kəta əɓuhma naw dəgap aboko; abitu va əpel nok anahə!

Əgilye 8:28

Də as pak na, Farawən aɓɓəlanək makrani, dəppet ɗiy dəmbataŋgən ɓa.

Əgilye 9:28

Məkkaman Yawe! Wəhãy na Maŋgəlva dit ɓeɓrezleɗiŋ məkə! Wanəppokum kəmbataŋgəni, kənziyaŋ na ɓa.»

Isaya 1:15

An mənokum tat əppar vokum vi kakkama, wanəɗup haraw vi nədawla ɓa. Kəta muwan əkkam nokum zlaŋgə, nəprəm na ɓa, vokum aknahək dit mbeli.

Isaya 1:9

Va Yawe Məzuɓappak dəpəl səm ɗiy en dəndəwəɗaŋ ɓa na, kəta məkkpaŋgək va Sodom, kəta waməgil va Gomorra.

Isaya 37:4

Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlyã, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.

Isaya 42:20

Kulaŋgək zəgeɗ diyɗa, kərmenin ɓa hara; sləmokum akolko, kəprəmaŋ ɓa hara.

Yeremiya 15:11

Yawe kənah suwək na: Sessel wanəkuk aka moggoni, sessel wanəɗɗa ka aka pay na tatwãha gəm aka pay na əzəmsahã məzuzelɗe dəkayokungəni.

Yeremiya 2:27

Tay ənah sən wəlaŋga məzaɓən na: istə afuwa! Gəm sən gərəm na: istə kəwuwa! Istə kəwəmə! Vi doŋgbolit akkpaŋgan suwən ɓa na hereti ɓa. Ya pay na tatwãh net na, ndəɗaŋ ənahaŋ na: Asil akõhgəmə!

Yeremiya 21:2

Kamə attokon səm Yawe vi məlĩ na Babilon Nabukodonozor tay əgay dəndəmə. Awsən ɓa Yawe wagəɗ səm zəga naggət akani, wamndan səzam faraɗa soko.

Yeremiya 36:7

Kuzuŋ əkkam net wagap aba Yawe, wamulyoŋ ɗəf pak səka tive nan mbərayni. Vi ədagədəv metiŋgin dit herɗe məs dərbə gala Yawe apel aka wən net ɗiyiŋki.

Yeremiya 37:20

Ya kakaŋ na aprəma daya naw məlyã, kəta əkkam naw dəgap a boko. Kəmndagaw addəv gəla na Yonatan məzuver ɓa, nədamta adak ɓa.

Yeremiya 37:3

Ndeni məlĩ Sedekiya aslən Yukal wətən Selemiya gəm Sefaniya wətən məsdələv Maseya aza məskəleŋ Yeremiya dawnəh na: Əŋga akkaman Yawe Maŋgəlva nam ambam ɗa.

Yeremiya 38:14

Məlĩ Sedekiya slən əki məskəleŋ Yeremiya azan a maddamba mohokon na gəla na Yawe. Yaŋ məlĩ aɓsən sən Yeremiya na: Nəssohõk wən taka, kədawɗaman su zəga taka dayday ɓa.

Yeremiya 40:15

Yaŋ Yohanan wətən Kareya anah sən Gedaliya mahaɗama a Mispa dawnəh na: Kamə nəmbat nəbaygən Yismayel wətən Netaniya ɗəf tay nawsənən ɓa. Vimi adabayuk ka mə Yudeɗ məs dəkkalaŋ azzok dətraygən gəm madambirgit ɗiy na Yuda dəzaŋgən di?

Yeremiya 42:20

Ha'aw! Hara ɗəf kədawtipeŋgi, vi kəslənwənək aza Yawe Maŋgəlva nokum dawnəh na: Akkaman Yawe Maŋgəlva nam ammbamə, ya va Yawe Maŋgəlva nam anah pakə, anah səmə waməɗɗa vaska.

Əɓuhma 1:1

Aw haya, mbar walaŋgəla-metiŋ vaŋ məs ɗiy addəvən hõyõ'hõyõ', asan tuɓollo di! Ndən ula na va gagəbaya. Ndən məs dəsan daya lahəŋ a walaŋgit dilveŋge gəm a walaŋgit kivet dilveŋge, yaŋ akkpaŋ balamə.

Ezekiyel 12:16

Wanəpəl ɗiy siɗikke məs dəkõhoŋ səret səma masalam, səma mayã gəm səma gəbaymərma, vi dəbotetingin zəgeɗ daryawɗe net pak aret ɗiy-ɗar a təki adoddoŋ adaka; vasna wasənnən na, intə Yawe.»

Hose'a 8:10

Də əvəl na makaryam adapsitin dəlveŋge dayday na, kakaŋ wanəkkeleti, abe siɗikke wakkereŋ sən əslan gagdak na məlĩ net deyeɗe.

Məsdəlveŋge 26:22

Wanəslin zəgeɗ memeyẽɗ nawra akokum, wampirnin kirtukum, wazetin zəgeɗ memeyẽɗ nokum, wakkpaŋgokumən ŋgbəra'ə, hã kpaŋgit tiveɗ nokum hələw hələwə.

Amos 7:2

Səza zaray azəm geslembeɗ naka dələv beymeti, yaŋ nəmna: «Kamə, Yawe Maŋgəlva, avvuyon mambraya. Vas ɓa na mbar Yakob adawɓəsən di? Vi məddakni.»

Matiye 24:22

Va Məduduɗukon pay nan ɓa ɗəf tay nawkõh kəta ɓa. Ya aka wən net ɗiy məwelti, kawduduɗukoni pay nan vanəska.

Wəza net Masləŋɗe 8:24

Yaŋ Simoŋ azlani, amna: məkkaman Daya viwa, vi məs kənahaŋ adaɗɗa azaw vas ɓa.

Əmsak aka Mahenziŋ 28:62

Ɗiy ŋgbəra' dədappaŋ səmmbokum, mənokum məhõyõ' hõyõ' va ngərzleɗ na disiŋ neki, vi kəprəmən ma Yawe Maŋgəlva nokum ɓa.

Əmsak aka Mahenziŋ 28:63

Vaski Yawe anneken zən nawgəɗ sukum moggon də uwokum hõyõ' hõyõ'u, vaski ye'e Yawe agəm wən nawzokum kakãhə, karɓahokumi səka dələv an kədawtoŋgoŋ addəvən kawmõhən ka nokuməŋka.

Əmsak aka Mahenziŋ 4:27

Yawe, watəraygukum a waleŋgit ɗiy, wakəssoŋ ŋgbəra a weleŋgit ɗiy-ɗarə, a təki Yawe nokum adawkukum.

Yakob 5:16

Vi vaski mərban mambray nokum awalaŋ zukum aba Maŋgəlva, viyit ɗiy nokum, vi kəmbəlaŋgəni, wəkkam na ɗəf təstəs tay də gbogboŋ naɗɗa zəga metiŋgini.

1Samiyel 12:19

Ɗiy pak anahaŋ sənən Samiyel na: «Akkaman Yawe Maŋgəlva nok ammbet belemɗe noko, vi mədamta ɓa, vi də wəssõh məlĩ namə məzleɓək mambray aket mambrayɗe nam pakə.»

1Samiyel 12:23

Kəlazaw anaw na, dədah nəgəɗgən mambray aza Yawe, nəppangən əkkam ammbokum ɓa; waniyogokum tive moggon sarra.

1Samiyel 7:8

Mə Israyelɗe aɓsənən Samiyel na: «Kəsok ɓatɓat faraɗa məza wəkkaman Yawe Maŋgəlva nam ɓa ɓa; dəkõhgəmgən səvet mə Filistiɗe.»