Yeremiya 41:5 - Bible en Guidar

⁵ Yas ɗiy kaklaw dədopoɗo azzoŋ sə Sikem, sə Silo gəm sə Samari, eŋgemet məfeɗti, lukutɗe net məŋgereti gəm zit məntarani, əvəla gəm tursan avet nawki addəv gəla na Yawe.

Yeremiya 41:5 ပူးပေါင်းရင်းမြစ်များ

Va'Atəŋ 33:18

Yakob ade zeŋleŋge a walaŋgəla-metiŋ na Sikem aka dələv na Kana'an, ya nan sə təki məpəlayya na Paddan-Aram ade yaŋ ampa gizlirke nan a mahara gəla metiŋ.

Va'Atəŋ 34:2

Sikem, wətən Hamor mə Hitti, ɗəf metiŋ naka dələv vani, awlət arməta, avoŋgət aŋgarta.

Va'Atəŋ 37:12

Milmiŋgiɗin addoŋguk a Sikem ətaɗ timeŋgiɗ dit gilew na afiti.

2Samiyel 10:4

Hanun armek ɗiy gugriɗ na wəza na Davit neki, afeɗ eŋgemet hõlyõkko hõlyõkko, ataw lukutɗe net gappa gappa aza way gebbeti, ndən mbəgit addoŋgu.

1Milyeŋge 12:1

Robo'am alək a Sikem, vi a Sikemi yi mə Israyelɗe pak akkalaŋ vi kawɗiyən aka məlyã.

1Milyeŋge 12:25

Yerobo'am arkak walaŋgəla-metiŋ na Sikem aweleŋgit gərəmeŋge na Efrayim, asan adaka. Agil sədak əmpa al arka Penuwel.

1Milyeŋge 16:24

ndən ləbəh ki gərəm na Samari səva Semer aka təbəz babar gabal sləre. Arka ki gərəm naka, alvan walaŋgəla-metiŋ arkə nak va iya na Semer, daya na ki gərəm na Samari.

1Milyeŋge 16:29

Akab, wətən Omri, ɗew məlĩ aka Israyel, aka əzva na Asa makaklaw hoku kiyən dodopoɗo, aka məlĩ a Yuda. Akab, wətən Omri, azəmək məlĩ, əzva kaklaw sula kiyən sula, aka Israyel a Samari.

2Milyeŋge 25:9

Azlak Gəla na Yawe, gəla na məlyã, gəleɗe na Yerusalem pakə, azlek gəleɗe net ɗiy gugriɗ pak də offo.

1Alabaraɗe Də Mabərkiziti 19:4

Yaŋ Hanun arme gewleɗ na Davit nek afaɗ eŋgemeti, ataw lukutɗe net səza way gebbeti, appet addoŋgu.

Gəlyaɗe 102:14

Nok wakəsili, wakula sasãh Siyon, vi pay agapək nawla sasãhni: vaski, pay agapka!

Gəlyaɗe 78:60

Azarək sə təki nassa nan na Silo, gizlirke nan məs ampə aweleŋgit ɗiyi.

Isaya 15:2

Ɗiy addoŋguk addəv gəla net meŋgilveɗi a Dibon apeŋgeŋgik addəv gəleɗe net tuyeŋge vi kawhəm adaka; Mo'ab tay əska morkoyo ammba Nebo də Madaba, kiyit məfaɗən beymet də eŋgemet pakə.

Yeremiya 16:6

Ɗiy gugriɗ dit memeɗeŋɗe wamtaŋ səka dəlvəŋka kawndikti ɓa, kawhəmi ammbet ɓa, kantarani zə ɗəfa may əɗɗa ɗuŋgul ammbet ɓa.

Yeremiya 41:4

Aka əvoŋ sula dərɓaga məbay Gedaliya, ɗəf tay dəɓəl əsənən ɓa.

Yeremiya 47:5

Slambər aɗiyək aka Gaza, Askelon mambərgən walaŋ net aɓətək gəkə. Hã gap Dəwɗe kədappan əbakan zuk di?

Yeremiya 48:37

Vi naway pak afaɗək kiyən, afiwik eŋgemeni. Antarək van pakgəni, aynaŋgək gabaga na sak a gizeti.

Yeremiya 7:12

Əŋga məddoŋ a təki naw a Silo ɗa, təki məs nəɗi iya naw adak daabəŋ, mula an nəgəɗ dəndən aka wən na daraw net ɗiy naw mə Israyelɗe.

Yeremiya 7:14

Wanəgəɗ sən gəla məs iya naw adawya akani, məs kəɗiyən əɗɗum nokum akanəŋka, təki məs nəpsukum gəm sit efiŋgiɗkumuŋ va nəgəɗ sən Silo.

Yo'el 2:13

Məŋgaran mokrokum məza lukutɗe nokum ɓa, məmndoŋ aza Yawe Maŋgəlva nokum: vi məgəɗ mbəlembəle yi, muwəl sasãhĩ, awdagədəv go' ɓa, məgəɗ moggoni diyɗa. Appanək wən naɗɗa mbərayən sən ɗəfa.

Əmsak aka Mahenziŋ 14:1

Kirtin Yawe Maŋgəlva nokum kənanaŋgə. Kədantarnən zukum ɓa, kədawfaɗnən ɗugul aka kiykum ammba gəlabay ɓa.

Yosuwa 18:1

Səza abayən ma əzəm dələv na, sap net mə Israyelɗe beymet akkalaŋgək a Silo, ampanən gizlirke nalma də Maŋgəlva adaka.

Yosuwa 24:32

Sleŋsleŋɗe na Yosef məs mə Israyelɗe akiyaŋ avet sə Eziptə na, məndikti a Sikem aka təki na guli məs Yakob albah suley səkat səvet kirtin Hamor afən Sikem naka; assoŋguk addəv dələv net kirtin Yosef.

Mətawaŋwəna 18:31

Aɗiyənək zəgakamaŋgəlva na Mika məs azaɓ nak ka neti, va gəla na Maŋgəlva azəv a Silo pakəŋka.

Mətawaŋwəna 9:1

Abimelek wət Yerub-Ba'al, ambatək a Sikem, vi kawpel sit gimsiŋgiɗin na met bide, may sən məlma na afət man də ənəh na:

1Samiyel 1:7

Vas adaɗɗa aza əzva pakə, pay Anna tədaddat addəv gəla na Yawe pakə, Peninna ərma mama azata, ndət əhəma, may tawzəm ɓa.