Yeremiya 4:8 - Bible en Guidar

⁸ Vi askəska, məgul lukut na gəlabaya, məhəmə, mənɗəsə, vi offo nawdagədəv na Yawe dəffet səkam ɓa.

Yeremiya 4:8 ပူးပေါင်းရင်းမြစ်များ

Gəlyaɗe 78:49

Tay əki offo na ədagədəv nan aketi: herɗe, əfyõh na makrani, təɗək təɗəkə, aslin maslayɗe nawki əray aketi.

Isaya 10:4

An dəmmbər na, ndəni əɓe' aret məfərsəneɗi, gəm əskot aret ɗiy məbeyti. Də as pak zlaŋ na, dəppan ədagədəv nan ɓa, van tay təlla aka ərga.

Isaya 13:6

Məɓuh mokum, vi pay na Yawe go'oy yi, tay əzzan va əza metiŋgin an səza Maŋgəlva Məzuɓappakə.

Isaya 22:12

Pay dəpaska, Daya, Maŋgəlva Məzuɓappak wayukum kəhəmaŋgəni kəskaŋgən morkoyo, kəfaɗəngən kiykum gəm kəguloŋgən lukut na gəlabaya.

Isaya 32:11

Məkker kana mənokum məzulanən zukum va zəga tay dəmbər sukum ɓa, məgeslne'i, mənokum məzulanən zukum. Məppet zəgeɗ nawgul nokumu, məgbuku, minan gabaga na gəlabay addakkum.

Isaya 5:25

Vini Yawe arban ədagədəv nan aket ɗiy nani aslanək van aketi, argeke. Mossorgoɗe gugriɗ akkereŋke; mogogoy net kporu aket tiveɗi. Də as pak ədagədəv nan awɓəta ɓa'a, van tay təlla.

Isaya 9:12

Də as pak ɗiy dəmilyoŋ aza məzuvərit ɓa, dəkayanən Daya Məzuɓappak ɓa.

Isaya 9:17

Vi daraw arma offo va gedirge də tintif, məzərma offo əkan addivit wəleŋɗe ŋgərəɓə gəm kawpeŋgit enene tirliŋtirliŋ a disiŋ.

Yeremiya 25:34

Mətəŋ əɓuh mokum məzuteɗeŋɗe, məŋgəsl vaŋvəla, Məputkul afuŋ mənokum migil gazlaŋɗe, vi pay nokum agapək nawtaw wəlokum! Wakəskotoŋ kawtəray daɗaɗ va məsteɓe na sləma.

Yeremiya 30:24

Makra Yawe tay turõh turõh aɓət na ɓa, hã an aɗɗaka, hã an aknahanək an aɗɗum a makran naɗɗa. Wakəprəmən gabban laha.

Yeremiya 48:20

Wili tay ədanən Mo'ab vi geslne armaka, mənɗəsə, məŋgəsl vaŋvəla; məprəman a Arnon na məzani Mo'ab.

Yeremiya 6:26

Ɗiy nawa, mugul lukut na gəlabay azokum məpətukul aka moŋglo va əska morkoyo ammba wiyin karmalay dəmtə, muɓuh mokum ɓəluwɓəluwə, vi məzuraygən təki wade akam girziki.

Əɓuhma 1:12

Mənokum mətoŋgoŋ tivetive pakəŋ na, zev aŋ agəɗək ɗah azokum sa? Məzi horokum, mula: an əzəmsahã tay va nawəŋka, va an Yawe aki akaw pay adə gədəvə nanəŋka.

Ezekiyel 21:12

Pay adawnahaŋ sukun na: «Vimi kədanɗəs di na?» Kənahgən na: «Vi alabara an dədazzani, mekret ɗiy pak wazlahə; vet ɗiy wasan zamzamə; maɗɗulet ɗiy wagəɗ vẽẽhẽ; takpret ɗiy wagəɗ həyuhəyu dit iŋkile. Yaŋ tay əzzani, wagəɗə, Daya Yawe aɗiymani.»

Ezekiyel 30:2

«Wətən ɗəfa, agəɗ kəleŋ, kənahgən na: An Daya Yawe anah yaŋka: Məɓuh mokum na, aw pay nawraya!

Yo'el 1:13

Məsdəlveŋge miynan dadokkum, məɓuh mokum, məhəmə mənokum məɗɗaŋ wəza a matuya. Mide məvoŋ dit sakɗe azokum, ɗiy gugriɗ na wəza na Maŋgəlva nawa: vi awkiyaŋ əvəl də mbazla nawpesl addəv Gəla na Maŋgəlva nokum əmpa ɓa.

Amos 8:10

Wanəkkpeŋget wəzləreɗ nokum ka gəlabayɗe gəlyeŋɗe nokum tam ka wəhəma. Ɗiy pak waynaŋ gomboɗok ama gizeti, kiyit ɗiy baymet wasan məfaɗən, wanəɗi va pay əmta na karmalay. As pak wagrak wəsɓəta mbərayən diyɗa.

Mika 1:16

Məfiw kiykum, məfaɗ kiykum, aka betemit kirtukum məs kəŋglaŋgə, məfaɗ kiykum dəsangən vorzloho va na mogdoku, vi tay əsimgitin ɓa' səzoko.

Əŋɗa 25:4

Yawe aɓsən Moyis na: «Arme ɗiy gugriɗe na weleŋgit ɗiy beymeti, alew aba Yawe heret sek aka paya; vi herɗe na Yawe dəffeteŋgən səka Israyel.»