Yeremiya 4:7 - Bible en Guidar

⁷ Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 4:7 ပူးပေါင်းရင်းမြစ်များ

2Milyeŋge 24:1

Gala pay nani, Nabukodonozor, məlĩ na Babilon, asilik əgaya; Yoyakim asanək ammba van gap wəzva hoku, ndən həmndak ɓoŋ akani.

2Milyeŋge 25:1

Addəv əzva mavaytakan na əzəm məlĩ nan də əvoŋ kəlaw na təla makəlawani, Nabukodonozor məlĩ na Babilon zəknan pay dit məzəlpaŋ aka Yerusalem, aziw abani; akkpotoŋ dələv kiyən tərwəslə.

Isaya 1:7

Dələv nokum tay addəv tatwãha, walaŋgəleɗe nokum məzletiŋgə. Məzuzelkumən tahəŋ əraygənən dələv nokum a ma horokum; əzəmsahã yi va kəɓəs na məzuzel dugulo.

Isaya 5:9

Nəprəmək Yawe Məzuɓappak na, gegesiŋ gəleɗe diyɗa wassoŋ miɓzluti, gəleɗe gugriɗe gəm təki lalawɗe nassa wassoŋ məza ɗəf ɓa.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Yeremiya 2:15

Bigawleɗ net ɓooliɗ tay əbayaŋ sənən gagay. Tay əbayaŋ gagay zit soksoku. Araygənək dələv nan kuɗupu. Məzleti walaŋgəleɗe gugriɗ nani, ɗiy tahəŋ addivit ɓa.

Yeremiya 22:6

Vi an Yawe anah aka gəla na məlĩ na Yuda yaŋka: Law kənan azaw va Galad va ki Liban, wanəkkpaŋgok kapta-muyã walaŋgəla-metiŋ məs ɗiy nan tahəŋ akan ɓa.

Yeremiya 22:7

Wanəhheɗet məzuzelkun akoko, ɗəf pak də zəga nani. Wabilin muguguleɗ na Liban nok en moggeti wazgetin akoffo.

Yeremiya 25:38

Appetik ɗiy nan va wət ɓoolu dəgil sə gəlani. Vi dələv net akkpaŋgək məraygən aba vakvak na məzimgit sahã, gəm aba vakvak na ədagədəv nani.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 26:9

Vimi kəgəɗ kəleŋ də iya na Yawe dawnəh na, gəlaŋ wasan va təki nakkaman Maŋgəlva na Silo gəm walaŋgəla-metiŋgin warayə ɗəf tay nassan addəvən ɓaŋ di? Ndəni ɗiy pak akkalaŋ aka Yeremiya addəv gəla na Yawe.

Yeremiya 27:8

An ɗiyi awaniɓa milyeŋge dəɗɗaŋ wəza sən Nabukodonozor məlĩ na Babilon ɓa, dəppanən wəlet ammba zuk na məlĩ na Babilon ɓa na, asna wanəsil aket ɗiyis də masalam, mayã gəm gbəgba mərma Yawe aɗiymani, hã gap in kakah əzet də vani.

Yeremiya 33:10

Vaŋki Yawe anahə: «A təkiyəŋ məs kədawnəhaŋ na: Aŋkəlka, ɗiy tahəŋ ɓa, zəgeɗ memeyẽɗ tahəŋ addivit walaŋgəleɗe gugriɗ na Yuda ɓa may tiveɗ na Yerusalem seŋseŋgəŋ məza ɗiy ɓa, ɗiy tahəŋ də gəla ɓa zəgeɗ memeyẽɗ tahəŋ ɓa əŋka, kaprəmi əmpa:

Yeremiya 34:22

wanəɗi sit wən nani, wanəki aka walaŋgəla-metiŋginiŋka, wagayan dəndəni, wamõhuni gəm waɗisənən offo, wanəkkpaŋget walaŋgəleɗe gugriɗ na Yuda va kapta məs ɗəf awsan adak ɓa Yawe aɗiymani.

Yeremiya 4:29

Sən ɓaɓəlmet mawteŋɗe net pəlsəŋge gəm ɓaɓəlmet məhõnən bəle! Ɗiy na walaŋgəla-metiŋ pak anzoŋko. Ɗiy ətoŋgoŋ addivit geslembeɗi, əpeŋgeŋ aggərma. Walaŋgəla-metiŋ seŋseŋ, ɗəf tay dəpəl təttaka addəvən ɓa.

Yeremiya 44:2

Vaŋ Yawe Məzuɓappak Maŋgəlva na Israyel anahə: Nokum kulanənək tatwãh nəki aka Yerusalem gəm aket walaŋgəleɗe na Yuda pakə, yeŋ pay dəpaŋ kiməskiya, ɗəf tay addivit ɓa.

Yeremiya 46:18

Madaraw nani, məlĩ aɗiymani iya nan na Yawe Məzuɓappak: Va mossorgo Tabor aweleŋgit mossorgoɗe, gəm va mossorgo Karmel aka pehe, tay əzzani.

Yeremiya 49:19

In yakəŋ va ɓoolu məzugilyen səddəv kevile kpiŋ na Yurden əmbat də təki nawtaɗ ɗayɗayə. Vi in tat əgəm zuwa, in tat ərɓahan ɓa' sədaka. Naway məwelin nawɗi adak di? Naway va in nawnah su an naɗɗa ɓa di? Məlĩ mawani as van nawziw abaw di?

Yeremiya 5:6

Vini ɓoolu siddivit wəleŋɗe asil aket op, kəramuyã sura aboŋgeti. Balgam adasivu walaŋgəleɗe gugriɗ neti kawbakani ɗəf an dəgil səddəvən pakə, vi əɓoŋ net diyɗa yi, əppan Maŋgəlva net anzlərka.

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Yeremiya 50:44

In yakəŋ va ɓoolu məzugilyen səddəv kevile kpiŋ na Yurden əmbat də təki nawtaɗ ɗayɗayə. Vi in tat əgəm zuwa, in tat ərɓahan ɓa' sədaka. Naway məwelin nawɗi adak di? Naway va in nawnah su an naɗɗa di? Məlĩ mawani as van nawziw abaw di?

Yeremiya 8:16

Hã sə Dan mədaprəm əhəm net pilseŋge na məzuzel namə. Sən ɓaɓəlma əhəm net pilseŋge dələv tay əɓla. Azzoŋko, azanənək dələv də an naddəvən pakə. Gəm walaŋgəla-metiŋ dit ɗiy nan pakə.

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Ezekiyel 12:20

Walaŋgəleɗe gugriɗ məs ɗiy addəvit wassoŋ kiyməskiya, kawraygəni dəlva. Wakəsənnən na intə Yawe.»

Ezekiyel 21:31

Vaŋ Daya Yawe anahə: Dətornən mətərkiya na məlyã, dəpoŋnən kulpupu na məlyã; zəgeɗ assoŋ na va lahəŋ ɓa; kawsilgəni an məvoŋgəni, kawvoŋgəni an məsilgəni!

Ezekiyel 32:2

Wətən ɗəfa, agəm wəla gəlya na gəbay aka Farawən məlĩ na Eziptə, kənah səngən na: Məsluki va gawla ɓoolu naret ɗiy-ɗarə, kəsokuk va eŋzle addivit peheɗi, is tat əpislkiw məlpeŋge noko, is tat ətovoret iŋkile də tulko, is tat ədduɓet məlpeŋge.

Daniyel 5:19

Vi mẽmẽtiŋ məs apsəni, vandayɗe pakə, dəlveŋge gəm ma awandi pak tahəŋ əkker sən geslne' səni: tay əbay ɗəf va aŋgələ, tay əppan ɗəf madaran va aŋgələ; tay əɓaygən ɗəf an aŋgələ gəm əprikgin ɗəf sə təki məs asan va aŋgələ.

Daniyel 7:4

An maddaabəŋ tay va Ɓoolu, tay də persleken na Gazla. Nulak daptiwnin perslekeni; zəga nak asilik səfuŋ aka tələn ziw va ɗəf adawziwe, yas məpsən makra na ɗəfa.

Məsdəlveŋge 26:31

Wanəkkpaŋget walaŋgəleɗe nokum kiməskiya, wanəpzlu gəla nakkam nokum; məŋgən tursan nenek nokum affok na nek akaw ɓa;

Məsdəlveŋge 26:33

Wanətrayokum aret ɗiy nammba dəlva, wanəptu masalam akokum; dələv nokum wakkpaŋ muyã ɗarə gəm walaŋgəleɗe nokum kiməskiɗe.