Yeremiya 4:4 - Bible en Guidar

⁴ Məssoŋ məskəlkum awra vi Yawe. Məzargən gayã na mokrokum, ɗiy na Yuda dit en na Yerusalem. Vi ədagədəv naw adawgilyen va offo nzilimnzilimi, məza ɗəf namtan tay ɓa, sən zəga naɗɗa nokum na daraw.

Yeremiya 4:4 ပူးပေါင်းရင်းမြစ်များ

2Alabaraɗe Də Mabərkiziti 34:25

Adan azgawənka, azlaŋ tursan sit meŋgilveɗ məɓɓet vi kawdan su gədəvu də zəga naɗɗa netəŋ na, wanəke herɗe naw aka təkiyəŋka, affeteŋ na ɓa.

Isaya 10:17

Əkeɗeɗe na Israyel, wakkpaŋ offo; Maŋgəlva salala wakkpaŋ hərzləm offo wazle gəm waterne tintifɗe dit degirgeɗ nan, aka pay taka,

Isaya 30:33

Məkkpuɓtiŋ motoffoɗe dafsən a təki net ammba məlĩ vani məzaɓani, kpumi, sloproki diyɗa offo dit wəleŋɗe tahəŋ diyɗa əmpəs na Yawe tay va lolohõ na busuk məzuzla addəvən. Ndəni əmpəs na Yawe adawɗi offo, va offo məzuziya.

Isaya 51:17

Afɗahə, afɗahə asili Yerusalem. Kəɓəsək tatwãh məs Yawe addəv ədagədəv nan aki akok hã gərakə, hã kiyuk dəwələwələ.

Yeremiya 15:14

Wanəkkpaŋgok balam net məzuzelɗe nok aka dələv məs kəsən ɓa, vi ədagədəv naw arəmək offo, tay vakvak akokum.

Yeremiya 21:12

Zev Davit: An Yawe anah yaŋka: Aza va addaŋ pak məgəɗ moggoni. Məmõh məs adappətaŋ səmmba va məzəppətni. Vas ɓa na ədagədəv naw wagil va offo məzuzla, məza ɗəf tay namtan ɓa, vi wəza daryaw nokum.

Yeremiya 21:5

In sən kiwa, wanəgay də mənokum də vaw gboŋgboŋ təlla gəm də ədagədəv makraw fuyõfuyõ diyɗa sit herɗe.

Yeremiya 23:19

Səmyã yaŋka: Ədagədəv na Yawe dəgili. Barkataŋ tay əgəmnən zit əgul məsdarawɗe.

Yeremiya 36:7

Kuzuŋ əkkam net wagap aba Yawe, wamulyoŋ ɗəf pak səka tive nan mbərayni. Vi ədagədəv metiŋgin dit herɗe məs dərbə gala Yawe apel aka wən net ɗiyiŋki.

Yeremiya 44:22

Yawe dəɓap əɓəs daraw na wəza mbərayən nokum məs kəɗɗaŋ ɓa, aba zəga daryaw məs kəɗɗaŋgəŋ ɓa, ndəni dələv nokum akkpaŋ kiməskiya, hoŋhoŋ də mefɗeke məza ɗəf akan ɓa va pay dəpaŋkəŋka.

Yeremiya 9:25

aka Eziptə, aka Yuda, aka Edom, aket kirtin Ammon, aka Mo'ab gəm aket məfaɗ tapasleyit na kapta-muyã baymeti. Vi ɗiy-ɗar pak geyeɗiŋgə, ɗiy na Israyel zək net kpak geyeɗiŋ a məkreti.

Əɓuhma 4:11

Ma ədagədəv nan gbeŋ Yawe eŋgbeŋge, aggbo'uk offo na ədagədəv nani. Asɗak offo a Siyon azəmək gabban məs aziw akani.

Ezekiyel 16:38

Wanətawwən akok va aket gil məkuwaŋ a gizbe gəm en məziyaŋ mbeli; wanəbayuk dit herɗe gəm kotorok nawa.

Ezekiyel 18:31

Məndol əɓoŋ nokum məs kəɓoŋgoŋ pak səkokum; məkkpaŋgan mokrokum meleketeni, maɗɗula meleketeni; vimi kəŋglaŋ əmta di ɗiy na Israyel?

Ezekiyel 20:33

Va nəsaw madarawa, Daya Yawe aɗiymani: Sessel də vaw gbogboŋ təlla gəm də əggbo' herɗe naw nədawzəm məlĩ akokum.

Ezekiyel 21:17

Aŋgəsl vaŋvəla, aɓuh moko, wət ɗəfa, masalam tay əbey ɗiy nawa; tay əbey ɗiy gugriɗ na Israyel pakə. Ndəɗaŋ sur aket ɗiy naw də masalam. Sən aska, arga vok aka mettiloko.

Ezekiyel 24:13

Ərba wil tay addəv ərnok noko; vi nəbburkuko, ya ərnok nok dəbbur səzok ɓa, ya kəbbur na əmpa ɓa hã gap in mah əke herɗe naw akoko.

Ezekiyel 24:8

Vi kawsilgit herɗe nawa, kampəlkiya, in mbəgit mbel nek aka milɓe daŋdaŋ nak məza əkkpot zəga aket ɓa.

Ezekiyel 44:7

Adan kətoŋgitin melekeɗi, ɗiy məs mekret dəkkpaŋ ɓa ganyẽɗi vi dəssoŋgən addəv gəla nawa, vi dəraygənəngən gəla nawa; pay kəkinən way nawa ana səlhã dit mbeli, vasna wənmiyna naw kəŋzləwənək dit zəgeɗ daryawɗe nokuməs pakə.

Ezekiyel 6:12

Ɗəf an faraɗa də gəbaymərma adamta, an go'o tam ama masalam adaskoto, ɗəf an dədambra mərəhi əbayən ɓa, sən may adamta, wanəka herɗe naw aket hã ŋgbu'u.

Ezekiyel 8:18

Ya naw pak wanəɗɗa dit herɗe; nəwəl na sãhã ɓa, ɗəf tay nədappa ɓa; waŋzlaŋ vaŋvəl iyu də wəlet dayadaya, nəprəm sit na ɓa.»

Məsdəlveŋge 26:28

in zək naw wanəsil akokum addəv ədagədəva, wanəzgasukum təl buhul vi mambray nokum.

Məsdəlveŋge 26:41

Ndəni naw tam nərga makraw dənɗaŋ yaŋ nəke aka dələv net məzuzelɗe neti; asna pay mbərən wavoŋgənən kiɓəɓəl neti, watafən əzga' vi mambray neti.

Amos 5:6

Məkayan Yawe asna wakəssoŋ madorokum, vi adazzan va offo aka gəla na Yosef gəm kazəmən ɓa, məza ɗəf tay namtan sə Betel ɓa ɓa.

Sefanya 2:2

tak pay net herɗe adazzan adawkukum va heslesle, tak herɗe na Yawe adawsilyoŋ akokum, tak pay nawda gədəv na Yawe adazzan akokum.

Roma 2:25

Əskəlawra tay də ətərwəraya an is tat əɓe' sən mahenziŋ; ya an məggar ki mahenziŋ kənani, əskəlawra nok akkpaŋgək əskəlawray ɓa.

Əmsak aka Mahenziŋ 10:16

Məppar mokrokum pak sən Daya, kədaɓɓəlanən kiykum əmpa ɓa.

Əmsak aka Mahenziŋ 30:6

Yawe Maŋgəlva nokum wakkpaŋgan mokrok gəm an net kirtuko, vi kəŋgluwnəngən Yawe Maŋgəlva nokum də mokrokum taka, də megenegenekum, ka kəssoŋgən madarokum;

Əmsak aka Mahenziŋ 32:22

Gədəvu adək diyɗa: hã gap a təki net ɗiy mimtiti; azlak dəlvafuŋ dit zəgeɗ nakan pakə, azlak suwer mossorgoɗe pakə.

Kolosi 2:11

Addəvni kəskəlaŋawra, əskəlawra məs məɗɗan də va ɗəf də ərəŋgən gəɓa zə ɗəfi ɓa, əskəlawra məs dəde səza Kristu yi.