Yeremiya 4:31 - Bible en Guidar

³¹ In tat əprəm wəlat ɗak va məɓay uwa, va vaŋvəl nat guluk məwə na məlviya nata. Wəlat waŋ adawyaŋ Siyongi tədampəs hoŋkor hoŋkoru də ətəl vat sulagəni: Əray akawa, in tat əmta abet məbayaŋ ɗiyi!

Yeremiya 4:31 ပူးပေါင်းရင်းမြစ်များ

Va'Atəŋ 27:46

Rebeka tənah sən Isak na: «Ənziya egge tay nek azaw ɓa aka wən net atiŋgiɗu, kirtin Hettiŋki. An Yakob wagəm waŋ səka dəlvəŋ zeŋvit eŋkiŋki, miy ətər nassa naw egge di!»

Ɗerewel na Yob 10:1

Ənziya egge ayawka, wanəppan gabba əɓuh mawa; wanəpel də makraw fiyõfiyõ.

Gəlyaɗe 120:5

Əray naw nassa a Mesek, nəsawək a weleŋgit gizlirkeɗe na Kedar.

Isaya 1:15

An mənokum tat əppar vokum vi kakkama, wanəɗup haraw vi nədawla ɓa. Kəta muwan əkkam nokum zlaŋgə, nəprəm na ɓa, vokum aknahək dit mbeli.

Isaya 13:8

Arayaŋka, tatwãh də kutur kəra armeke, tahəŋ ɓalwayɓalway va guluk dawɓay uwa. Naway pak əkkpaŋ ula kəlaza ɗəf mbərən heret pəreŋ sən geslne.

Isaya 21:3

Vi vaski geslne arma magizewa, wəssa arməwək va guluk dawɓay uwa. An nədaprəm tay əɓlawa, an nədawla tay əzlbuwa.

Isaya 26:17

Va guluk dədaway go'o aza uwa, tədawsat ɓalwãy-ɓalwãy, tədawɓuh mat sən əssa vaski məsam aboko Yawe.

Isaya 42:14

Farfar nəsaw ɓatɓatə, nawpel ɓa, nərmak ki zuwa, kakaŋka, in tat ənɗəs va guluk dawa, in tat hompokhompok gəm əmpəs də tatwãha.

Isaya 6:5

Yaŋ nənah na, əray akawa! Nəzəka vi ɗəf məs man məpel daryaw nani, in tat aweleŋgit ɗiy məs met adawpel daryawə. Vi haraw awlak Yawe Məzuɓappakə.

Yeremiya 10:19

Haya iyna, məɗiysuwi vamviya! Uwwa naw anzaɗna ɓa. Naw nəmna: Aski əzəmsãhã naw kaka' wanəɓəs kəta.

Yeremiya 13:21

Mə kədawnah pay adawgayaŋ də is di? Kəsərəkgitik də bayna nok ka kiyko, Kəttəman na tatwãh va guluk məɓay uwa ɓa sa?

Yeremiya 14:18

An nigilik awra, ɗiy mimtit sən əgay nədawla. An nətoŋguk a walaŋgəla-metiŋgini, ɗiy məzəmtaŋ sən may nədawla. Vi məskəleŋɗe gəm məsdəlveŋge dayday abbalanənək dəlva: dərəhnən gabban ɓa.

Yeremiya 15:18

Vimi əzəmsahã naw asan faɗ di? Gəm uwwa naw məs anzaɗ ɓa aɓoŋ danzaɗ di? Is tat azaw va lolohõ məs dədakkpa' aziwgit iŋkile ɓa!

Yeremiya 18:21

Vini kana appet kirtit addəv mayã, appet ama masalam. Kirtit gil net dəmtaŋgə, zilŋgiɗit dəmtaŋgə, Dəbeyin gewleɗ net də masalam addəv əgaya.

Yeremiya 22:23

Is məs kəsok də gəla a mossogo na Liban məs gəla nok aket muguguleɗ, wakənɗəsə an zəga nassa arəhkuko hara, wakəsok ɓalwãy-ɓalwãy va guluk məɓay uwa.

Yeremiya 30:6

Məssõh ɗa, mula an ɗəf məzilin awa. Ya vimi nədawla ɗəf mizilin pak də van a gizen va akən məɓay uwa di? Heret pak pokpok bar?

Yeremiya 45:2

Aŋki an Yawe Maŋgəlva na Israyel anah aka wən noko, Baruk.

Yeremiya 48:41

Məzəmni Keriyot, Mesadot mətakni. Asna, pay nani, məzəlpaŋ məs mekret na Mo'ab wassoŋ va guluk məɓay uwwa.

Yeremiya 49:22

Yaŋ va mogdok adawveŋ adabbal persleken pəparra aka Bosra. Pay nani məs mekret na Edom məkret wazlah va makrat guluk adawzla də uwa.

Yeremiya 49:24

Damas addakka aktuhuk dəɓan vi kanzani, gəslne armaka, əzəmsahã də tatwãh arəhək va guluk məɓay uwa.

Yeremiya 50:43

Məlĩ na Babilon aprəmək wən neti, abayək zəni, tatwãh arəhəka akker va guluk məɓay uwwa.

Yeremiya 6:2

Nəzanək Siyon walaŋgəla moggon lalawa!

Əɓuhma 1:17

Siyon van təlla samə, ɗəf tay nawɓətgən ɓa. Yawe aslənək əttapan Yakob. Məzuzel nan tahəŋ kiyən suləkə. Yerusalem akkpaŋgək dagərgiya aweleŋti.

Əɓuhma 1:20

Awla, Yawe, va nəsaw addəv əzəmsahã, makraw tay hoɗhoɗ aka wən nani. Makraw arayka! Vi nəkgbakək ma! Sə kəlappaka, masalam azetik kirni. Eŋgili, va ana əmtada.

Əɓuhma 2:21

Kirin dit mezzeɗ tahəŋ ɓelohɓəloh afuŋ aka tive. Gorɗeŋge dit gewleɗ tahəŋ firikfirik afuŋ məbeyit də masalam. Aka pay ədagədəv nok kəbeye, kətaw wəlet məza ulasahã ɓa.

Hose'a 13:13

Əssa na daway wade akani; vi wiyən məza maɗɗula ɓa yi: Pay nan agapka, ya azzan ama təki nawgilye ɓa.

Mika 4:10

Ahəm sən tatwãha va guluk məɓay uwa Siyon! Vi kakaŋ na wakəgil sə walaŋgəla-metiŋ kadda əsok awra gəm kawmbat hã a Babilon. Adaka kawkõhguki, Yawe wabituk səmmba vet məzuzelɗe noko.

Mika 4:9

Vimi kədanzlaŋ vaŋvəl kakaŋ di ɗiy na Yerusalem? Məlĩ nokum tay ɓa sa? Məzəsəɓ sukum amtək sa? Vimi kəssoŋ ɓalwãy-ɓalwãy sən əssa va guluk məɓay uwa di?

Mika 7:1

Aw haya! Vi in tat va ɗəf məkkal zəga na mabardaw də mawala va məhor uwa net wəleŋɗe ya mokkoy tay nawɓuh nawzəm ɓa, muduvurziyo na sokoyo məs maw asan akan zlaŋ tay ɓa.

Matiye 21:5

Mənah sət waŋ na Siyon. Məlĩ nok yaŋ əzzan anokda awkaɓ ɓa, tay ka'a akat korku gəm akat wətət korku.

1Korintus 9:16

Vi ərban Alabara Nenek na əkaɓi azaw ɓa, zəga an də wərayi məɗi suw vavyak nani; ərayi azawa an in tat ərban Alabara Nenek ɓa.

1Tesaloniki 5:3

Pay adawnahaŋ na: Addəv zay mənani gəm fendeŋ mənani, əza wade aket mədəgirzike va daway ada waksət gulku, sessel akohoŋ na ɓa.