Yeremiya 4:28 - Bible en Guidar

²⁸ Vini dələv asan addəv əhəm na gəlabaya, guzli agəɗək a disiŋ. Vi nəpelke, nəɗɗumko, nəddəɗan na maw ɓa, nəmndaw na akan ɓa.

Yeremiya 4:28 ပူးပေါင်းရင်းမြစ်များ

Isaya 24:4

Dələv tay addəv əska morkoyo, tay əddak telle. Ənziya egge akəlka, tay əddak telle. Ɗiy tektek net ɗiy naka dəlvafuŋ tay əddakaŋgə.

Isaya 34:4

Zəgeɗ na disiŋ waŋgənaŋ pakə, disiŋ waktəm aka zən va ɗerewel. Ngərzleɗ wayyo'oŋ pak va gaslamba na megezlembirke awaniɓa va sokoyo adayyo'o.

Isaya 5:30

Pay dəpaska, wahẽyẽti, wasan va məlpa məknahən, paysən adəgədəva. Kawkayani dələv van kawlani, ya kawla yi, guzliyə ɗəkɗəkə; slaybuwən gbimgbimi dədawki guzli aka əkeɗeɗe'e.

Isaya 50:3

Wanəgul guzli sən disiŋ sak nəɗi ka zəga nazzəɗ aketi.

Yeremiya 12:11

Məkkpaŋgani va kapta akkpaŋgək daŋdaŋ abawa, dəlev dəwən nan arayka vi ɗəf tay dəɗi makran akan ɓa.

Yeremiya 12:4

Pay gbəŋgbar dələv adawsan addəv əhəm na gəlabaya di? Pay gbəŋgbar geslembet sura adassoŋ akawɓət di? Zəgeɗ memeyẽɗ dit biŋgeɗ pak tahəŋ əmtaŋ vi mambray net ɗiy məs dəssoŋ aka dəlvəŋka, tay ənahaŋ na: Awla na ənziya nam nabe ɓa.

Yeremiya 14:2

Ɗiy na Yuda tahəŋ addəv gəlabaya, walaŋgəleɗe gugriɗ nan tahəŋ əɓzlaŋgə, assoŋguk afuŋ tirif na sahã. Vaŋvəl na Yerusalem asilik a disiŋ.

Yeremiya 23:10

Dələv aknahək dit ɗiy məkuwaŋ a gizbe. Vaski dələv tay addəv əhəm aka wən na mefɗeke; təki nawtaɗ a kapta-muyã akəlka, əɗɗum net aka əɗɗa mambrayi gurom net dəslə aza an naɗɗa ɓa.

Yeremiya 23:20

Ədagədəv na Yawe aɓət na ɓa gap ndən gərak əkgrak əɗɗa an na makrani. Addəvit əvoŋɗe en nabe na wakəɗɗumon akan də maɗɗula.

Yeremiya 30:24

Makra Yawe tay turõh turõh aɓət na ɓa, hã an aɗɗaka, hã an aknahanək an aɗɗum a makran naɗɗa. Wakəprəmən gabban laha.

Yeremiya 51:12

Məslan zəga narba nawgay aka zlava na Babilon. Mənzlərgit məgaɗe, məziwgit məgaɗe Məzi məsekeɗeŋ təkiya. Vi Yawe aɗɗumuk əmpa aɗɗak an məs apel aket ɗiy na Babilon əmpa.

Yeremiya 7:16

Isi Yeremiya, kədakkamaw vi ɗiyis ɓa, kədayan zuk uppu' may əkkam ɓa, kəyan zuk əkkamaw tataŋ tataŋ ɓa, vi nəprəmuk na ɓa.

Əɓuhma 2:17

Yawe aɗɗak an aɗɗum naɗɗa, aknahanək an apel wən nani, məs aynan naɗɗa far lahəŋka: abzluwək zəga pak, məza ulasahã ɓa. Annekenik zə məzuzel nok də əray noko; esɓetik məzuseɓɗe nok akoko.

Ezekiyel 24:14

In Yawe nəpeli. As pak wagəɗə, wanəɗɗa; tay nədappa ətoŋ ɓa; nəwəl na sasãh ɓa, nəɗi na marava ɓa; aza ədaw nok də əɗɗa nok adatawən wən akoko, Daya Yawe aɗiymani.»

Hose'a 13:14

Wanəkõhgit səva təki nanziya net mimtit kəta, wanəbit səma əmta kəta, ngay gəbaymərma nok di əmta. Teki net mimtiti, ngay wəɓap nok nawbay di? Ula sahã wazə sə ma harawa.

Hose'a 4:3

Vini yi, dələv van adawhəm na gəlabaya, ɗiy nakan waddakaŋ pak sap dit zəgeɗ nawra, dit biŋgeɗ na disiŋ; may kilfeŋge na pehe dayday wahhiyaŋgə.

Yo'el 1:10

Gulyeŋge arayaŋka, dələv tay a gəlabaya. Haykəmari arayka, mbazla na meketeke təɗek dayday tay ɓa, mẽl akkpa'ka.

Zakarya 8:14

Vi vaski Yawe Məzuɓappak apeli: «Va nərma wən nawgəɗ sukum mbərayən vi efiŋgiɗkum adansuwən gədəvwa, Yawe Məzuɓappak aɗiymani, nəddəɗan wən naw ɓa.

Əŋɗa 23:19

Maŋgəlva ɗəfi ka ndən kawa wən ɓa, wətən Adam ka ndən kakkpaŋgan man ɓa, waynə wən məza əziw akan ɓa sa? Wapel məza kaɗɗan ɓa sa?

Matiye 27:45

Aka pay ziwi guzli titir agəɗək aka dələv pak hã gap ler hoku na moskoyo.

Markus 15:33

Aka pay ziwi, guzli titir agəɗək aka dələv pak hã gap təbəz hoku na moskoyo.

Luka 23:44

Dəpas wagəɗ tətaŋpay səka, guzli titir agəɗə aka dələv də wən nan hã gap təbəz hoku na moskoyo.

Efesus 1:11

Addəvni yi'e məweləm ka məzəmgəngəla, məwelmi dafsən va aza əŋgla na məzəɗɗa wəza də zəga pak va aza aŋgla nani.

Efesus 1:9

Arban səmək wən məɗama na əŋgla nan, va aza əɗɗum naɗɗa moggon məs aziwgin addəvni,

Ibriɗe 7:21

Ya Maŋgəlva aɗiyək Yesu aka wəza na məsdələv nan də əswaya, yaŋ amna: Daya aswayka, akkpaŋgan na əɗɗum nan ɓa. Məsdələv naw kənan hã faɗə.

Hənhən 6:12

Yaŋ nəzi harawa: Aka ahok tampoŋ masləreni, dəlvafuŋ aɓələk diyɗa sawɓa. Pay kpaŋ titir va gabaga titire, təla dəwənnan kpaŋ va mbeli.

1Samiyel 15:29

Əmpa na: «Məzuwwiɗ na Israyeləŋ awa wən ɓa, aɗi marava ɓa, vi ɗəfi yi dəɗigən marava ɓa.»