Yeremiya 4:2 - Bible en Guidar

² an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Yeremiya 4:2 ပူးပေါင်းရင်းမြစ်များ

Va'Atəŋ 22:18

də mazlalwõk nədaɗɗa əzaɓ aket ɗiy naka dələv gboŋgu, vi kəprəmək mawa.»

1Milyeŋge 3:6

Salomoŋ amna: «Kəgəɗ sənək moggon metiŋgin sən gawla nok Davit, əbba, vi adawək abok gesiŋ gesiŋgi, təstəsə, makran taka də isi, kərban sənək moggon nok metiŋginiŋka, kəpsənək wiyən dəsan aka mazaŋga na məlĩ nan va dəpaŋka.

Gəlyaɗe 72:17

Sləman dəgil hã faɗə, dəgilgən va paya, naway pak dəɓuh səngən ma sən ɗəf maɓɓan də iya nani, ɗiy naka dələv pak wanahaŋ na, azaɓka.

Gəlyaɗe 99:4

Gbogboŋ na məlĩ na, əŋglu zəga də tiveni. Istə kəsɓan əssa təstəsə. Istə kəɗɗa ədaw sarra də təstəs a Israyel:

Isaya 45:23

Nəswayək də ki zuwa təstəs səmaw adawgilyeni, əpel van addəɗ ɓa, ɗiy pak wakdukun takperet abawa ma pak wasway də iya nawa.

Isaya 45:25

Mə Israyelɗe pakə, wassoŋ təstəs aza Yawe wannekenin ziti.

Isaya 65:16

Ɗəf naka dələv dəŋgəl əzaɓ sən kini, waɗɗa də iya na Maŋgəlva an gesiŋ məs ɗəf adawɗi əɗɗum nan akani. Ɗəf naka dələv dəŋgəl əswaya, wasway də iya na Maŋgəlva an gesiŋ məs ɗəf adawɗi əɗɗum nan akani. Kazgəti ki əzəmsãha an na maddaabəŋ vi waɗam faraɗa səma harawa.

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Yeremiya 12:15

Sədərɓaga an niptiwik na, wanəmsak ula sasẽhti, wanəmndegeti, ɗəf pak aka va nani, ɗəf pak aka dələv nani.

Yeremiya 12:16

An iyak ayaganən ədaw net ɗiy naw kasway də iya naw na: «Də Yawe madarani!» Va ayagan sitin ɗiy naw əsway də ba'al asna wassoŋ də gəla a waleŋgit ɗiy nawa.

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Yeremiya 3:17

Pay nan dəpaska, Yerusalem adawyaŋ na mazaŋga na məlĩ na Yawe. Ɗiy-ɗar pak wakkalaŋ vi iya na Yawe a Yerusalem, azbanən na makra ɓəɓəl net mbəraynəŋ əmpa ɓa.

Yeremiya 33:9

Wakkpaŋ azaw iya na ənnek də əɗi kiya, ka zəga na gawla azet ɗiy naka dəlvafuŋ məs dədapprəmnən moggon an nəgəɗ sitiŋ pakə. Wakkereŋgi, wassoŋ gərəŋ aka wən na moggoni gəm aka wən na zazay məs nəgəɗ sit gbaŋkəŋka.

Yeremiya 5:2

Də adawnahaŋ dayday na: «Yawe madarani na» na uwawən na ndəɗaŋ əswayaŋgə.

Yeremiya 7:5

Vi an əɗɗa moggoni na məɗɗa ka ədaw nokum də wəza nokum dəsangən moggoni, an əɗɗa təstəsi na, mətawwən təstəs a waleŋgit ɗiyi,

Yeremiya 9:24

Yawe aɗiyman na, pay wade in kawtawwən aket ɗiy en dəskəlaŋ awra na gəɓa ziti:

Hose'a 2:19

Wanəzargən iya net Ba'alɗe sə mata, kaɗɗumoni iya net əmpa ɓa.

Yo'el 2:12

Yawe aɗiyman na, təŋ səza kakaŋka, məmndoŋ məde azaw də mokrokum paparə də wəɗɗa meme, də wəhəma, də əɓuh mokum.

Zakarya 8:8

Wanəmilgiti, wassoŋ də gəla a Yerusalem. Wassoŋ ɗiy nawa, wanəsaw Maŋgəlva net də gegesiŋ gəm də təstəsə.

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

1Korintus 1:31

Vi, va məverin na: Ɗəf məzukaɓa, dəɗi əkaɓ nan addəv Daya.

2Korintus 10:17

Ya, ɗəf məzukaɓa, dəɗi əkaɓ nan addəv Daya.

Galatiyen 3:8

An məverin awlak far na, Maŋgəlva wakkpaŋget ɗiy-ɗar təstəs də ətafa. Anah sənək Alabara Nenek vanəs far sən Abraham na: Ɗiy pak warahaŋ əzaɓ ammboko.

Əmsak aka Mahenziŋ 10:20

Yawe Maŋgəlva noki yi kədawgeslne' sən də wəgəɗ sən wəza, azan kəlbay zuko, də iya nan kədaswaya.

Əmsak aka Mahenziŋ 4:30

Pay na tatwãh noko, an nəpeliŋ pak arəhkuk pay an nabe, wakəmndoŋ hã aza Yawe Maŋgəlva nokum, wakəprəmən man kana.

Əmsak aka Mahenziŋ 6:13

Yawe Maŋgəlva noki yi kədawgeslne' səni, anan kədawgəɗ sən wəza, də iya nan kədaswaya.

Filipi 3:3

Vi mənamtə migil əskəlawra, en məzuɗinən ki Maŋgəlva də Əmpəs nani gəm dəɗinən ənnek net addəv Yesu Kristu məza aka gəɓa zə ɗəf ɓa.

Ɗerewel nat Rut 3:13

Addaŋ təki kana. Də mompumo na, an wamoko, moggoni, dəmoko. Ya an man tay aka əmok ɓa, suway va Yawe asan madarani wanəmoko! Avoŋ hã gap də mompummo.»

1Samiyel 20:3

Yas Davit asway amna: «Afuk asənək lewlewi, bayna mənan də isi. Əɗɗum nan na: “Yonatan adawsən wən nan ɓa, vi waɗək diyɗa.” Gesiŋ, Yawe madarani, is zək nok modorok kənani, naw na, nisse nan ama əmta.»