Yeremiya 4:16 - Bible en Guidar

¹⁶ Mənah sit ɗiyi, məssak sən Yerusalem na: ɗiy nawguloŋ təki tay əzzoŋ səka dələv faraɗa, tahəŋ əŋzlaŋ vaŋvəl na wəgay aket walaŋgəleɗe gugriɗ na Yuda.

Yeremiya 4:16 ပူးပေါင်းရင်းမြစ်များ

Isaya 34:1

Ɗiy naket dəlveŋge məzar aŋka vi kaprəma; vanday məpak sləmokum. Dələv də an dəknah pakə waprəma gəm ənziya egge də an adawa pakə.

Isaya 39:3

Məskəleŋ Isaya ade ərəh məlĩ Hizkiya yas attokon na: «Mi ɗiy vet anahaŋ di? Səŋga azzoŋ di?» Yas Hizkiya azlan na, daga səka dələv faraɗa, sə Babilon azzoŋgu.

Yeremiya 1:15

Yawe aɗiymani, vi inyakən kawye mahəlfaɗe dit milyeŋge na kəla disiŋ pakə. Asna wazzoŋgu naway pak waɗi mazaŋga na məlĩ nan a maddamba na Yerusalem go'o. Wassoŋ ki zlava nan tərwəslə, warmaŋ mama aza Yuda.

Yeremiya 16:6

Ɗiy gugriɗ dit memeɗeŋɗe wamtaŋ səka dəlvəŋka kawndikti ɓa, kawhəmi ammbet ɓa, kantarani zə ɗəfa may əɗɗa ɗuŋgul ammbet ɓa.

Yeremiya 2:15

Bigawleɗ net ɓooliɗ tay əbayaŋ sənən gagay. Tay əbayaŋ gagay zit soksoku. Araygənək dələv nan kuɗupu. Məzleti walaŋgəleɗe gugriɗ nani, ɗiy tahəŋ addivit ɓa.

Yeremiya 31:10

Ɗiyi, məprəm əpel na Yawe, məprəman aket mətuwəraɗe en faraɗa. Mənah na: Ndən məs dətreygit mə Israyelɗe, dədakkelet gəm dədawget va məzutaɗa də gazlaŋ nani.

Yeremiya 39:1

Aka wəzva mavaytakan na Sedekiya məlĩ na Yuda aka məlyã, də təla məkəlawani, Nabukodonozor məlĩ na Babilon adek dit məzəlpaŋ nan pak a Yerusalem, asərŋgəsləni.

Yeremiya 4:17

Va məgaɗe na gulyo tahəŋ kiyən karkarə. Vi məɓoŋni akawa Yawe aɗiymani.

Yeremiya 5:15

In yakəŋ əki ɗiy-ɗar akokum sə faraɗa, ɗiy na Israyel, Yawe aɗiymani; ɗiy məs awyaŋ ɓaŋ, ɗiy na maguwa, ɗiy məs kəsən met ɓaŋ məs kaprəm an adawpeleŋ ɓaŋ.

Yeremiya 5:6

Vini ɓoolu siddivit wəleŋɗe asil aket op, kəramuyã sura aboŋgeti. Balgam adasivu walaŋgəleɗe gugriɗ neti kawbakani ɗəf an dəgil səddəvən pakə, vi əɓoŋ net diyɗa yi, əppan Maŋgəlva net anzlərka.

Yeremiya 50:2

Məpel wənəŋ a weleŋgit ɗiyi, məprəmani, məmpa gabaga narbani, məprəmani, kədawɗamanən ɓa, Mənah na: Məgulni Babilon, wil tay ədanən maŋgəlva Bel, geslne armak maŋgəlva Marduk wil tay ədetin zəgeɗkamaŋgəlva nani meŋgilveɗ nan ageslne'eŋke.

Yeremiya 6:18

Vini, məprəma ɗiy-ɗarə, məsən an nawrih ɗiy nawa.

Yeremiya 6:19

Dəlvafuŋ aprəma: Wanəki tatwãh aket ɗiy sən əɗɗum net mbəraynəŋka. Dəzgaŋ sləma aka əpel naw ɓa, azeleninik mahenziŋ nawa.

Yeremiya 6:22

Vaŋ Yawe anahə: Awle ɗiy tahəŋ əzzoŋ səka dələv na kəla disiŋ; vanday net ɗiy-ɗar gədakə tay əzzan hã sə təki dələv abaymani.

Yeremiya 6:23

Bəle də tulhõ ammba veti, məsdarawɗeŋgə, ulasahã tay azet ɓa. Ɓaɓəlmet tay va vovolumɗe na pehe. Apeŋgeŋgik aket pilseŋge, məssẽhit va ɗiy məsla zit nawgay də is waŋ na Siyon!

Yeremiya 8:19

In tat əprəm wəlat wətit ɗiy naw iya hã səka dələv faraɗa, vas na Yawe tay a Siyon ɓa sa? Məlĩ nan tay addəvən ɓa sa? Vimi adansuwən gədəvu də zəgakamaŋgəlva net gəm dit zəgeɗ ɗar na guw di?

Ezekiyel 21:22

Naw pak wanəpu' vawa, wanəki herɗe naw hã ŋgbuslu. In Yawe tə nəpeli.»