Yeremiya 4:13 - Bible en Guidar

¹³ Awla yaŋ tay əzzan va slaybuwna. Mawteɗ na pələs nan tahəŋ va barkataŋ, pilseŋge nan tahəŋ də kakara dayki gazla. Əray akamə, mərayka.

Yeremiya 4:13 ပူးပေါင်းရင်းမြစ်များ

2Samiyel 1:23

Sawlu də Yonatan aŋgluwənək ziti, addəv əssa neti, addəv əmta neti, dəgohoŋ ɓa, kakara net day ki na gazla, makra net day ki net ɓooliɗi.

Isaya 13:5

Tay əzzoŋ səka dələv faraɗa, səkki dələv abaymani, Daya yi dit məzəlpaŋ naknahanən ədagədəv nani, vi kawzan dələv pakə.

Isaya 19:1

Əpel aka Eziptə. Daya yaŋka tay əzzan a Eziptə, də kakara aka slaybuwna. Meŋgilveɗ na Eziptə tahəŋ əzbəraŋ səbani. Mekret ɗiy na Eziptə aɓohko.

Isaya 3:8

Vi Yerusalem askotko, Yuda aɓəslka. Əpel neti gəm wəza neti əɓoŋgi aba gagdak na Yawe.

Isaya 5:28

Herɗe nan mətakaɗani meti bəleɗe nan pak tahəŋ minslinti. Eperkeperke tilit pilseŋge net tay ɓəl va gərma, batam mawteɗ na pələs net va kəɓəs na vẽŋvil na buwnəŋgə.

Isaya 66:15

Vi Yawe yaŋ əzzan addəv offo, mawteŋɗe net pilseŋge nan tahəŋ va barkataŋɗe. Waki gagay na ədagədəv nani kawhãy addəv hərzlum offo.

Yeremiya 10:19

Haya iyna, məɗiysuwi vamviya! Uwwa naw anzaɗna ɓa. Naw nəmna: Aski əzəmsãhã naw kaka' wanəɓəs kəta.

Yeremiya 4:12

Səmyã məknahən dit zəgeɗis dəsil sədak əzzan dəzawa. Kakaŋ na, naw tamə wanətawwən aketi.

Yeremiya 4:31

In tat əprəm wəlat ɗak va məɓay uwa, va vaŋvəl nat guluk məwə na məlviya nata. Wəlat waŋ adawyaŋ Siyongi tədampəs hoŋkor hoŋkoru də ətəl vat sulagəni: Əray akawa, in tat əmta abet məbayaŋ ɗiyi!

Yeremiya 46:18

Madaraw nani, məlĩ aɗiymani iya nan na Yawe Məzuɓappak: Va mossorgo Tabor aweleŋgit mossorgoɗe, gəm va mossorgo Karmel aka pehe, tay əzzani.

Yeremiya 48:40

Vi vaŋki Yawe anahə: Va kəɓəs na gazla dəveŋ dəppar persleken dəka Mo'ab.

Yeremiya 49:22

Yaŋ va mogdok adawveŋ adabbal persleken pəparra aka Bosra. Pay nani məs mekret na Edom məkret wazlah va makrat guluk adawzla də uwa.

Yeremiya 6:23

Bəle də tulhõ ammba veti, məsdarawɗeŋgə, ulasahã tay azet ɓa. Ɓaɓəlmet tay va vovolumɗe na pehe. Apeŋgeŋgik aket pilseŋge, məssẽhit va ɗiy məsla zit nawgay də is waŋ na Siyon!

Yeremiya 9:19

Mənokum gili məprəm əpel na Yawe kana; məpak sləmokum ammba əpel na mani. Məyagan sit əŋɗəs sit kirtukum muguluŋgiti, nawat pak təyagan gəlya nawhəm sət meggeta.

Əɓuhma 4:19

Məzərɓahamən adayaŋgək kiyit gazlaɗe na disiŋ də kakara. Tay ərɓahamən aket mossorgoɗe. Əvoŋ səmən a kapta-muyã.

Ezekiyel 26:10

Vi rimiɗ rimiɗ net pilseŋge nani, wandəkuk də burɗuku; vi ɓaɓəlmet məzəŋkoroŋgu, tilit mawteɗ dit mawteɗ nawgaya, zlavaɗe nok wassoŋ geŋgeɗgeŋgeɗ pay adawtoŋ də maddambeɗe nok va ətoŋ a walaŋgəla-metiŋ məs zlava nan viliŋge.

Ezekiyel 38:9

Wakəsil va barkataŋ, wakəde va slaybuwən kawsərət dəlva, is də dula nok pakə, dit ɗiy diyɗa də isi.

Daniyel 11:40

An pay nagrak agapka, məlĩ na dohoŋ wargisl dəndəni, məlĩ na kəla disiŋ waderze akan dit mawteɗ nawgaya, məŋkoroŋ pilseŋge gəm bəlayɗe diyɗa. Watoŋ addivit dəlveŋge diyɗa, wagule, va məlpa adawgul təkiya, watoŋgu.

Daniyel 7:4

An maddaabəŋ tay va Ɓoolu, tay də persleken na Gazla. Nulak daptiwnin perslekeni; zəga nak asilik səfuŋ aka tələn ziw va ɗəf adawziwe, yas məpsən makra na ɗəfa.

Hose'a 8:1

Affon gozloro! Va gazla, vaski wəray adawteh aka gəla na Yawe, adan aggaraŋ ki wənmiyna nawa gəm aggaraŋ ki mahenziŋ.

Mika 2:4

Pay nan dəpas na, kawyay yi gəlya na əhəm də mənokum, kawnəhi na: Agrakka, məmohõmi səkkay, atafənək ərəh net ɗiy nawa mbarmbar atafən səvaw di? Awɗakənək guli nam sit ɗiy məɓoŋti.

Nahum 1:3

Yawe awda gədəv gu' ɓa, tay də wəɓap metiŋgini, appan na məgəɗ zəga ka məs man bartata ɓa. Tive na Yawe tay addəv buwən də səmyã gəm addəv barkataŋ; slaybuna, ndəni ologudum nammba təlni.

Habakuk 1:8

Pilseŋge nan kakara azet daykiyit de'enɗe də ənza, folfoləŋ daykiyit kirɗemuyã də moskoyo, məpeŋgeŋ pilseŋge nan tahəŋ əzlahaŋgə, məpeŋgeŋ pilseŋge nan sə faraɗa adozzoŋ dəveŋ va gazla dawgəm zən aka slu nani.

Zakarya 6:1

In həmsak le'gən harawa, in təm mawteɗ nawgay yeŋ poɗo əgilyoŋ sə weleŋgit mossorgoɗe gugriɗ sula, mossorgoɗe gugriɗ na təbəz pepreŋge.

Matiye 24:30

Zəga narba na Wətən Ɗəf wawəl a disiŋ, gebbet ɗiy naka dələv pak waɓuhnən meti, wawlanən Wətən Ɗəf ɗewwe aka va dəzəŋ na Məzuɓappak, gəm əmpa pay adazzan aka slaybuwən a disiŋ.

Əmsak aka Mahenziŋ 28:49

Yawe waslin ɗiy sə təki faraɗa akoko, sə metteɓ ma dəlva, əveŋgeŋ va gazla, ɗiy məs kaprəm ma net ɓa,

Hənhən 1:7

Awla tay əzan aka slaybuwna, ɗiy pak wawlanəni, gəm ɗiy məs dəmpanən zlaŋ wawlanəni. Ɗiy naka dəlvafuŋ pak waskaŋ morkoyo aka wən nani. Vaski wagəɗ vaska.