Yeremiya 4:10 - Bible en Guidar

¹⁰ Yas nəmnah: A', Yawe Maŋgəlva, əmakemeket ɗiyiŋki, gəm Yerusalem də wənah na, zazay wasan sukum, tak ma masalam tay ama wəlamə!

Yeremiya 4:10 ပူးပေါင်းရင်းမြစ်များ

Əgilye 5:22

Moyis alək aza Yawe, amna: «Yawe, vimi kəzəmgit sahã net ɗiyiŋ di? Ya vimi kəslənu di?

Əgilye 9:14

Vi kakaŋ na, wanəslin tatwãh akoko, aket məɗɗaŋ wəza nok gəm ɗiy noko, vi kəsəngən na, ɗəf tay aka dələv va in ɓa.

Isaya 30:10

Tahəŋ ənah sitin, məzulaŋ na kədawlaŋ ɓa, sit məskəleŋɗe na «Kədaɗɗaŋ səmən kəleŋ an təstəs ɓa!» Məpel səm əpel neneke məssoŋ də ula nawmbəɗan ɗəfa.

Isaya 37:35

Wanəga walaŋgəla-metiŋ gəm wanəkõhgəni, viwa gəm vi gawla naw Davit.

Isaya 63:17

Vimi kəppam məmzlahgən ɓa' məzəgən səka tive noko, makram aɓɓəl məppan əgeslne suk di Yawe? Amili vi əŋgla net məɗɗaŋ wəza noko mahəlfa net ɗiy nawray voko.

Yeremiya 1:6

Nəzlanək na: «Awwo Yawe Maŋgəlva, awla naw nəsən əpel ɓa, vi wiyən nani.»

Yeremiya 23:17

Ndəɗaŋ məzupeleŋ dawnah sit məzumasaŋ na: Yawe amna: zazay wasan akokum. Sit məzəzbanən əɓɓəlan mekret na tahəŋ ənahaŋ na tatwãh ade na akokum ɓa.

Yeremiya 32:17

Aw, Yawe Maŋgəlva, istə kəzəməɗ disiŋ də dəlvafuŋ də əɓap nok metiŋgini gəm də gbogboŋ na voko, zəga tay naɗɗa gərəŋ akan azok ɓa.

Yeremiya 4:18

Wədaw noko gəm wəza nok dəkinən zəgas pak akoko, əray dəde akoko gesiŋ is tat əttəman tatwãha, gesiŋ tay ətoŋ suk təɗək hã a mokroko.

Yeremiya 5:12

Dəsənən Yawe ɓa, anahaŋ na: Tay ɓa, tatwãh arəhəm na ɓa, məwəl na masalam ɓa, may ɓa.

Yeremiya 6:14

Tahəŋ əgəm tatwãh net ɗiy naw va zəga an ɗarə, də wənah na: wən tay ɓa, wən tay ɓa, mbara wən tayi.

Yeremiya 8:11

Tahəŋ əgəm tatwãh net ɗiy naw va zəga an ɗarə, də wənah na: wən tay ɓa, wən tay ɓa, mbara wən tayi.

Əɓuhma 2:21

Kirin dit mezzeɗ tahəŋ ɓelohɓəloh afuŋ aka tive. Gorɗeŋge dit gewleɗ tahəŋ firikfirik afuŋ məbeyit də masalam. Aka pay ədagədəv nok kəbeye, kətaw wəlet məza ulasahã ɓa.

Ezekiyel 11:13

Gala nədawpel na kəleŋgi, Pelatiya wətən Benaya zamə. In kiyu afuŋ tək nəŋgəzl vaŋvəl dayadaya; yaŋ nəmna: «Aw! Daya Yawe, əgrek kədegrek madambirgit mə Israyelɗe vas sa?»

Roma 1:24

Vini Maŋgəlva appet dəzbanəngən əsim na makret mbərayni, dəraygənəngən zit a walaŋ ziti.

Roma 1:26

Sən aski Maŋgəlva appet addəv əsim zəga nawraygən ziti. Muguluŋgit net akkpaŋganənək əsap an təstəs də an məs təstəs ɓa.

Roma 1:28

Adan dətafnən əsən Maŋgəlva ɓa, Maŋgəlva mbegit addəv əsən net ɗarəŋka, ndəɗaŋ əɗɗa zəgeɗ en naɗɗaŋ ɓa.