Yeremiya 4:1 - Bible en Guidar

¹ Israyel, an is tat əmilyok na, azaw kədawmilyeko Yawe aɗiymani. An kəzargitik zəgeɗ daryawɗe nok səma harawa, an kəsok slorslor ɓa,

Yeremiya 4:1 ပူးပေါင်းရင်းမြစ်များ

Va'Atəŋ 35:2

Yakob anah sitik ɗiy nani, gəm ɗiy en məzəddoŋ dəndən pak na: «Məndol meŋgilveɗ net ɗiy-ɗar na walaŋkumiŋki. Məbbur zukum, məddəɗet lukutɗe nokumu.

2Milyeŋge 23:13

Məlĩ arnoketik gəleɗe-nettuyeŋge en na mahara Yerusalem dəka dəzəŋ na mossorgo metiŋ na kuɗupu məs Salomoŋ məlĩ na Israyel arkə aka iya nat Astera, zəga daryaw net mə Sidonɗe, Kemos, tuya na Mo'ab, Milkom, zəga daryaw net kirtin Ammon.

2Milyeŋge 23:24

Əmpa na, Yosiyas azetik məpeleŋ dit məsvefɗe, mulaŋ heligi, terafim gəm zəgeɗkamaŋgəlva dit zəgeɗ daryawɗe naka dələv na Yuda də Yerusalem pakə, vi əpel na mahenziŋ an məverin addəv ɗerewel an məsdələv Hilkiya arah səddəv Gəla na Yawe.

2Alabaraɗe Də Mabərkiziti 15:8

Səza məlĩ Asa aprəm əpelis səma məskəleŋ Azariya wət Oded na, asokuk zəni, azetik matuyaɗe səka dələv na Yuda də an na Benyamin pakə; aɗɗak wənəska'e a walaŋgəleɗe gugriɗ məs amõh sə kivadələv məs mossorgoɗe na Efrayim. Siske na, ndən matuya na Yawe naba gəla na Yawe zaɓ zaɓgəni.

2Alabaraɗe Də Mabərkiziti 33:8

Nəmsak na əmzlahgən təl Israyel səka dələv net məs nəziwgin sit efiŋgiɗtiŋ ɓa, an tahəŋ əzgaŋ sləma əɗɗa məs nəɗi sit wən nan addəv mahenziŋ, wəsərəkɗe may tiveɗnanziya də va Moyisi.»

2Alabaraɗe Də Mabərkiziti 34:33

Yosiyas azergitik zəgeɗ daryawɗe baymet səka dələv nawray net mə Israyelɗe, aɗɗa sitik vavyak sit ɗiy dəssoŋ a Israyel baymet naɗɗa wəza sən Yawe Maŋgəlva neti. Hã ənziya egge nan gərak, dəppanən Yawe Maŋgəlva net efiŋgiɗit ɓa.

Isaya 31:6

Məmndoŋ aza ɗəf məs kuktuhun dəɓokum səni mə Israyelɗe.

Yeremiya 15:19

Vini Yawe anah na: An kəmilke, asna wanətafko, wakəziw abawa. An kəsənək əgohon əpel an moggon səza an ɗarə asna wakəsok mawa. Ɗiy wamilyoŋ azoko, istə namndok azet ɓa.

Yeremiya 15:4

Wanəkkpeŋget mbəreyit a maheret milyeŋge na dələv pakə. Vi Manase wətən Hizkiya məlĩ na Yuda sən an agəɗ a Yerusalem.

Yeremiya 18:11

Kakaŋ na, anah sən ɗəf na Yuda pak dit en na Yerusalem dawnəh na: Vaŋki Yawe anahə: In yakəŋ əki əray akokum, niynanək an nədawgəɗ sukum, ɗəf pak dəmil səka tive nan mbərayən. Məzaɓan ədaw nokum də wəza nokum moggoni.

Yeremiya 24:9

Wanəkkpeŋget ka zəga nawki geslne' metiŋgini, ka zəga na geslne' mbərayən viyit milyeŋge naka dələv pakə. Kawreti yi, kawyə siti gəlya, kawmasi aketi, əray wasan aket a təki məs nədeɓɓehit adak temtemi.

Yeremiya 25:5

Anahaŋ sukumənək na, kamə ɗəf pak dəmil səka tive mbərayən nani gəm səka wəza nokum mbərayən, kəssoŋgən faɗ aka dələv məs Yawe apsukum gəm sit efiŋgiɗkum farfar hã faɗə.

Yeremiya 3:1

Yawe aɗiyman na: An ɗəf appatək guluk nani yas təgili təkkpaŋ ga ɗəf mbərni, wamsak əgəmət ka gon əmpa sa? As waraygən dələv tipi. Mbaraka nok na, kəgəɗək əku dit gəreŋgiɗuk diyɗa, kawmilyok anawda sa?

Yeremiya 3:12

Dok əpel wənəŋ aka dələv na kəla disiŋ kənahgən na: Amili Israyel məs man sula sula, Yawe aɗiymani. Wanətok haraw akok ɓa, vi ɗəf təstəs nani, narma wən a makraw faɗ ɓa, Yawe aɗiymani.

Yeremiya 3:14

Məmili, kirin kiyɓəɓəlɗe, Yawe aɗiymani, vi intə afukum! Wanəgəm taka səmbokum sə walaŋgəla-metiŋ pakə, sula səddəv mahəlfa, wanəkikum a Siyon.

Yeremiya 3:22

«Məmil azawa, kirin kiyɓəɓəlɗe, wanəmbəlgukum səka ma sula sula nokum!» «Mənam yakəŋkə, midek azoko, vi istə Yawe, Maŋgəlva namə.»

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 36:3

Kuzuŋ ɗiy na Yuda waprəmən tatwãh nədaɗɗum nawgəɗ sitiŋ pakə, vi dəmulyoŋgən ɗəf pak səka tive mbərayən nani; asna wanəppan sit heslepe net də mambray neti.» Ka dəmilyoŋgən ɗəf pak səka tive mbərayən nani; asna wanəvvuyon əzlzlaɓ neti gəm mambray neti.

Yeremiya 4:4

Məssoŋ məskəlkum awra vi Yawe. Məzargən gayã na mokrokum, ɗiy na Yuda dit en na Yerusalem. Vi ədagədəv naw adawgilyen va offo nzilimnzilimi, məza ɗəf namtan tay ɓa, sən zəga naɗɗa nokum na daraw.

Yeremiya 7:3

Aŋki an Yawe Məzuɓappak, Maŋgəlva net mə Israyel anahə: Məzaɓan tive nokum də zəga naɗɗa nokum; asna wanəppokum kəssoŋgən a təkiyəŋka.

Yeremiya 7:5

Vi an əɗɗa moggoni na məɗɗa ka ədaw nokum də wəza nokum dəsangən moggoni, an əɗɗa təstəsi na, mətawwən təstəs a waleŋgit ɗiyi,

Yeremiya 7:7

Asna wanəppokum kəssoŋgən a təkiyəŋka, dələv məs nəpsit efiŋgiɗkum na sete hã faɗəŋka.

Ezekiyel 11:18

Adak adazzoŋgu, wazetin meŋgilveɗ meɓɓet pak dit zəgeɗ naɗɗa net daryawɗe pakə.

Ezekiyel 18:13

Tay əpsit dəmən sit ɗiy dit iŋkile; tay əŋgla iŋkile na dəmən dayki an dəslə, kawsan madarani! Asan madaran ɓa. Aɗɗek zəgeɗ daryawɗes pakə: kawbayni; mbel nan akan adamndoŋgu.

Ezekiyel 43:9

Kakaŋ wazargənən polkoyo net də ki gəbeyit milyeŋge net səzaw faraɗa, wanəsaw aweleŋgit hã faɗə.

Hose'a 14:1

Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.

Hose'a 2:2

Mə Yudeɗ dit mə Israyelɗe wakkalaŋ sapə, waɗiyaŋ ɗəf taka aketi, wazəmən dələv vani. Vi pay na Yizrel wasan metiŋgini.

Hose'a 7:16

Tay əkkpaŋgaŋgə, ya azawi ɓa, tahəŋ va bəle mbərayən. Deyeɗe net waskotoŋ a ma masalam sən əpel nawku na meti, mə Eziptiɗ wamasaŋ aketi.

Yo'el 2:12

Yawe aɗiyman na, təŋ səza kakaŋka, məmndoŋ məde azaw də mokrokum paparə də wəɗɗa meme, də wəhəma, də əɓuh mokum.

Zakarya 1:4

Kədassoŋ va efiŋgiɗkum en məskəleŋɗe maddaabəŋ adawyetin lahəŋ də wənahaŋ na: “An Yawe Məzuɓappak adawnəh yaŋka: Məmili, məppan tive nokum mbərayən də wəza nokum mbəraynəŋka,” ya dəprəmaŋ ɓa, dəzgaŋ sləma akaw ɓa, Yawe aɗiymani.

Əmsak aka Mahenziŋ 27:15

«Wəray dəsan aka ɗəf məs dəzaɓ zəgakamaŋgəlva awaniɓa dəzaɓ zəŋgile zəga məzaɓən, daryawi aza Yawe, va ɗəfi dəzaɓ ɗarə, watuk a təki zlurro!» Ɗiy pak wazlanən na: «Dəsan vaska!».

Əmsak aka Mahenziŋ 4:30

Pay na tatwãh noko, an nəpeliŋ pak arəhkuk pay an nabe, wakəmndoŋ hã aza Yawe Maŋgəlva nokum, wakəprəmən man kana.

Yosuwa 24:14

Gəgaŋ na, məgeslne' sən Yawe, məgəɗ sən wəza də təstəs-gərakə. Məzergit meŋgilveɗ məs efiŋgiɗkum aɗɗaŋ sitin wəza a dəgar ki məlpa metiŋ gəm a Eziptə iŋki, məgəɗ wəza sən Yawe.

Mətawaŋwəna 10:16

Ndəɗaŋ zargitin meŋgilveɗ naguw sə weleŋti, azbanən Yawe, nan zlaŋ əzəmsahã net mə Israyelɗe aknəhək makran.

1Samiyel 7:3

Yaŋ Samiyel anah sit mə Israyelɗe dəwən neti amna: «An də mokrokum taka kəɗɗumoŋ namndo aza Yawe na, məzergit meŋgilveɗ melekeɗ gəm tuya astera sə walaŋkum, məkkpaŋgan mokrokum aza Yawe, məgəɗ wəza sən kaka'ə, wakõhgukum səvet mə Filistiɗe.»