Yeremiya 38:23 - Bible en Guidar

²³ Kawketi gil nok beymet dit kirtuk sit mə kaldiyeɗi. Is zəknok pak kəkõh na səvet ɓa. Məlĩ na Babilon warmuko. Walaŋgəla-metiŋginəŋ kawzlani də offo.

Yeremiya 38:23 ပူးပေါင်းရင်းမြစ်များ

2Milyeŋge 25:7

Mətaw wəlet kirtin Sedekiya ama harani. Nabukodonozor aɓəhək hara Sedekiya kpaŋgən daŋgarə, miynan dit ngiyamɗe na təbəz pepreŋ sula yas akanən a Babilon.

Yeremiya 21:10

Vi haraw aka walaŋgəla-metiŋginiŋki nəɗiya, ka moggon nani ɓa, ka tatwãh nani yi Yawe aɗiymani; wasan ammba va məlĩ na Babilon, wazla də offo.

Yeremiya 32:4

Sedekiya məlĩ na Yuda wakõh səmmba vet mə kaldiyeɗ ɓa, əpsa nədepsən ammba va məlĩ na Babilon. Wapeleŋ met də mani, haran wawla.

Yeremiya 34:3

Ya noko, kəkõh na səvan ɓa vi ərma adarmukuni, kapsukki ammba vani, horok wawla məlĩ na Babilon, wakəpeleŋ man də moko, ya a Babilon kədoddoko.

Yeremiya 37:8

Mə Kaldiyeɗ wazzoŋ əwak sən walaŋgəlaŋka, wagayaŋ dəndəni, wamohuni, wazlanən də offo.

Yeremiya 38:18

Ya an kəgil kawsap azet deyeɗe na məlĩ na Babilon ɓa na, asna walaŋgəla-metiŋginəŋ wabət avet mə Kaldiyeɗi, wazlanən də offo. Nok van kəkõh na səvet ɓa.»

Yeremiya 38:24

Yaŋ Sedekiya anah sən Yeremiya na, ɗəf təttaka adawsən wənəŋ ɓa, vas ɓa na kəmtəka.

Yeremiya 39:5

Yaŋ məzəlpaŋ net mə Kaldiyeɗ azbetini, arufnən Sedekiya a təki məpəlayya na Yeriko; armanəni akanən aza Nabukodonozor məlĩ na Babilon a Ribla, aka dəlev na Hamat, yaŋ atawwən akani.

Yeremiya 39:6

Məlĩ na Babilon atawək wəlet kirtin Sedekiya ama haran a Ribla. Atawək wəlet ɗiy gugriɗ na Yuda pakə.

Yeremiya 41:10

Yismayel akek madembirgit ɗiy en dəssoŋ a Mispa pakə, kirtin məlĩ muguluŋgiti gəm ɗiy en dəppaŋ a Mispa pakə, məs Nebuzaradan daya net məzugaŋ apəl ammba va Gedaliya wətən Ahikam, yas Yismayel wətən Netaniya ake aka balamə, ambat anet mə Ammonɗe da.

Yeremiya 6:12

Gəla net wakkpaŋ ka net ɗiy mbirti, gəm guli net sap dit gil neti'e. Vi wanətəl vaw aket ɗiy naka dəlvəŋka Yawe aɗiymani.

Ezekiyel 14:9

«An məskəleŋ appanək zən əmbəɗa, yaŋ apel məza əɗɗumon kiyən ɓa, in Yawe wanəmbəɗan məskəleŋ nani; wanətəl vaw akani, wanəzan səret ɗiy naw na Israyel.

Ezekiyel 17:15

Yaŋ aɓoŋ akani, aslən metiveɗ nan a Eziptə, vi dəpsəngən pilseŋge dit məzəlpaŋ diyɗa. Watər wəray sa? Məgəɗ zəga vaskəs wakõh sa? Aggarək ki wənmiyna, akõh na ɓa!

Ezekiyel 43:3

Ula məs nəwəl van agilik va an nəwəl lahəŋ aka nədazzaw əraygən walaŋgəla-metiŋ naka; ula van agilik va an nəwəl ama məlpa na Kebar. In də ma gədəvu kupu.

Əŋɗa 4:18

«Kədawzanən zev Kehat əɗohən sə weleŋgit mə leviɗe ɓa.