Yeremiya 38:2 - Bible en Guidar

² Vaŋ Yawe anahə: Ɗəf dəpəl addəv walaŋgəla-metiŋgiŋka, wamtə ama masalam, sən mayã awaniɓa sən gəbaymərma. Ya ɗəf an dəgil dəmbat ezet mə Kaldiyeɗi, wasan madarani.

Yeremiya 38:2 ပူးပေါင်းရင်းမြစ်များ

Yeremiya 21:4

Vaŋki Yawe Maŋgəlva na Israyel anahə: Gulomɗe nalpa nammba vokumiŋki, məs kədawgayaŋ də məlĩ na Babilon gəm mə Kaldiyeɗiŋki inyakəŋ əmndeget akokumu. Ɗiy en dəvoŋgoŋ sukumən də baŋla, wanəkkelet addak walaŋgəla-metiŋginiŋka.

Yeremiya 24:8

Va sokoyeɗ mbəreyit məs kawɓapi əzimit ɓa sən əray net day naka, vas nədakkpaŋgan Sedekiya məlĩ na Yuda dit ɗiy gugriɗ nani gəm ɗiy en dəppaŋ na Yerusalem məs dəssoŋ aka dəlvəŋka dit en naddoŋ aka dələv na Eziptə Yawe anahə.

Yeremiya 27:11

Ya ɗiy en dətafən əvoŋgən wəlet ammba zuk məs məlĩ na Babilon aɗiyə gəm kawgəɗ sən wəza na, asna wanəppet zay aka dələv neti Yawe aɗiymani. Wansenini gəm wassoŋ akani.

Yeremiya 27:13

Vimi kədamta is dit ɗiy nok ama masalam, mayã gəm gəbaymərma va Yawe apel aka an nawrih ɗiy dəɓoŋgoŋ dawgəɗ sən wəza sən məlĩ na Babilon di?

Yeremiya 29:16

Vi vaŋki Yawe anah sən məlĩ məs dəsan aka mazaŋga na Davit gəm sit ɗiyen dəssoŋ də gəla addəv walaŋgəlaŋ pakə, milmiŋgiɗkum məs misimgiti də mənokum ɓaŋka.

Yeremiya 29:18

Wanəzbet də masalam, də mayã gəm də gəbaymərma, wanəkkpeŋget ka zəga nawgeslnegit milyeŋge naka dələv pakə, ɗiy naket dəlveŋge məs nəɓɓeh adak pak waŋglaŋ sitin əraya, tatwãha, waggətaŋ aketi gəm waretini.

Yeremiya 34:17

Vini Yawe anah vaŋka: Nokum kəprəmwən ka nawtəlma na, ɗəf pak dəppangən balam nan məs dəsan məlmən may meggen ɓa. Yawe aɗiyman na: inyakəŋ ətəlma nappokum ama masalam, ama gəbaymərma, ama mayã. Wanəkkpoŋgokum ka zəga narban gəslne', zəga narban geslne' sit milyeŋge naka dələv pakə.

Yeremiya 39:18

Vi əkõh nədawkohguko, kəmtə na ama masalam ɓa, zəga nawrəh nama əgay nok na zeŋgiloki yi, vi kəppanək zuk suwa Yawe aɗiymani.

Yeremiya 42:17

Ɗiy en dəzinən heret kaddoŋ a Eziptə pak wamtaŋ adak ama masalam, mayã awaniɓa gəbaymərma. Ɗəf tay nawkõh may nawndəwəɗ səma əray məs nədawki aket ɓa.

Yeremiya 42:22

Ya kakaŋ na, məsən na wakəmtaŋ ama masalam, mayã gəm gəbaymərma a təki məs kəŋglaŋ naddasso adaka.

Yeremiya 44:13

Wanəsil aket ɗiy en dəssoŋ aka dələv na Eziptə va nəsil aket ɗiy na Yerusalem də masalam, də əki mayã gəm gəbaymərma.

Yeremiya 45:5

Ya nok na, is tat əkeyet zəgeɗ gugriɗ ammba kizuko, Kədawkeyet ɓa, vi in tat əki əray aka zəga madaran pakə, Yawe aɗiymani. Ya in tat əpsuk zeŋgilok ka zəga nawrəh na ma əgay nok təki kəmbat adak pakə.

Ezekiyel 14:21

Vi an Daya Yawe anah yaŋ seseli: Də nəslən tatwãhɗe naw poɗo pak aka Yerusalem: masalam, mayã, zegeɗ derewti gəm gəbaymərma, kawbey ɗiy dit zəgeɗ memeyẽɗ na,

Ezekiyel 6:11

Vaŋ Daya Yawe anahə: «Apu' voko, arga mettiloko, anah na: Aw! Aka zəga daryaw nawzel net mə Israyelɗe, net waskotoŋ ama masalam, də may na ŋgaryã gəm də gəbaymərma.

Ezekiyel 7:15

Masalam appaka, gəbaymərma də may dəŋgili; ɗəf nawra ama masalam adamta, ɗəf na walaŋgəla-metiŋ, may də gəbaymərma wavorgomohnəni.