Yeremiya 36:3 - Bible en Guidar

³ Kuzuŋ ɗiy na Yuda waprəmən tatwãh nədaɗɗum nawgəɗ sitiŋ pakə, vi dəmulyoŋgən ɗəf pak səka tive mbərayən nani; asna wanəppan sit heslepe net də mambray neti.» Ka dəmilyoŋgən ɗəf pak səka tive mbərayən nani; asna wanəvvuyon əzlzlaɓ neti gəm mambray neti.

Yeremiya 36:3 ပူးပေါင်းရင်းမြစ်များ

Nehemi 1:9

ya an kəmilyoŋguk azawa, kərmanənək wən an nəɗiyə, kəɗɗaŋgək wəza dəndən, asna kəta en mətreyet nokum dəssoŋ akki dələv abayman zlaŋ, wanəkkelet sədaka. Wanəmilgit a təki nəwel ka iya naw dəsangən adak naka.

Gəlyaɗe 139:24

Awla kuzuŋ tive nawza nədawgəma, aku dəka tive an faɗə.

Isaya 6:10

Akkpaŋgan mekret ɗiyis difsiriki, asuk sləmeti, atip hereti; vi adawlaŋ də heret ɓa, sləmet adaprəm ɓa gəm mekret adawsən gabba zəga ɓa! Vas ɓa na waɗiyaŋ marava kamblaŋgə.

Yeremiya 18:11

Kakaŋ na, anah sən ɗəf na Yuda pak dit en na Yerusalem dawnəh na: Vaŋki Yawe anahə: In yakəŋ əki əray akokum, niynanək an nədawgəɗ sukum, ɗəf pak dəmil səka tive nan mbərayən. Məzaɓan ədaw nokum də wəza nokum moggoni.

Yeremiya 18:8

an ɗiy naka dələv nəpel aket vet appanənək mambray net məs dədan su gədəvu vani, asna wanəppan tatwãh an niynan nawgəɗ siti.

Yeremiya 23:14

Gəm nəwələk zəga daryaw anet məskəleŋɗe na Yerusalem da: Ndəɗaŋ əku a gizbe, assoŋguk addəv uwawəna, ndəɗaŋ əzɓetin məɗɗaŋ mbərayən, kpaŋ ɗəf tay dəɗaɗɗum əppan mbərayən nan ɓa. Pakgit tahəŋ azaw va Sodom, ɗiy naddəvən va ɗiy na Gomorra.

Yeremiya 24:7

Wanəpsit maɗɗula dəsənwəngən na intə Yawe. Wassoŋ ɗiy nawa, ya naw wanəsaw Maŋgəlva neti an azzoŋguk azaw də mekret taka.

Yeremiya 26:3

Kuzuŋ waprəməni ka ɗəf pak dəmilgin səka tive nan mbəraynəŋka. Asna wanəppan an niynan nawki tatwãh aket vi wəza mambray neti.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 36:7

Kuzuŋ əkkam net wagap aba Yawe, wamulyoŋ ɗəf pak səka tive nan mbərayni. Vi ədagədəv metiŋgin dit herɗe məs dərbə gala Yawe apel aka wən net ɗiyiŋki.

Ezekiyel 12:3

Ya noko, wətən ɗəfa! Aynet zəgeɗ nasme noko, asim də kapay ama hereti, kəsimgən sə təki kəsok a təki maɓɓan ama hereti; kuzuŋ wawlanən na ɗiy məɓoŋtiŋ soko?

Ezekiyel 18:23

Nəŋgələk əmta na məsdaraw sa? Daya Yawe aɗiymani, an nəŋgəl na, dəmil səka tive nani, dəsangən madarani.

Sefanya 2:3

Məkayan Yawe, mənokum məzurayɗe naka dəlvafuŋ, məzəɗɗaŋ wəza də an agəɗə; məkayan təstəsə, məkayan əɓe'gən kiya, kuzuŋ wakəɗamaŋ aka pay nawda gədəv na Yawe soko.

Matiye 13:15

Vi mekret ɗiyəŋ aɓɓəlka, asukunək sləmeti, atipinik hereti vi adawlaŋ ɓa, adaprəmaŋ ɓa, adawsənaŋ gabba zəga ɓa, gəm adawɗiyaŋ marava ɓa, ka nədawmbəlgit ɓa.

Markus 4:12

Vi vaski, Wawlaŋ də hereti, ya asənən na ɓa. Waprəmaŋ də sləmeti, ya aprəmnən na ɓa. Vi adawmilyoŋ əɗi marava ka mambray net dəvvugən ɓa.

Luka 20:13

Yaŋ afən guli net megezlembirkeɗ amna: Mbar nədaɗɗa di? Wanəslən wətu an nəŋgələ, kuzuŋ nan wagagdakanən soko.

Wəza net Masləŋɗe 26:18

Vi kawkol sit hereti, kakkpeŋget səra guzli ara əkeɗeɗe'e, gəm səddəv gagdak na Satan aza Maŋgəlva, vi dərahaŋgən əvvu net mambrayɗe, gəm dərahaŋgən haran net a walaŋgit ɗiy salala də ətafwa.

Wəza net Masləŋɗe 26:20

Ya daabəŋ na sit ɗiy en na Damas siske a Yerusalem, gəm aka kivadələv na Yude pakə, də azet ɗiy-ɗar pak nənah sit dəɗiyaŋgən marava, gəm dəkkpaŋgən aza Maŋgəlva, dəɗɗaŋgən wəza narban na aɗiyaŋgək marava.

Wəza net Masləŋɗe 28:27

Vi ɗiyiŋki mekret aɓɓəlka, asukunək sləmeti, aɗupunək hereti, vi adawlaŋ də heret ɓa, adaprəmaŋ də sləmet ɓa, makret adaprəm gabba zəga ɓa, wakkpaŋgaŋ azawa, wanəmbəlgiti.

Wəza net Masləŋɗe 3:19

Məɗi marava kana məkkpaŋgə, vi mambrayɗe nokum dəvvuyoŋgəni.

Əmsak aka Mahenziŋ 30:2

wakəmndok ammba təl Yawe Maŋgəlva noko, wakəprəm man va nəɗi suk wən nan dəpaŋka, is dit kirtuko, də mokrok pakə, megenegenok pakə.

Əmsak aka Mahenziŋ 30:8

Nok na, kəmndokgən əprəm ma Yawe, kəgəɗgən wəza dit wəsəɓɗe nan nəɗi suk wən nan dəpaŋkəŋ pakə.

Əmsak aka Mahenziŋ 5:29

An sə mekreti yi agil nawgeslne' suwa gəm narma əpel na ənziya ɗayɗay pak vi moggon dəsangən viyti gəm kirtit ka faɗə!”

2Piyer 3:9

Daya tay əlya də əknahan iynama nan va ɗiy meɓɓet adaɗɗumoŋ ɓa. Ya tay əɓəs sukum vi dəŋgəl ɗiy meɓɓet dəzaŋgən ɓa, kəta ɗiy pak dəgapaŋgən aza əɗi marava.

1Samiyel 7:3

Yaŋ Samiyel anah sit mə Israyelɗe dəwən neti amna: «An də mokrokum taka kəɗɗumoŋ namndo aza Yawe na, məzergit meŋgilveɗ melekeɗ gəm tuya astera sə walaŋkum, məkkpaŋgan mokrokum aza Yawe, məgəɗ wəza sən kaka'ə, wakõhgukum səvet mə Filistiɗe.»