Yeremiya 33:2 - Bible en Guidar

² Vaŋ Yawe məgəɗ zəga anahə, Yawe məzaɓ zəga vi dəziwgin a gəlani. Yawe yi iya nani.

Yeremiya 33:2 ပူးပေါင်းရင်းမြစ်များ

Isaya 37:26

Kəprəm ɓa sa? Fari nəzaɓan as vani. Addivit əvoŋɗe dətoŋgoŋgu, kakaŋ na nəɗɗaka. Nəkika, vi kakkpeŋget walaŋgəleɗe gbogboŋɗe ka kpew net kiməskiɗe.

Əgilye 15:3

Yawe məzəlpay. Yawe yi iya nani.

Əgilye 6:3

Nərbanək zu aza Abraham, aza Isak gəm aza Yakob va Maŋgəlva Məzuɓappak, nərban zu azet də iya naw Yawe ɓa.

Hənhən 21:10

Əmpəs na Maŋgəlva adek akawa, maslay nak akuwək aka gərəm məɓayən diyɗa. Arban suwək Yerusalem walaŋgəla-metiŋ, məs salala dəde səza Maŋgəlva ana disiŋ.

Isaya 62:7

Kədappanən əffet ɓa hã gap an asilginik Yerusalem, hã gap dələv pak dəɗigən ki Yerusalem.

Isaya 43:21

Ɗiy məs nərkə viwiski, warbanən gagdak nawa.

Isaya 43:1

Ya kakaŋ na, Yawe məs dəzəməɗko Yakob, məs dəɗɗuko Israyel amna: Kəgeslne ɓa, vi nəbitkuko, nəyukuk də iya noko, naw kənani.

Isaya 14:32

Kawzlan mbar sit maslənɗe di? Vi Daya dəvani dəmpa Siyon; adaki məssehẽŋɗe net ɗiy nan adawkayaŋ təki nawɗama.

Gəlyaɗe 102:16

Ɗiy na guw wageslne'eŋ sənən iya na Yawe, gəm milyeŋge naka dəlvafuŋ pak tam sən gagdak noko,

Gəlyaɗe 87:5

Kawpeli aka Siyon na: «Ndəni gəla uwa net ɗiy pakə, Məsəɗəɗə zəknan dəɗiya!»

Hənhən 21:2

Nulak walaŋgəla an salala, Yerusalem meleketen tay əprike sə disiŋ sə maŋgava Maŋgəlva zən sekke, va waŋ məzaɓan zət nambat a təki wəɓele.

Ibriɗe 11:16

Gesiŋ nan na, ammba dələv moggon day nassan ka net adawgayaŋgə, ammba dələv net na disiŋ. Ndəni kan wil awdanən Maŋgəlva an məyani na Maŋgəlva neti ɓa, vi azaɓ sitik walaŋgəla-metiŋ.

Ibriɗe 11:10

Vi tay əga walaŋgəla-metiŋ məs məɗi gabban gboloŋgboloŋgu, məs Maŋgəlva sən kiyən avere, arka.

Amos 9:6

Ndən məs dəɗi təki nassa nan a disiŋ, dəɗi gabban aka dəlvafuŋ. Ayek iŋkile na pehe yaŋ ofleŋ aka dəlvafuŋ. Yawe yi iya nani.

Amos 5:8

Ndən dəɗɗe ŋgay net ŋgərzleɗi, gəm duŋgusu. Akkpaŋgan dəfəɗ tikiɗim ka təki məddaŋgən; dədakkpaŋgan kapay ka dəfɗa. Ndən məzuye iŋkile sə pehe əfloŋgit aka dəlvafuŋ. Iya nan na Yawe.

Yeremiya 32:18

Is məzəɗɗa moggon nok hã gap sayit ɗiy gabalə gəm məmndagan heslepe net efiŋgiɗit kirin aket kirtit dərɓegeti, Maŋgəlva metiŋ məs gbogboŋgo, iya nok na Yawe Məzuɓappakə.

Yeremiya 10:16

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Yeremiya 16:21

Vi aski, aka aŋ na in yakəŋ ərban sit gbogboŋ na vawa. Wasənnən kan na iya naw na Yawe yi.

Yeremiya 51:19

An na Yakob na va zəgeɗiski ɓa, ndən dəzeɓ zəgeɗ pakə, Israyel dəsan mahəlfa an haran nani. Iya nan na Yawe Məzuɓappakə.

Isaya 42:8

Intə Yawe, vaski iya nawa. Nəpsən na gagdak naw sən ɗəf maɓɓan ɓa, əɗi kiya naw sit zəgeɗkamaŋgəlva ɓa.