Yeremiya 32:44 - Bible en Guidar

⁴⁴ Kalbahi gulyeŋge də təbəz babara, kawverni wən nan addəv ɗerewel kaɗi ndama akani, kawyay məziwweɗe, vas adaɗɗa aka dələv na Benyamin, walaŋgəleɗe dəssoŋ tərwəsl ki Yerusalem, walaŋgəleɗe gugriɗ na Yuda, walaŋgəleɗe gugriɗ naka mossorgo metiŋ, walaŋgəleɗe gugriɗ na Bagərma, walaŋgəleɗe gugriɗ na dohoŋ, vi wanəzaɓan wən nokum, Yawe aɗiymani.

Yeremiya 32:44 ပူးပေါင်းရင်းမြစ်များ

Isaya 44:26

Nəziwik aka əpel na gawla nawa, nəɗɗak an maslənɗe naw aɗɗumongu. Nənahək na Yerusalem na: Waknah dit ɗiyi. Walaŋgəleɗe gugriɗ na Yuda na: karketi yi. Kawsilgini əɓzla nani.

Yeremiya 13:19

Məmsani met walaŋgəleɗe gugriɗ na Negev ɗəf tay dədawkolit ɓa, vi məsimgini Yuda baymani, məsimgini tutu'u.

Yeremiya 17:26

Ɗiy wazzoŋ səddivit walaŋgəleɗe gugriɗ na Yuda, na maŋgava Yerusalem, səka dələv na Benyamin, sə Bagərma, səka mossorgo metiŋ gəm sə Dohoŋ. Wakiyaŋ əvəl nawzla kurmbuɗuku gəm əzaɓ-Maŋgəlva, əvəl na zəga na mabardaw gəm tursan, wakiyaŋ əzaɓ-Maŋgəlva naɗɗa əsoko addəv gəla na Yawe.

Yeremiya 30:18

Vaŋ Yawe anahə: Inyakəŋ kawzaɓan wən net gizlirkeɗe na Yakob, wanəwəl sãhã aket daŋglaɗe nani. Karkani walaŋgəla-metiŋ a gəlan an lahəŋka, kawɗiyni gəla gboloŋgboloŋ a gəlan an farə.

Yeremiya 30:3

Vi pay yaŋ əzzani, Yawe aɗimani. Wanəzaɓan wən net ɗiy naw mə Israyelɗe dit mə Yudeɗi Yawe anahə. Wanəmilgit aka dələv məs nəpsit efiŋgiɗti, wagəmnən ka neti.

Yeremiya 31:23

An Yawe Məzuɓappak Maŋgəlva na Israyel anah yaŋka: Pay nədawzaɓan əssa neti, wapelin əpeləŋ aka dələv na Yuda gəm addivit walaŋgəleɗe gugriɗ nan əmpa na: Kəta Yawe dəzoɓoko, Təki na təstəsə mossorgo metiŋ na salala.

Yeremiya 32:10

Nəverik wən nalbah nan addəv ɗerewel, nəɗi ndama naw akani, nəyək məziwweɗe yaŋ nəsla təbəz babar aka kilo.

Yeremiya 32:37

In yakəŋ əkkelet səket dəlveŋge məs nətreyet adak pak də ədagədəv nawa gəm dit herɗe nawa, də makraw fuyõfuyõ. Wanəmndeget a təkiyəŋka, wanəɗɗa dəssoŋgən kiyit foŋgo.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Yeremiya 33:13

A walaŋgəleɗe gugriɗ naggərma, walaŋgəleɗe na Bagərma, walaŋgəleɗe na dohoŋ, aka dələv na Benyamin gəm dəlveŋge dəssoŋ ki Yerusalem tərwəslə dit walaŋgəleɗe gugriɗ na Yuda, gəlew wadawaŋ kaɗkaɗ əmpa dəba məzəŋɗeti, Yawe anahə.

Yeremiya 33:26

asna wanəndol zev Yakub də Davit gawla nawa, məza əgəm ɗiy nassoŋ aka mahəlfa na Abraham, na Isak gəm yakob səddəv mahəlfa nan ɓa sa? Vi wanəzaɓan wən neti, wanəwəl sahã aketi.

Yeremiya 33:7

Wanəzaɓan wən na Yuda gəm wən na Israyel, wanərke va asan lahəŋka.

Obadya 1:19

Ɗiy na Yuda wamõhnən Negev, mossorgo metiŋ na Esaw də Bagərma net mə Filistiɗe. Wamõhnən dələv na Efrayim gəm dələv na Samari. Kirtin Benyamin wamõhən Galad.

Obadya 1:20

Mə Israyelɗe məsimgiti, ndəɗaŋgə məzəlpaŋ narɓehetin mə Kana'anɗe hã Sarepta. Məs məsimgit sə Yerusalem, məs dəssoŋ a Sefarat, watefnin walaŋgəleɗe gugriɗ na Negev.

Sefanya 2:7

Wasan ka kiyva net madembirgit ɗiy na Yuda; wataɗaŋ akani, wavoŋgoŋ addəvit gəleɗe na Askelon də moskoyo, vi Yawe Maŋgəlva net wazgə sləma aketi, wazaɓan wən neti.

Zakarya 7:7

Aski əpel an Yawe anah də met məskəleŋɗe far pay Yerusalem asan fendeŋ, walaŋgəleɗe gugriɗ nan kiyən tərwəslə, Negev də dələv na Bagərəm məknihit dit ɗiy addəvit ɓa sa?