Yeremiya 32:30 - Bible en Guidar

³⁰ Vi mə Yudeɗ dit mə Israyelɗe mambray adaɗɗaŋ a maharaw kaka' təŋ səka gawla neti, vi mə Israyelɗe gədəvu adawdan suwən kaka' də wəza na veti, Yawe aɗiymani.

Yeremiya 32:30 ပူးပေါင်းရင်းမြစ်များ

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

Isaya 63:10

Yas net assoŋ məɓoŋti, adan sənən gədəv əmpəs nan salala. Akkpaŋgək məzuzel neti, akkpaŋgək əgay dənɗaŋgə.

Yeremiya 11:17

Yawe Məzuɓappak məs dəmpuk apelik aka wən noko, vi mbərayən məs ɗiy na Israyel dit ɗiy na Yuda aɗɗaŋgə: adansuwənək gədəvu də əzla tursan sən Ba'al.

Yeremiya 2:7

Nəkikumuk aka dələv məs guli net wəleŋɗe məzuwaŋgə, kəzəməngən uwa neti də ətərwəray neti. Yaŋ kəzzoŋ kərnokonən dələv nawa, kəkkpaŋganənək dələv nawray naw zəga daryawə.

Yeremiya 22:21

Nəpel sukuk aka kəsok kiyuk foŋgo, ya kənahək na: nəprəm na ɓa. Aski ədaw nok far səka gawloko; vi kəprəm maw ɓa.

Yeremiya 25:6

Kədezbetin meŋgilveɗ meɓɓet ɓa, kadawgəɗ sitin wəza ɓa, kədappu'oŋ abet ɓa, kədawdan səwən gədəvu də wəza mbərayən na vokum ɓa, asna nəgəɗ sukum na mbərayən ɓa.

Yeremiya 25:7

Kəprəmwən ɓa hara Yawe aɗiymani. Yaŋ dərəŋ kədan suwənən gədəvu də wəza na vokum ka mbərayən akokum.

Yeremiya 3:25

Məsamsəm addəvit wil namə, mətaf səm ərbet wil namə, vi məgəɗək mambray sən Yawe Maŋgəlva namə, mənamə va efiŋgiɗmə, far səka sawãmə hã gap pay dəpaŋka; məprəm ma Yawe Maŋgəlva nam ɓa.

Yeremiya 30:14

Ɗiy en dəŋglukun pak azgətaŋgək kiyko, tay dədaɗɗum akok ɓa; vi nəvərkuk va kəɓəs na məzuzeluk nani, nərgukuk gədakə vi heslepe nok metiŋgini mambray nok adayka.

Yeremiya 36:2

«Agəm ɗerewel məktəmən, kevergən əpel an nəpel suk aka Israyel, aka Yuda gəm aket ɗiy naket dəlveŋge pak təŋ səza pay nəpel suko, təŋ səza pay na Yosiyas hã gap pay dəpaŋka.

Yeremiya 44:3

Sən zəga naɗɗa net daryaw aɗɗaŋ suwən də əmbat əzla tursan sit meŋgilveɗ meɓɓet məs dəsinnin ɓa, mənokum ɓa, efiŋgiɗkum ɓa.

Yeremiya 44:8

Mənokum tat ədansu gədəvu də wəza na vokum, mənokum tat əzla tursan sit meŋgilveɗ meɓɓet aka dələv na Eziptə məs kəddoŋ əssoŋ adaka, ka mənokum kawza ka kakkpaŋ zəga na mefɗeke gəm zəga na əra aweleŋgit ɗiy naka dəlva.

Yeremiya 8:19

In tat əprəm wəlat wətit ɗiy naw iya hã səka dələv faraɗa, vas na Yawe tay a Siyon ɓa sa? Məlĩ nan tay addəvən ɓa sa? Vimi adansuwən gədəvu də zəgakamaŋgəlva net gəm dit zəgeɗ ɗar na guw di?

Ezekiyel 20:28

Nəkek aka dələv məs nəslan vawa, nəsway sit napsiti. Awlaŋgək mossorgo məɓayən may wəleŋɗe hirik-hirik pakə; azaɓənək-Maŋgəlva net adaka, aɗɗaŋ əvəl net nawdan gədəvuw adaka, aɗiynənək tursan naffeten makret adaka, afloŋgunək mbazla nawpesl net adaka.

Ezekiyel 20:8

Yaŋ aɓoŋgoŋ akawa, dəŋgəmaŋ əprəmwən ɓa, ɗəf tay dəzgan zəga sə maharan ɓa, meŋgilveɗ na Eziptə dayday dəppetin ɓa, nəmna wanəka herɗe naw aketi, wanədəgədəv aket hã ŋgbu' aka dələv na Eziptə.

Ezekiyel 23:3

aɗɗaŋgək polkoyo a Eziptə səka gore neti, aɗɗaŋgək polkoyo adaka. Adak məttəman bideti, adak məppayan bidet na gore səka ŋguɓɓo neti.