Yeremiya 31:9 - Bible en Guidar

⁹ Də əhəm adazzoŋgu, addəv əɓuh met nədawketi. Wanəke emet iŋkile a məlpa dəka tive an sarara, askotoŋ na akan ɓa vi intə afən Israyel Efrayim yi Tizi nawa.

Yeremiya 31:9 ပူးပေါင်းရင်းမြစ်များ

1Alabaraɗe Də Mabərkiziti 29:10

Davit agagdakanək Yawe daret ɗiy məkkeltiŋ pakə, amna: «Gagdak azoko, Yawe Maŋgəlva na Israyel, afəm an lahəŋka hã faɗə.

Gəlyaɗe 107:7

Akek aka tive an sarra nawmbat a walaŋgəla məs ɗiy assoŋgu.

Gəlyaɗe 23:2

Tay əvoŋgu aka kevile məgdəkani; tay əku go'o a met iŋkile en sanana,

Gəlyaɗe 89:27

Nan wayu na: “Əbba! Istə Maŋgəlva nawa! Milɓe nawkõh nawa!”

Əgilye 4:22

Kənah səngən Farawən na: Vaŋki Yawe anahə: Israyel iyi wətu uwa maddaabəŋ nawa;

Isaya 42:16

Wanədawgit deŋgerɗe dəka tive məs dəsənnən ɓa gəm də tive gargar məs dəsənnən ɗah ɓa. Wanəkkpaŋgan guzli nabet ka əkeɗeɗe'e gəm kawziyan təki mə giɗikgiɗik dakadaka. Anan nədaɗɗa, nəppet na ɓa.

Isaya 43:20

Zəgeɗ nawra, wawayɗe dit herkeseŋɗe wagagdakawəni vi nəɗiyik iŋkile a kapta-muyã, məlpeŋge a muyã, vi ɗiy naw məs nəwel dəsaŋgəni.

Isaya 45:11

Aŋki an Yawe, Salala na Israyel, dəzəmiɗ ɗiyis anahə: Mənokumtə nattokow aket zəgeɗ nazzoŋ aket kirtu gəm nawɗi su wən nan aka an nədaɗɗa sa?

Isaya 57:14

Daya amna: məzaɓani, məzaɓani, məntar tive, məzergit zəgeɗ səka tive net ɗiy nawa.

Isaya 63:13

Ngay məs dədawgit addəv pehe nak di? Va pələs a kapta-muyã, məza ndəɗaŋ ətaŋgbãy ɓa.

Isaya 63:16

Vi istə afəmə, Abraham dəsənəm ɓa, Israyel dəsənəm ɓa; is Yawe tə afəmə, is məs adawyukun far na Məzukõhgəmə.

Isaya 64:8

Kədəgədəv diyɗa akam ɓa Yawe, kədaɗɗum aka heslepe nam pay pak ɓa. Kamə awləm mənam pak na ɗiy nok mənani.

Yeremiya 3:19

Naw nənahək na: Nəŋgəl kəta na kəssoŋgən temme səret kirtuwa, kapsuk dələv moggoni, təki an lalaw day səka dəlva. Nənahək na wakəyu əbba, kəmil na səzaw əmpa ɓa.

Yeremiya 3:4

Təŋ kakaŋ na kəhəm su na: «Əbba, istə baynaw na sawã nawa.

Yeremiya 31:20

Efrayim, wətu an na makrawi sa? Wətu an nəŋgəl dayi hara nəpelgən akan nəɗɗum əɗɗum akan əmpa sa? Vini makraw adaɗɗa birbir vini, ulasãh na, nulak sasãhni. Yawe aɗiymani.

Yeremiya 50:4

Əvoŋ nan aka pay dəpaska Yawe aɗiymani: Mə Israyelɗe dit mə Yudeɗ wazzoŋ matakə wadawaŋ də əhəma, wakayanən Yawe Maŋgəlva neti.

Hose'a 12:4

Səddəvət man ambəɗan məlməni, may agayək də Maŋgəlva gala agəɗ gawla.

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Zakarya 12:10

Wanəknəh zev Davit gəm ɗiy na Yerusalem də əmpəs moggon gəm nakkama. Wawlaŋ azawa, in ɗəf məs ambokoŋ naka. Waɓuhnən met ammban va adawɓuhoŋ ma ammba wiyən karmalay. Waskaŋ morkoyo ammban va adaskaŋ morkoyo ammba uwa maddaabəŋ.

Malakiya 2:10

Afəm takay ɓa sa? Maŋgəlva taka dəzəməɗəm ɓa sa? Vimi mədazəm ki zəm əraygən wənmiyna net efiŋgiɗəm di?

Əŋɗa 2:18

Dəmba pay na moskoy na, dibirgidik na ŋgaɓa net məzəlpaŋ na Efrayim. Daya net kirtin Efrayim na ndəni Elisama, wətən Ammihut;

Matiye 3:3

Ndəni an məskəleŋ Isaya apel wən nani, amna: Ɗəf tay wənzla vamvəl awra: Məzaɓan tive na Daya, məɗɗa sən tiveɗ dəsoŋgən sarara.

Matiye 5:4

Əzaɓ aket məzəmaŋ sahã, vi Maŋgəlva waffeten makreti.

Matiye 6:9

Vaŋki kan kədakkamaŋgə: Afəm an na disiŋ, iya nok dəsan salala.

Luka 6:21

Əzaɓ akokum munokum məs mãy adawda kakaŋka, vi kawbokumi. Əzaɓ akokum, munokum məzuhəmaŋ kakaŋka, vi wakəmasaŋgə.

Roma 8:26

Əmpəs tay əzzan əbbah səm addəv əddak namə, vi məsən əkkam va an dəslə ɓa. Ya Əmpəs zək nan tay əkkam vimə, də ənɗəs məza nawpeli ɓa.

2Korintus 6:18

Wanəsaw ka Afukum, wakəssoŋ ka kirtu mezeŋleket dit məguluŋgiti. Daya afən zəga pak anahə.

Əmsak aka Mahenziŋ 14:1

Kirtin Yawe Maŋgəlva nokum kənanaŋgə. Kədantarnən zukum ɓa, kədawfaɗnən ɗugul aka kiykum ammba gəlabay ɓa.

Əmsak aka Mahenziŋ 32:6

Sən Yawe kədaɗɗaŋ vas sa, ɗiy mətemit məza maɗɗulet ɓa? Ndəni afukum məs dəzəməɗkum ɓa sa? Ndəni dəɗikum ka ɗiy nan ɓa sa?

Ibriɗe 12:13

Məzban tive an moggoni, məs sarara, vi təl vədal adamsak əɗɗa ɓa, dəmbəlgəni.

Ibriɗe 12:23

Kəzzoŋguk addəv əkkal net kirtin Maŋgəlva en daabəŋ, en məver iya net a disiŋ gəm aza Maŋgəlva mətawwən aket ɗiy pakə gəm aza əmpəs net ɗiy en təstəs dəgapaŋ aza əkõho,

Ibriɗe 5:7

Aka Yesu adawsan egge, akkamanək Maŋgəlva nawɓap əkõhgən səma əmta də əɓuhman dayadaya dit sini. Maŋgəlva aprəmək əkkam nani vi aɓe'gənək ki zəni.

Hənhən 7:17

vi ndargayãk təsat aka walaŋ mazaŋga na məlĩ watəteɗe, watəke amet iŋkile miyma na zeŋgile, Maŋgəlva wapay sit sin səreti.